UtshovDoha 109
109.1
Chaupai
जौं मो पर प्रसन्न सुखरासी। जानिअ सत्य मोहि निज दासी।।
तौं प्रभु हरहु मोर अग्याना। कहि रघुनाथ कथा बिधि नाना।।
जासु भवनु सुरतरु तर होई। सहि कि दरिद्र जनित दुखु सोई।।
ससिभूषन अस हृदयँ बिचारी। हरहु नाथ मम मति भ्रम भारी।।
प्रभु जे मुनि परमारथबादी। कहहिं राम कहुँ ब्रह्म अनादी।।
सेस सारदा बेद पुराना। सकल करहिं रघुपति गुन गाना।।
तुम्ह पुनि राम राम दिन राती। सादर जपहु अनँग आराती।।
रामु सो अवध नृपति सुत सोई। की अज अगुन अलखगति कोई।।
Jaun mo par prasanna sukharasi, jania satya mohi nij dasi
Taun prabhu harahu mor agyana, kahi raghunath katha bidhi nana
Jasu bhavanu surataru tar hoi, sahi ki daridra janit dukhu soi
Sasibhushan as hridayam bichari, harahu nath mam mati bhram bhari
Prabhu je muni paramarathabadi, kahahin ram kahun brahma anadi
Ses sarada bed purana, sakal karahin raghupati gun gana
Tumha puni ram ram din rati, sadar japahu anang arati
Ramu so avadh nripati sut soi, ki aj agun alakhagati koi
109.2
Doha/soratha
जौं नृप तनय त ब्रह्म किमि नारि बिरहँ मति भोरि।
देख चरित महिमा सुनत भ्रमति बुद्धि अति मोरि ॥108॥
Jaun nrip tanay ta brahma kimi nari biraham mati bhori
Dekh charit mahima sunat bhramati buddhi ati mori