UtshovDoha 17
17.1
Chaupai
बंदउँ अवध पुरी अति पावनि। सरजू सरि कलि कलुष नसावनि।।
प्रनवउँ पुर नर नारि बहोरी। ममता जिन्ह पर प्रभुहि न थोरी।।
सिय निंदक अघ ओघ नसाए। लोक बिसोक बनाइ बसाए।।
बंदउँ कौसल्या दिसि प्राची। कीरति जासु सकल जग माची।।
प्रगटेउ जहँ रघुपति ससि चारू। बिस्व सुखद खल कमल तुसारू।।
दसरथ राउ सहित सब रानी। सुकृत सुमंगल मूरति मानी।।
करउँ प्रनाम करम मन बानी। करहु कृपा सुत सेवक जानी।।
जिन्हहि बिरचि बड़ भयउ बिधाता। महिमा अवधि राम पितु माता।।
Bandaum avadh puri ati pavani, saraju sari kali kalush nasavani
Pranavaum pur nar nari bahori, mamata jinha par prabhuhi na thori
Siy nindak agh ogh nasae, lok bisok banai basae
Bandaum kausalya disi prachi, kirati jasu sakal jag machi
Pragateu jaham raghupati sasi charu, bisva sukhad khal kamal tusaru
Dasarath rau sahit sab rani, sukrit sumangal murati mani
Karaum pranam karam man bani, karahu kripa sut sevak jani
Jinhahi birachi bar bhayau bidhata, mahima avadhi ram pitu mata
17.2
Doha/soratha
बंदउँ अवध भुआल सत्य प्रेम जेहि राम पद।
बिछुरत दीनदयाल प्रिय तनु तृन इव परिहरेउ ॥16॥
Bandaum avadh bhual satya prem jehi ram pad
Bichhurat dinadayal priy tanu trin iv parihareu