UtshovDoha 100
100.1
Chaupai
तब मयना हिमवंतु अनंदे। पुनि पुनि पारबती पद बंदे।।
नारि पुरुष सिसु जुबा सयाने। नगर लोग सब अति हरषाने।।
लगे होन पुर मंगलगाना। सजे सबहि हाटक घट नाना।।
भाँति अनेक भई जेवराना। सूपसास्त्र जस कछु ब्यवहारा।।
सो जेवनार कि जाइ बखानी। बसहिं भवन जेहिं मातु भवानी।।
सादर बोले सकल बराती। बिष्नु बिरंचि देव सब जाती।।
बिबिधि पाँति बैठी जेवनारा। लागे परुसन निपुन सुआरा।।
नारिबृंद सुर जेवँत जानी। लगीं देन गारीं मृदु बानी।।
Tab mayana himavantu anande, puni puni parabati pad bande
Nari purush sisu juba sayane, nagar log sab ati harashane
Lage hon pur mangalagana, saje sabahi hatak ghat nana
Bhanti anek bhai jevarana, supasastra jas kachhu byavahara
So jevanar ki jai bakhani, basahin bhavan jehin matu bhavani
Sadar bole sakal barati, bishnu biranchi dev sab jati
Bibidhi panti baithi jevanara, lage parusan nipun suara
Naribrind sur jevant jani, lagin den garin mridu bani
100.2
Chhand
गारीं मधुर स्वर देहिं सुंदरि बिंग्य बचन सुनावहीं।
भोजनु करहिं सुर अति बिलंबु बिनोदु सुनि सचु पावहीं।।
जेवँत जो बढ्यो अनंदु सो मुख कोटिहूँ न परै कह्यो।
अचवाँइ दीन्हे पान गवने बास जहँ जाको रह्यो।।
Garin madhur svar dehin sundari bingya bachan sunavahin
Bhojanu karahin sur ati bilambu binodu suni sachu pavahin
Jevant jo badhyo anandu so mukh kotihun na parai kahyo
Achavani dinhe pan gavane bas jaham jako rahyo
100.3
Doha/soratha
बहुरि मुनिन्ह हिमवंत कहुँ लगन सुनाई आइ।
समय बिलोकि बिबाह कर पठए देव बोलाइ ॥99॥
Bahuri muninha himavant kahun lagan sunai ai
Samay biloki bibah kar pathae dev bolai