UtshovChapter 1
1.1
जनमेजय उवाच
एवं निपातिते कर्णे समरे सव्यसाचिना
अल्पावशिष्टाः कुरवः किमकुर्वत वै द्विज
Janamejaya uvacha
Evam nipatite karne samare savyasachina
Alpavashishtah kuravah kimakurvata vai dvija
1.2
उदीर्यमाणं च बलं दृष्ट्वा राजा सुयोधनः
पाण्डवैः प्राप्तकालं च किं प्रापद्यत कौरवः
Udiryamanam cha balam drishtva raja suyodhanah
Pandavaih praptakalam cha kim prapadyata kauravah
1.3
एतदिच्छाम्यहं श्रोतुं तदाचक्ष्व द्विजोत्तम
न हि तृप्यामि पूर्वेषां शृण्वानश्चरितं महत्
Etadichchhamyaham shrotum tadachakshva dvijottama
Na hi tripyami purvesham shrinvanashcharitam mahat
1.4
वैशंपायन उवाच
ततः कर्णे हते राजन्धार्तराष्ट्रः सुयोधनः
भृशं शोकार्णवे मग्नो निराशः सर्वतोऽभवत्
Vaishampayana uvacha
Tatah karne hate rajandhartarashtrah suyodhanah
Bhrisham shokarnave magno nirashah sarvatobhavat
1.5
हा कर्ण हा कर्ण इति शोचमानः पुनः पुनः
कृच्छ्रात्स्वशिबिरं प्रायाद्धतशेषैर्नृपैः सह
Ha karna ha karna iti shochamanah punah punah
Krichchhratsvashibiram prayaddhatasheshairnripaih saha
1.6
स समाश्वास्यमानोऽपि हेतुभिः शास्त्रनिश्चितैः
राजभिर्नालभच्छर्म सूतपुत्रवधं स्मरन्
Sa samashvasyamanopi hetubhih shastranishchitaih
Rajabhirnalabhachchharma sutaputravadham smaran
1.7
स दैवं बलवन्मत्वा भवितव्यं च पार्थिवः
संग्रामे निश्चयं कृत्वा पुनर्युद्धाय निर्ययौ
Sa daivam balavanmatva bhavitavyam cha parthivah
Sangrame nishchayam kritva punaryuddhaya niryayau
1.8
शल्यं सेनापतिं कृत्वा विधिवद्राजपुंगवः
रणाय निर्ययौ राजा हतशेषैर्नृपैः सह
Shalyam senapatim kritva vidhivadrajapungavah
Ranaya niryayau raja hatasheshairnripaih saha
1.9
ततः सुतुमुलं युद्धं कुरुपाण्डवसेनयोः
बभूव भरतश्रेष्ठ देवासुररणोपमम्
Tatah sutumulam yuddham kurupandavasenayoh
Babhuva bharatashreshtha devasuraranopamam
1.10
ततः शल्यो महाराज कृत्वा कदनमाहवे
पाण्डुसैन्यस्य मध्याह्ने धर्मराजेन पातितः
Tatah shalyo maharaja kritva kadanamahave
Pandusainyasya madhyahne dharmarajena patitah
1.11
ततो दुर्योधनो राजा हतबन्धू रणाजिरात्
अपसृत्य ह्रदं घोरं विवेश रिपुजाद्भयात्
Tato duryodhano raja hatabandhu ranajirat
Apasritya hradam ghoram vivesha ripujadbhayat
1.12
अथापराह्णे तस्याह्नः परिवार्य महारथैः
ह्रदादाहूय योगेन भीमसेनेन पातितः
Athaparahne tasyahnah parivarya maharathaih
Hradadahuya yogena bhimasenena patitah
1.13
तस्मिन्हते महेष्वासे हतशिष्टास्त्रयो रथाः
संरभान्निशि राजेन्द्र जघ्नुः पाञ्चालसैनिकान्
Tasminhate maheshvase hatashishtastrayo rathah
Sanrabhannishi rajendra jaghnuh panchalasainikan
1.14
ततः पूर्वाह्णसमये शिबिरादेत्य संजयः
प्रविवेश पुरीं दीनो दुःखशोकसमन्वितः
