UtshovDoha 16
16.1
Chaupai
पुनि बंदउँ सारद सुरसरिता। जुगल पुनीत मनोहर चरिता।।
मज्जन पान पाप हर एका। कहत सुनत एक हर अबिबेका।।
गुर पितु मातु महेस भवानी। प्रनवउँ दीनबंधु दिन दानी।।
सेवक स्वामि सखा सिय पी के। हित निरुपधि सब बिधि तुलसीके।।
कलि बिलोकि जग हित हर गिरिजा। साबर मंत्र जाल जिन्ह सिरिजा।।
अनमिल आखर अरथ न जापू। प्रगट प्रभाउ महेस प्रतापू।।
सो उमेस मोहि पर अनुकूला। करिहिं कथा मुद मंगल मूला।।
सुमिरि सिवा सिव पाइ पसाऊ। बरनउँ रामचरित चित चाऊ।।
भनिति मोरि सिव कृपाँ बिभाती। ससि समाज मिलि मनहुँ सुराती।।
जे एहि कथहि सनेह समेता। कहिहहिं सुनिहहिं समुझि सचेता।।
होइहहिं राम चरन अनुरागी। कलि मल रहित सुमंगल भागी।।
Puni bandaum sarad surasarita, jugal punit manohar charita
Majjan pan pap har eka, kahat sunat ek har abibeka
Gur pitu matu mahes bhavani, pranavaum dinabandhu din dani
Sevak svami sakha siy pi ke, hit nirupadhi sab bidhi tulasike
Kali biloki jag hit har girija, sabar mantra jal jinha sirija
Anamil akhar arath na japu, pragat prabhau mahes pratapu
So umes mohi par anukula, karihin katha mud mangal mula
Sumiri siva siv pai pasau, baranaum ramacharit chit chau
Bhaniti mori siv kripan bibhati, sasi samaj mili manahun surati
Je ehi kathahi saneh sameta, kahihahin sunihahin samujhi sacheta
Hoihahin ram charan anuragi, kali mal rahit sumangal bhagi
16.2
Doha/soratha
सपनेहुँ साचेहुँ मोहि पर जौं हर गौरि पसाउ।
तौ फुर होउ जो कहेउँ सब भाषा भनिति प्रभाउ ॥15॥
Sapanehun sachehun mohi par jaun har gauri pasau
Tau phur hou jo kaheum sab bhasha bhaniti prabhau