UtshovDoha 101
101.1
Chaupai
बोलि सकल सुर सादर लीन्हे। सबहि जथोचित आसन दीन्हे।।
बेदी बेद बिधान सँवारी। सुभग सुमंगल गावहिं नारी।।
सिंघासनु अति दिब्य सुहावा। जाइ न बरनि बिरंचि बनावा।।
बैठे सिव बिप्रन्ह सिरु नाई। हृदयँ सुमिरि निज प्रभु रघुराई।।
बहुरि मुनीसन्ह उमा बोलाई। करि सिंगारु सखीं लै आई।।
देखत रूपु सकल सुर मोहे। बरनै छबि अस जग कबि को है।।
जगदंबिका जानि भव भामा। सुरन्ह मनहिं मन कीन्ह प्रनामा।।
सुंदरता मरजाद भवानी। जाइ न कोटिहुँ बदन बखानी।।
Boli sakal sur sadar linhe, sabahi jathochit asan dinhe
Bedi bed bidhan sanvari, subhag sumangal gavahin nari
Singhasanu ati dibya suhava, jai na barani biranchi banava
Baithe siv bipranha siru nai, hridayam sumiri nij prabhu raghurai
Bahuri munisanha uma bolai, kari singaru sakhin lai ai
Dekhat rupu sakal sur mohe, baranai chhabi as jag kabi ko hai
Jagadambika jani bhav bhama, suranha manahin man kinha pranama
Sundarata marajad bhavani, jai na kotihun badan bakhani
101.2
Chhand
कोटिहुँ बदन नहिं बनै बरनत जग जननि सोभा महा।
सकुचहिं कहत श्रुति सेष सारद मंदमति तुलसी कहा।।
छबिखानि मातु भवानि गवनी मध्य मंडप सिव जहाँ।।
अवलोकि सकहिं न सकुच पति पद कमल मनु मधुकरु तहाँ।।
Kotihun badan nahin banai baranat jag janani sobha maha
Sakuchahin kahat shruti sesh sarad mandamati tulasi kaha
Chhabikhani matu bhavani gavani madhya mandap siv jahan
Avaloki sakahin na sakuch pati pad kamal manu madhukaru tahan
101.3
Doha/soratha
मुनि अनुसासन गनपतिहि पूजेउ संभु भवानि।
कोउ सुनि संसय करै जनि सुर अनादि जियँ जानि ॥100॥
Muni anusasan ganapatihi pujeu sambhu bhavani
Kou suni sansay karai jani sur anadi jiyam jani