UtshovDoha 13
13.1
Chaupai
जे जनमे कलिकाल कराला। करतब बायस बेष मराला।।
चलत कुपंथ बेद मग छाँड़े। कपट कलेवर कलि मल भाँड़ें।।
बंचक भगत कहाइ राम के। किंकर कंचन कोह काम के।।
तिन्ह महँ प्रथम रेख जग मोरी। धींग धरमध्वज धंधक धोरी।।
जौं अपने अवगुन सब कहऊँ। बाढ़इ कथा पार नहिं लहऊँ।।
ताते मैं अति अलप बखाने। थोरे महुँ जानिहहिं सयाने।।
समुझि बिबिधि बिधि बिनती मोरी। कोउ न कथा सुनि देइहि खोरी।।
एतेहु पर करिहहिं जे असंका। मोहि ते अधिक ते जड़ मति रंका।।
कबि न होउँ नहिं चतुर कहावउँ। मति अनुरूप राम गुन गावउँ।।
कहँ रघुपति के चरित अपारा। कहँ मति मोरि निरत संसारा।।
जेहिं मारुत गिरि मेरु उड़ाहीं। कहहु तूल केहि लेखे माहीं।।
समुझत अमित राम प्रभुताई। करत कथा मन अति कदराई।।
Je janame kalikal karala, karatab bayas besh marala
Chalat kupanth bed mag chhanre, kapat kalevar kali mal bhanren
Banchak bhagat kahai ram ke, kinkar kanchan koh kam ke
Tinha maham pratham rekh jag mori, dhing dharamadhvaj dhandhak dhori
Jaun apane avagun sab kahaum, barhai katha par nahin lahaum
Tate main ati alap bakhane, thore mahun janihahin sayane
Samujhi bibidhi bidhi binati mori, kou na katha suni deihi khori
Etehu par karihahin je asanka, mohi te adhik te jar mati ranka
Kabi na houm nahin chatur kahavaum, mati anurup ram gun gavaum
Kaham raghupati ke charit apara, kaham mati mori nirat sansara
Jehin marut giri meru urahin, kahahu tul kehi lekhe mahin
Samujhat amit ram prabhutai, karat katha man ati kadarai
13.2
Doha/soratha
सारद सेस महेस बिधि आगम निगम पुरान।
नेति नेति कहि जासु गुन करहिं निरंतर गान ॥12॥
Sarad ses mahes bidhi agam nigam puran
Neti neti kahi jasu gun karahin nirantar gan