UtshovDoha 147
147.1
Chaupai
सुनु सेवक सुरतरु सुरधेनु। बिधि हरि हर बंदित पद रेनू।।
सेवत सुलभ सकल सुख दायक। प्रनतपाल सचराचर नायक।।
जौं अनाथ हित हम पर नेहू। तौ प्रसन्न होइ यह बर देहू।।
जो सरूप बस सिव मन माहीं। जेहि कारन मुनि जतन कराहीं।।
जो भुसुंडि मन मानस हंसा। सगुन अगुन जेहि निगम प्रसंसा।।
देखहिं हम सो रूप भरि लोचन। कृपा करहु प्रनतारति मोचन।।
दंपति बचन परम प्रिय लागे। मुदुल बिनीत प्रेम रस पागे।।
भगत बछल प्रभु कृपानिधाना। बिस्वबास प्रगटे भगवाना।।
Sunu sevak surataru suradhenu, bidhi hari har bandit pad renu
Sevat sulabh sakal sukh dayak, pranatapal sacharachar nayak
Jaun anath hit ham par nehu, tau prasanna hoi yah bar dehu
Jo sarup bas siv man mahin, jehi karan muni jatan karahin
Jo bhusundi man manas hansa, sagun agun jehi nigam prasansa
Dekhahin ham so rup bhari lochan, kripa karahu pranatarati mochan
Dampati bachan param priy lage, mudul binit prem ras page
Bhagat bachhal prabhu kripanidhana, bisvabas pragate bhagavana
147.2
Doha/soratha
नील सरोरुह नील मनि नील नीरधर स्याम।
लाजहिं तन सोभा निरखि कोटि कोटि सत काम ॥146॥
Nil saroruh nil mani nil niradhar syam
Lajahin tan sobha nirakhi koti koti sat kam