Tatah purvahnasamaye shibiradetya sanjayah
Pravivesha purim dino duhkhashokasamanvitah
1.15
प्रविश्य च पुरं तूर्णं भुजावुच्छ्रित्य दुःखितः
वेपमानस्ततो राज्ञः प्रविवेश निवेशनम्
Pravishya cha puram turnam bhujavuchchhritya duhkhitah
Vepamanastato ragyah pravivesha niveshanam
1.16
रुरोद च नरव्याघ्र हा राजन्निति दुःखितः
अहो बत विविग्नाः स्म निधनेन महात्मनः
Ruroda cha naravyaghra ha rajanniti duhkhitah
Aho bata vivignah sma nidhanena mahatmanah
1.17
अहो सुबलवान्कालो गतिश्च परमा तथा
शक्रतुल्यबलाः सर्वे यत्रावध्यन्त पार्थिवाः
Aho subalavankalo gatishcha parama tatha
Shakratulyabalah sarve yatravadhyanta parthivah
1.18
दृष्ट्वैव च पुरो राजञ्जनः सर्वः स संजयम्
प्ररुरोद भृशोद्विग्नो हा राजन्निति सस्वरम्
Drishtvaiva cha puro rajanjanah sarvah sa sanjayam
Praruroda bhrishodvigno ha rajanniti sasvaram
1.19
आकुमारं नरव्याघ्र तत्पुरं वै समन्ततः
आर्तनादं महच्चक्रे श्रुत्वा विनिहतं नृपम्
Akumaram naravyaghra tatpuram vai samantatah
Artanadam mahachchakre shrutva vinihatam nripam
1.20
धावतश्चाप्यपश्यच्च तत्र त्रीन्पुरुषर्षभान्
नष्टचित्तानिवोन्मत्ताञ्शोकेन भृशपीडितान्
Dhavatashchapyapashyachcha tatra trinpurusharshabhan
Nashtachittanivonmattanshokena bhrishapiditan
1.21
तथा स विह्वलः सूतः प्रविश्य नृपतिक्षयम्
ददर्श नृपतिश्रेष्ठं प्रज्ञाचक्षुषमीश्वरम्
Tatha sa vihvalah sutah pravishya nripatikshayam
Dadarsha nripatishreshtham pragyachakshushamishvaram
1.22
दृष्ट्वा चासीनमनघं समन्तात्परिवारितम्
स्नुषाभिर्भरतश्रेष्ठ गान्धार्या विदुरेण च
Drishtva chasinamanagham samantatparivaritam
Snushabhirbharatashreshtha gandharya vidurena cha
1.23
तथान्यैश्च सुहृद्भिश्च ज्ञातिभिश्च हितैषिभिः
तमेव चार्थं ध्यायन्तं कर्णस्य निधनं प्रति
Tathanyaishcha suhridbhishcha gyatibhishcha hitaishibhih
Tameva chartham dhyayantam karnasya nidhanam prati
1.24
रुदन्नेवाब्रवीद्वाक्यं राजानं जनमेजय
नातिहृष्टमनाः सूतो बाष्पसंदिग्धया गिरा
Rudannevabravidvakyam rajanam janamejaya
Natihrishtamanah suto bashpasandigdhaya gira
1.25
संजयोऽहं नरव्याघ्र नमस्ते भरतर्षभ
मद्राधिपो हतः शल्यः शकुनिः सौबलस्तथा
उलूकः पुरुषव्याघ्र कैतव्यो दृढविक्रमः
Sanjayoham naravyaghra namaste bharatarshabha
Madradhipo hatah shalyah shakunih saubalastatha
Ulukah purushavyaghra kaitavyo dridhavikramah
1.26
संशप्तका हताः सर्वे काम्बोजाश्च शकैः सह
म्लेच्छाश्च पार्वतीयाश्च यवनाश्च निपातिताः
Sanshaptaka hatah sarve kambojashcha shakaih saha
Mlechchhashcha parvatiyashcha yavanashcha nipatitah
1.27
प्राच्या हता महाराज दाक्षिणात्याश्च सर्वशः
उदीच्या निहताः सर्वे प्रतीच्याश्च नराधिप
राजानो राजपुत्राश्च सर्वतो निहता नृप
