UtshovDoha 15
15.1
Chaupai
एहि प्रकार बल मनहि देखाई। करिहउँ रघुपति कथा सुहाई।।
ब्यास आदि कबि पुंगव नाना। जिन्ह सादर हरि सुजस बखाना।।
चरन कमल बंदउँ तिन्ह केरे। पुरवहुँ सकल मनोरथ मेरे।।
कलि के कबिन्ह करउँ परनामा। जिन्ह बरने रघुपति गुन ग्रामा।।
जे प्राकृत कबि परम सयाने। भाषाँ जिन्ह हरि चरित बखाने।।
भए जे अहहिं जे होइहहिं आगें। प्रनवउँ सबहिं कपट सब त्यागें।।
होहु प्रसन्न देहु बरदानू। साधु समाज भनिति सनमानू।।
जो प्रबंध बुध नहिं आदरहीं। सो श्रम बादि बाल कबि करहीं।।
कीरति भनिति भूति भलि सोई। सुरसरि सम सब कहँ हित होई।।
राम सुकीरति भनिति भदेसा। असमंजस अस मोहि अँदेसा।।
तुम्हरी कृपा सुलभ सोउ मोरे। सिअनि सुहावनि टाट पटोरे।।
Ehi prakar bal manahi dekhai, karihaum raghupati katha suhai
Byas adi kabi pungav nana, jinha sadar hari sujas bakhana
Charan kamal bandaum tinha kere, puravahun sakal manorath mere
Kali ke kabinha karaum paranama, jinha barane raghupati gun grama
Je prakrit kabi param sayane, bhashan jinha hari charit bakhane
Bhae je ahahin je hoihahin agen, pranavaum sabahin kapat sab tyagen
Hohu prasanna dehu baradanu, sadhu samaj bhaniti sanamanu
Jo prabandh budh nahin adarahin, so shram badi bal kabi karahin
Kirati bhaniti bhuti bhali soi, surasari sam sab kaham hit hoi
Ram sukirati bhaniti bhadesa, asamanjas as mohi andesa
Tumhari kripa sulabh sou more, siani suhavani tat patore
15.2
Doha/soratha
सरल कबित कीरति बिमल सोइ आदरहिं सुजान।
सहज बयर बिसराइ रिपु जो सुनि करहिं बखान ॥14(क)॥
Saral kabit kirati bimal soi adarahin sujan
Sahaj bayar bisarai ripu jo suni karahin bakhan, 14(ka)
15.3
Doha/soratha
सो न होइ बिनु बिमल मति मोहि मति बल अति थोर।
करहु कृपा हरि जस कहउँ पुनि पुनि करउँ निहोर ॥14(ख)॥
So na hoi binu bimal mati mohi mati bal ati thor
Karahu kripa hari jas kahaum puni puni karaum nihor, 14(kh)
15.4
Doha/soratha
कबि कोबिद रघुबर चरित मानस मंजु मराल।
बाल बिनय सुनि सुरुचि लखि मोपर होहु कृपाल ॥14(ग)॥
Kabi kobid raghubar charit manas manju maral
Bal binay suni suruchi lakhi mopar hohu kripal, 14(ga)
15.5
Doha/soratha
बंदउँ मुनि पद कंजु रामायन जेहिं निरमयउ।
सखर सुकोमल मंजु दोष रहित दूषन सहित ॥14(घ)॥
Bandaum muni pad kanju ramayan jehin niramayau
Sakhar sukomal manju dosh rahit dushan sahit, 14(gh)
15.6
Doha/soratha
बंदउँ चारिउ बेद भव बारिधि बोहित सरिस।
जिन्हहि न सपनेहुँ खेद बरनत रघुबर बिसद जसु ॥14(ङ)॥
Bandaum chariu bed bhav baridhi bohit saris
Jinhahi na sapanehun khed baranat raghubar bisad jasu, 14(ng)
15.7
Doha/soratha
बंदउँ बिधि पद रेनु भव सागर जेहि कीन्ह जहँ।
संत सुधा ससि धेनु प्रगटे खल बिष बारुनी ॥14(च)॥
Bandaum bidhi pad renu bhav sagar jehi kinha jaham
Sant sudha sasi dhenu pragate khal bish baruni, 14(ch)
15.8
Doha/soratha
बिबुध बिप्र बुध ग्रह चरन बंदि कहउँ कर जोरि।
होइ प्रसन्न पुरवहु सकल मंजु मनोरथ मोरि ॥14(छ)॥
Bibudh bipra budh grah charan bandi kahaum kar jori
Hoi prasanna puravahu sakal manju manorath mori, 14(chh)