UtshovDoha 108
108.1
Chaupai
बैठे सोह कामरिपु कैसें। धरें सरीरु सांतरसु जैसें।।
पारबती भल अवसरु जानी। गई संभु पहिं मातु भवानी।।
जानि प्रिया आदरु अति कीन्हा। बाम भाग आसनु हर दीन्हा।।
बैठीं सिव समीप हरषाई। पूरुब जन्म कथा चित आई।।
पति हियँ हेतु अधिक अनुमानी। बिहसि उमा बोलीं प्रिय बानी।।
कथा जो सकल लोक हितकारी। सोइ पूछन चह सैलकुमारी।।
बिस्वनाथ मम नाथ पुरारी। त्रिभुवन महिमा बिदित तुम्हारी।।
चर अरु अचर नाग नर देवा। सकल करहिं पद पंकज सेवा।।
Baithe soh kamaripu kaisen, dharen sariru santarasu jaisen
Parabati bhal avasaru jani, gai sambhu pahin matu bhavani
Jani priya adaru ati kinha, bam bhag asanu har dinha
Baithin siv samip harashai, purub janma katha chit ai
Pati hiyam hetu adhik anumani, bihasi uma bolin priy bani
Katha jo sakal lok hitakari, soi puchhan chah sailakumari
Bisvanath mam nath purari, tribhuvan mahima bidit tumhari
Char aru achar nag nar deva, sakal karahin pad pankaj seva
108.2
Doha/soratha
प्रभु समरथ सर्बग्य सिव सकल कला गुन धाम।।
जोग ग्यान बैराग्य निधि प्रनत कलपतरु नाम ॥107॥
Prabhu samarath sarbagya siv sakal kala gun dham
Jog gyan bairagya nidhi pranat kalapataru nam