Prachya hata maharaja dakshinatyashcha sarvashah
Udichya nihatah sarve pratichyashcha naradhipa
Rajano rajaputrashcha sarvato nihata nripa
1.28
दुर्योधनो हतो राजन्यथोक्तं पाण्डवेन च
भग्नसक्थो महाराज शेते पांसुषु रूषितः
Duryodhano hato rajanyathoktam pandavena cha
Bhagnasaktho maharaja shete pansushu rushitah
1.29
धृष्टद्युम्नो हतो राजञ्शिखण्डी चापराजितः
उत्तमौजा युधामन्युस्तथा राजन्प्रभद्रकाः
Dhrishtadyumno hato rajanshikhandi chaparajitah
Uttamauja yudhamanyustatha rajanprabhadrakah
1.30
पाञ्चालाश्च नरव्याघ्राश्चेदयश्च निषूदिताः
तव पुत्रा हताः सर्वे द्रौपदेयाश्च भारत
कर्णपुत्रो हतः शूरो वृषसेनो महाबलः
Panchalashcha naravyaghrashchedayashcha nishuditah
Tava putra hatah sarve draupadeyashcha bharata
Karnaputro hatah shuro vrishaseno mahabalah
1.31
नरा विनिहताः सर्वे गजाश्च विनिपातिताः
रथिनश्च नरव्याघ्र हयाश्च निहता युधि
Nara vinihatah sarve gajashcha vinipatitah
Rathinashcha naravyaghra hayashcha nihata yudhi
1.32
किंचिच्छेषं च शिबिरं तावकानां कृतं विभो
पाण्डवानां च शूराणां समासाद्य परस्परम्
Kinchichchhesham cha shibiram tavakanam kritam vibho
Pandavanam cha shuranam samasadya parasparam
1.33
प्रायः स्त्रीशेषमभवज्जगत्कालेन मोहितम्
सप्त पाण्डवतः शेषा धार्तराष्ट्रास्तथा त्रयः
Prayah strisheshamabhavajjagatkalena mohitam
Sapta pandavatah shesha dhartarashtrastatha trayah
1.34
ते चैव भ्रातरः पञ्च वासुदेवोऽथ सात्यकिः
कृपश्च कृतवर्मा च द्रौणिश्च जयतां वरः
Te chaiva bhratarah pancha vasudevotha satyakih
Kripashcha kritavarma cha draunishcha jayatam varah
1.35
तवाप्येते महाराज रथिनो नृपसत्तम
अक्षौहिणीनां सर्वासां समेतानां जनेश्वर
एते शेषा महाराज सर्वेऽन्ये निधनं गताः
Tavapyete maharaja rathino nripasattama
Akshauhininam sarvasam sametanam janeshvara
Ete shesha maharaja sarvenye nidhanam gatah
1.36
कालेन निहतं सर्वं जगद्वै भरतर्षभ
दुर्योधनं वै पुरतः कृत्वा वैरस्य भारत
Kalena nihatam sarvam jagadvai bharatarshabha
Duryodhanam vai puratah kritva vairasya bharata
1.37
एतच्छ्रुत्वा वचः क्रूरं धृतराष्ट्रो जनेश्वरः
निपपात महाराज गतसत्त्वो महीतले
Etachchhrutva vachah kruram dhritarashtro janeshvarah
Nipapata maharaja gatasattvo mahitale
1.38
तस्मिन्निपतिते भूमौ विदुरोऽपि महायशाः
निपपात महाराज राजव्यसनकर्शितः
Tasminnipatite bhumau viduropi mahayashah
Nipapata maharaja rajavyasanakarshitah
1.39
गान्धारी च नृपश्रेष्ठ सर्वाश्च कुरुयोषितः
पतिताः सहसा भूमौ श्रुत्वा क्रूरं वचश्च ताः
Gandhari cha nripashreshtha sarvashcha kuruyoshitah
Patitah sahasa bhumau shrutva kruram vachashcha tah
1.40
निःसंज्ञं पतितं भूमौ तदासीद्राजमण्डलम्
प्रलापयुक्ता महती कथा न्यस्ता पटे यथा
