UtshovDoha 11
11.1
Chaupai
एहि महँ रघुपति नाम उदारा। अति पावन पुरान श्रुति सारा।।
मंगल भवन अमंगल हारी। उमा सहित जेहि जपत पुरारी।।
भनिति बिचित्र सुकबि कृत जोऊ। राम नाम बिनु सोह न सोऊ।।
बिधुबदनी सब भाँति सँवारी। सोन न बसन बिना बर नारी।।
सब गुन रहित कुकबि कृत बानी। राम नाम जस अंकित जानी।।
सादर कहहिं सुनहिं बुध ताही। मधुकर सरिस संत गुनग्राही।।
जदपि कबित रस एकउ नाही। राम प्रताप प्रकट एहि माहीं।।
सोइ भरोस मोरें मन आवा। केहिं न सुसंग बडप्पनु पावा।।
धूमउ तजइ सहज करुआई। अगरु प्रसंग सुगंध बसाई।।
भनिति भदेस बस्तु भलि बरनी। राम कथा जग मंगल करनी।।
Ehi maham raghupati nam udara, ati pavan puran shruti sara
Mangal bhavan amangal hari, uma sahit jehi japat purari
Bhaniti bichitra sukabi krit jou, ram nam binu soh na sou
Bidhubadani sab bhanti sanvari, son na basan bina bar nari
Sab gun rahit kukabi krit bani, ram nam jas ankit jani
Sadar kahahin sunahin budh tahi, madhukar saris sant gunagrahi
Jadapi kabit ras ekau nahi, ram pratap prakat ehi mahin
Soi bharos moren man ava, kehin na susang badappanu pava
Dhumau tajai sahaj karuai, agaru prasang sugandh basai
Bhaniti bhades bastu bhali barani, ram katha jag mangal karani
11.2
Chhand
मंगल करनि कलि मल हरनि तुलसी कथा रघुनाथ की।।
गति कूर कबिता सरित की ज्यों सरित पावन पाथ की।।
प्रभु सुजस संगति भनिति भलि होइहि सुजन मन भावनी।।
भव अंग भूति मसान की सुमिरत सुहावनि पावनी।।
Mangal karani kali mal harani tulasi katha raghunath ki
Gati kur kabita sarit ki jyon sarit pavan path ki
Prabhu sujas sangati bhaniti bhali hoihi sujan man bhavani
Bhav ang bhuti masan ki sumirat suhavani pavani
11.3
Doha/soratha
प्रिय लागिहि अति सबहि मम भनिति राम जस संग।
दारु बिचारु कि करइ कोउ बंदिअ मलय प्रसंग ॥10(क)॥
Priy lagihi ati sabahi mam bhaniti ram jas sang
Daru bicharu ki karai kou bandia malay prasang, 10(ka)
11.4
Doha/soratha
स्याम सुरभि पय बिसद अति गुनद करहिं सब पान।
गिरा ग्राम्य सिय राम जस गावहिं सुनहिं सुजान ॥10(ख)॥
Syam surabhi pay bisad ati gunad karahin sab pan
Gira gramya siy ram jas gavahin sunahin sujan, 10(kh)