UtshovDoha 10
10.1
Chaupai
खल परिहास होइ हित मोरा। काक कहहिं कलकंठ कठोरा।।
हंसहि बक दादुर चातकही। हँसहिं मलिन खल बिमल बतकही।।
कबित रसिक न राम पद नेहू। तिन्ह कहँ सुखद हास रस एहू।।
भाषा भनिति भोरि मति मोरी। हँसिबे जोग हँसें नहिं खोरी।।
प्रभु पद प्रीति न सामुझि नीकी। तिन्हहि कथा सुनि लागहि फीकी।।
हरि हर पद रति मति न कुतरकी। तिन्ह कहुँ मधुर कथा रघुवर की।।
राम भगति भूषित जियँ जानी। सुनिहहिं सुजन सराहि सुबानी।।
कबि न होउँ नहिं बचन प्रबीनू। सकल कला सब बिद्या हीनू।।
आखर अरथ अलंकृति नाना। छंद प्रबंध अनेक बिधाना।।
भाव भेद रस भेद अपारा। कबित दोष गुन बिबिध प्रकारा।।
कबित बिबेक एक नहिं मोरें। सत्य कहउँ लिखि कागद कोरे।।
Khal parihas hoi hit mora, kak kahahin kalakanth kathora
Hansahi bak dadur chatakahi, hansahin malin khal bimal batakahi
Kabit rasik na ram pad nehu, tinha kaham sukhad has ras ehu
Bhasha bhaniti bhori mati mori, hansibe jog hansen nahin khori
Prabhu pad priti na samujhi niki, tinhahi katha suni lagahi phiki
Hari har pad rati mati na kutaraki, tinha kahun madhur katha raghuvar ki
Ram bhagati bhushit jiyam jani, sunihahin sujan sarahi subani
Kabi na houm nahin bachan prabinu, sakal kala sab bidya hinu
Akhar arath alankriti nana, chhand prabandh anek bidhana
Bhav bhed ras bhed apara, kabit dosh gun bibidh prakara
Kabit bibek ek nahin moren, satya kahaum likhi kagad kore
10.2
Doha/soratha
भनिति मोरि सब गुन रहित बिस्व बिदित गुन एक।
सो बिचारि सुनिहहिं सुमति जिन्ह कें बिमल बिवेक ॥9॥
Bhaniti mori sab gun rahit bisva bidit gun ek
So bichari sunihahin sumati jinha ken bimal bivek