UtshovDoha 107
107.1
Chaupai
हरि हर बिमुख धर्म रति नाहीं। ते नर तहँ सपनेहुँ नहिं जाहीं।।
तेहि गिरि पर बट बिटप बिसाला। नित नूतन सुंदर सब काला।।
त्रिबिध समीर सुसीतलि छाया। सिव बिश्राम बिटप श्रुति गाया।।
एक बार तेहि तर प्रभु गयऊ। तरु बिलोकि उर अति सुखु भयऊ।।
निज कर डासि नागरिपु छाला। बैठै सहजहिं संभु कृपाला।।
कुंद इंदु दर गौर सरीरा। भुज प्रलंब परिधन मुनिचीरा।।
तरुन अरुन अंबुज सम चरना। नख दुति भगत हृदय तम हरना।।
भुजग भूति भूषन त्रिपुरारी। आननु सरद चंद छबि हारी।।
Hari har bimukh dharma rati nahin, te nar taham sapanehun nahin jahin
Tehi giri par bat bitap bisala, nit nutan sundar sab kala
Tribidh samir susitali chhaya, siv bishram bitap shruti gaya
Ek bar tehi tar prabhu gayau, taru biloki ur ati sukhu bhayau
Nij kar dasi nagaripu chhala, baithai sahajahin sambhu kripala
Kund indu dar gaur sarira, bhuj pralamb paridhan munichira
Tarun arun ambuj sam charana, nakh duti bhagat hriday tam harana
Bhujag bhuti bhushan tripurari, ananu sarad chand chhabi hari
107.2
Doha/soratha
जटा मुकुट सुरसरित सिर लोचन नलिन बिसाल।
नीलकंठ लावन्यनिधि सोह बालबिधु भाल ॥106॥
Jata mukut surasarit sir lochan nalin bisal
Nilakanth lavanyanidhi soh balabidhu bhal