UtshovDoha 150
150.1
Chaupai
सुनि प्रभु बचन जोरि जुग पानी। धरि धीरजु बोली मृदु बानी।।
नाथ देखि पद कमल तुम्हारे। अब पूरे सब काम हमारे।।
एक लालसा बड़ि उर माही। सुगम अगम कहि जात सो नाहीं।।
तुम्हहि देत अति सुगम गोसाईं। अगम लाग मोहि निज कृपनाईं।।
जथा दरिद्र बिबुधतरु पाई। बहु संपति मागत सकुचाई।।
तासु प्रभा जान नहिं सोई। तथा हृदयँ मम संसय होई।।
सो तुम्ह जानहु अंतरजामी। पुरवहु मोर मनोरथ स्वामी।।
सकुच बिहाइ मागु नृप मोहि। मोरें नहिं अदेय कछु तोही।।
Suni prabhu bachan jori jug pani, dhari dhiraju boli mridu bani
Nath dekhi pad kamal tumhare, ab pure sab kam hamare
Ek lalasa bari ur mahi, sugam agam kahi jat so nahin
Tumhahi det ati sugam gosaim, agam lag mohi nij kripanaim
Jatha daridra bibudhataru pai, bahu sampati magat sakuchai
Tasu prabha jan nahin soi, tatha hridayam mam sansay hoi
So tumha janahu antarajami, puravahu mor manorath svami
Sakuch bihai magu nrip mohi, moren nahin adey kachhu tohi
150.2
Doha/soratha
दानि सिरोमनि कृपानिधि नाथ कहउँ सतिभाउ।।
चाहउँ तुम्हहि समान सुत प्रभु सन कवन दुराउ ॥149॥
Dani siromani kripanidhi nath kahaum satibhau
Chahaum tumhahi saman sut prabhu san kavan durau