UtshovDoha 12
12.1
Chaupai
मनि मानिक मुकुता छबि जैसी। अहि गिरि गज सिर सोह न तैसी।।
नृप किरीट तरुनी तनु पाई। लहहिं सकल सोभा अधिकाई।।
तैसेहिं सुकबि कबित बुध कहहीं। उपजहिं अनत अनत छबि लहहीं।।
भगति हेतु बिधि भवन बिहाई। सुमिरत सारद आवति धाई।।
राम चरित सर बिनु अन्हवाएँ। सो श्रम जाइ न कोटि उपाएँ।।
कबि कोबिद अस हृदयँ बिचारी। गावहिं हरि जस कलि मल हारी।।
कीन्हें प्राकृत जन गुन गाना। सिर धुनि गिरा लगत पछिताना।।
हृदय सिंधु मति सीप समाना। स्वाति सारदा कहहिं सुजाना।।
जौं बरषइ बर बारि बिचारू। होहिं कबित मुकुतामनि चारू।।
Mani manik mukuta chhabi jaisi, ahi giri gaj sir soh na taisi
Nrip kirit taruni tanu pai, lahahin sakal sobha adhikai
Taisehin sukabi kabit budh kahahin, upajahin anat anat chhabi lahahin
Bhagati hetu bidhi bhavan bihai, sumirat sarad avati dhai
Ram charit sar binu anhavaem, so shram jai na koti upaem
Kabi kobid as hridayam bichari, gavahin hari jas kali mal hari
Kinhen prakrit jan gun gana, sir dhuni gira lagat pachhitana
Hriday sindhu mati sip samana, svati sarada kahahin sujana
Jaun barashai bar bari bicharu, hohin kabit mukutamani charu
12.2
Doha/soratha
जुगुति बेधि पुनि पोहिअहिं रामचरित बर ताग।
पहिरहिं सज्जन बिमल उर सोभा अति अनुराग ॥11॥
Juguti bedhi puni pohiahin ramacharit bar tag
Pahirahin sajjan bimal ur sobha ati anurag