UtshovDoha 145
145.1
Chaupai
करहिं अहार साक फल कंदा। सुमिरहिं ब्रह्म सच्चिदानंदा।।
पुनि हरि हेतु करन तप लागे। बारि अधार मूल फल त्यागे।।
उर अभिलाष निंरंतर होई। देखअ नयन परम प्रभु सोई।।
अगुन अखंड अनंत अनादी। जेहि चिंतहिं परमारथबादी।।
नेति नेति जेहि बेद निरूपा। निजानंद निरुपाधि अनूपा।।
संभु बिरंचि बिष्नु भगवाना। उपजहिं जासु अंस तें नाना।।
ऐसेउ प्रभु सेवक बस अहई। भगत हेतु लीलातनु गहई।।
जौं यह बचन सत्य श्रुति भाषा। तौ हमार पूजहि अभिलाषा।।
Karahin ahar sak phal kanda, sumirahin brahma sachchidananda
Puni hari hetu karan tap lage, bari adhar mul phal tyage
Ur abhilash ninrantar hoi, dekhaa nayan param prabhu soi
Agun akhand anant anadi, jehi chintahin paramarathabadi
Neti neti jehi bed nirupa, nijanand nirupadhi anupa
Sambhu biranchi bishnu bhagavana, upajahin jasu ans ten nana
Aiseu prabhu sevak bas ahai, bhagat hetu lilatanu gahai
Jaun yah bachan satya shruti bhasha, tau hamar pujahi abhilasha
145.2
Doha/soratha
एहि बिधि बीतें बरष षट सहस बारि आहार।
संबत सप्त सहस्त्र पुनि रहे समीर अधार ॥144॥
Ehi bidhi biten barash shat sahas bari ahar
Sambat sapta sahastra puni rahe samir adhar