UtshovDoha 151
151.1
Chaupai
देखि प्रीति सुनि बचन अमोले। एवमस्तु करुनानिधि बोले।।
आपु सरिस खोजौं कहँ जाई। नृप तव तनय होब मैं आई।।
सतरूपहि बिलोकि कर जोरें। देबि मागु बरु जो रुचि तोरे।।
जो बरु नाथ चतुर नृप मागा। सोइ कृपाल मोहि अति प्रिय लागा।।
प्रभु परंतु सुठि होति ढिठाई। जदपि भगत हित तुम्हहि सोहाई।।
तुम्ह ब्रह्मादि जनक जग स्वामी। ब्रह्म सकल उर अंतरजामी।।
अस समुझत मन संसय होई। कहा जो प्रभु प्रवान पुनि सोई।।
जे निज भगत नाथ तव अहहीं। जो सुख पावहिं जो गति लहहीं।।
Dekhi priti suni bachan amole, evamastu karunanidhi bole
Apu saris khojaun kaham jai, nrip tav tanay hob main ai
Satarupahi biloki kar joren, debi magu baru jo ruchi tore
Jo baru nath chatur nrip maga, soi kripal mohi ati priy laga
Prabhu parantu suthi hoti dhithai, jadapi bhagat hit tumhahi sohai
Tumha brahmadi janak jag svami, brahma sakal ur antarajami
As samujhat man sansay hoi, kaha jo prabhu pravan puni soi
Je nij bhagat nath tav ahahin, jo sukh pavahin jo gati lahahin
151.2
Doha/soratha
सोइ सुख सोइ गति सोइ भगति सोइ निज चरन सनेहु।।
सोइ बिबेक सोइ रहनि प्रभु हमहि कृपा करि देहु ॥150॥
Soi sukh soi gati soi bhagati soi nij charan sanehu
Soi bibek soi rahani prabhu hamahi kripa kari dehu