Nihsangyam patitam bhumau tadasidrajamandalam
Pralapayukta mahati katha nyasta pate yatha
1.41
कृच्छ्रेण तु ततो राजा धृतराष्ट्रो महीपतिः
शनैरलभत प्राणान्पुत्रव्यसनकर्शितः
Krichchhrena tu tato raja dhritarashtro mahipatih
Shanairalabhata prananputravyasanakarshitah
1.42
लब्ध्वा तु स नृपः संज्ञां वेपमानः सुदुःखितः
उदीक्ष्य च दिशः सर्वाः क्षत्तारं वाक्यमब्रवीत्
Labdhva tu sa nripah sangyam vepamanah suduhkhitah
Udikshya cha dishah sarvah kshattaram vakyamabravit
1.43
विद्वन्क्षत्तर्महाप्राज्ञ त्वं गतिर्भरतर्षभ
ममानाथस्य सुभृशं पुत्रैर्हीनस्य सर्वशः
एवमुक्त्वा ततो भूयो विसंज्ञो निपपात ह
Vidvankshattarmahapragya tvam gatirbharatarshabha
Mamanathasya subhrisham putrairhinasya sarvashah
Evamuktva tato bhuyo visangyo nipapata ha
1.44
तं तथा पतितं दृष्ट्वा बान्धवा येऽस्य केचन
शीतैस्तु सिषिचुस्तोयैर्विव्यजुर्व्यजनैरपि
Tam tatha patitam drishtva bandhava yesya kechana
Shitaistu sishichustoyairvivyajurvyajanairapi
1.45
स तु दीर्घेण कालेन प्रत्याश्वस्तो महीपतिः
तूष्णीं दध्यौ महीपालः पुत्रव्यसनकर्शितः
निःश्वसञ्जिह्मग इव कुम्भक्षिप्तो विशां पते
Sa tu dirghena kalena pratyashvasto mahipatih
Tushnim dadhyau mahipalah putravyasanakarshitah
Nihshvasanjihmaga iva kumbhakshipto visham pate
1.46
संजयोऽप्यरुदत्तत्र दृष्ट्वा राजानमातुरम्
तथा सर्वाः स्त्रियश्चैव गान्धारी च यशस्विनी
Sanjayopyarudattatra drishtva rajanamaturam
Tatha sarvah striyashchaiva gandhari cha yashasvini
1.47
ततो दीर्घेण कालेन विदुरं वाक्यमब्रवीत्
धृतराष्ट्रो नरव्याघ्रो मुह्यमानो मुहुर्मुहुः
Tato dirghena kalena viduram vakyamabravit
Dhritarashtro naravyaghro muhyamano muhurmuhuh
1.48
गच्छन्तु योषितः सर्वा गान्धारी च यशस्विनी
तथेमे सुहृदः सर्वे भ्रश्यते मे मनो भृशम्
Gachchhantu yoshitah sarva gandhari cha yashasvini
Tatheme suhridah sarve bhrashyate me mano bhrisham
1.49
एवमुक्तस्ततः क्षत्ता ताः स्त्रियो भरतर्षभ
विसर्जयामास शनैर्वेपमानः पुनः पुनः
Evamuktastatah kshatta tah striyo bharatarshabha
Visarjayamasa shanairvepamanah punah punah
1.50
निश्चक्रमुस्ततः सर्वास्ताः स्त्रियो भरतर्षभ
सुहृदश्च ततः सर्वे दृष्ट्वा राजानमातुरम्
Nishchakramustatah sarvastah striyo bharatarshabha
Suhridashcha tatah sarve drishtva rajanamaturam
1.51
ततो नरपतिं तत्र लब्धसंज्ञं परंतप
अवेक्ष्य संजयो दीनो रोदमानं भृशातुरम्
Tato narapatim tatra labdhasangyam parantapa
Avekshya sanjayo dino rodamanam bhrishaturam
1.52
प्राञ्जलिर्निःश्वसन्तं च तं नरेन्द्रं मुहुर्मुहुः
समाश्वासयत क्षत्ता वचसा मधुरेण च
Pranjalirnihshvasantam cha tam narendram muhurmuhuh
Samashvasayata kshatta vachasa madhurena cha