UtshovDoha 149
149.1
Chaupai
पद राजीव बरनि नहि जाहीं। मुनि मन मधुप बसहिं जेन्ह माहीं।।
बाम भाग सोभति अनुकूला। आदिसक्ति छबिनिधि जगमूला।।
जासु अंस उपजहिं गुनखानी। अगनित लच्छि उमा ब्रह्मानी।।
भृकुटि बिलास जासु जग होई। राम बाम दिसि सीता सोई।।
छबिसमुद्र हरि रूप बिलोकी। एकटक रहे नयन पट रोकी।।
चितवहिं सादर रूप अनूपा। तृप्ति न मानहिं मनु सतरूपा।।
हरष बिबस तन दसा भुलानी। परे दंड इव गहि पद पानी।।
सिर परसे प्रभु निज कर कंजा। तुरत उठाए करुनापुंजा।।
Pad rajiv barani nahi jahin, muni man madhup basahin jenha mahin
Bam bhag sobhati anukula, adisakti chhabinidhi jagamula
Jasu ans upajahin gunakhani, aganit lachchhi uma brahmani
Bhrikuti bilas jasu jag hoi, ram bam disi sita soi
Chhabisamudra hari rup biloki, ekatak rahe nayan pat roki
Chitavahin sadar rup anupa, tripti na manahin manu satarupa
Harash bibas tan dasa bhulani, pare dand iv gahi pad pani
Sir parase prabhu nij kar kanja, turat uthae karunapunja
149.2
Doha/soratha
बोले कृपानिधान पुनि अति प्रसन्न मोहि जानि।
मागहु बर जोइ भाव मन महादानि अनुमानि ॥148॥
Bole kripanidhan puni ati prasanna mohi jani
Magahu bar joi bhav man mahadani anumani