UtshovChapter 18
18.1
शल्य उवाच
ततः शक्रः स्तूयमानो गन्धर्वाप्सरसां गणैः
ऐरावतं समारुह्य द्विपेन्द्रं लक्षणैर्युतम्
Shalya uvacha
Tatah shakrah stuyamano gandharvapsarasam ganaih
Airavatam samaruhya dvipendram lakshanairyutam
18.2
पावकश्च महातेजा महर्षिश्च बृहस्पतिः
यमश्च वरुणश्चैव कुबेरश्च धनेश्वरः
Pavakashcha mahateja maharshishcha brihaspatih
Yamashcha varunashchaiva kuberashcha dhaneshvarah
18.3
सर्वैर्देवैः परिवृतः शक्रो वृत्रनिषूदनः
गन्धर्वैरप्सरोभिश्च यातस्त्रिभुवनं प्रभुः
Sarvairdevaih parivritah shakro vritranishudanah
Gandharvairapsarobhishcha yatastribhuvanam prabhuh
18.4
स समेत्य महेन्द्राण्या देवराजः शतक्रतुः
मुदा परमया युक्तः पालयामास देवराट्
Sa sametya mahendranya devarajah shatakratuh
Muda paramaya yuktah palayamasa devarat
18.5
ततः स भगवांस्तत्र अङ्गिराः समदृश्यत
अथर्ववेदमन्त्रैश्च देवेन्द्रं समपूजयत्
Tatah sa bhagavanstatra angirah samadrishyata
Atharvavedamantraishcha devendram samapujayat
18.6
ततस्तु भगवानिन्द्रः प्रहृष्टः समपद्यत
वरं च प्रददौ तस्मै अथर्वाङ्गिरसे तदा
Tatastu bhagavanindrah prahrishtah samapadyata
Varam cha pradadau tasmai atharvangirase tada
18.7
अथर्वाङ्गिरसं नाम अस्मिन्वेदे भविष्यति
उदाहरणमेतद्धि यज्ञभागं च लप्स्यसे
Atharvangirasam nama asminvede bhavishyati
Udaharanametaddhi yagyabhagam cha lapsyase
18.8
एवं संपूज्य भगवानथर्वाङ्गिरसं तदा
व्यसर्जयन्महाराज देवराजः शतक्रतुः
Evam sampujya bhagavanatharvangirasam tada
Vyasarjayanmaharaja devarajah shatakratuh
18.9
संपूज्य सर्वांस्त्रिदशानृषींश्चापि तपोधनान्
इन्द्रः प्रमुदितो राजन्धर्मेणापालयत्प्रजाः
Sampujya sarvanstridashanrishinshchapi tapodhanan
Indrah pramudito rajandharmenapalayatprajah
18.10
एवं दुःखमनुप्राप्तमिन्द्रेण सह भार्यया
अज्ञातवासश्च कृतः शत्रूणां वधकाङ्क्षया
Evam duhkhamanupraptamindrena saha bharyaya
Agyatavasashcha kritah shatrunam vadhakankshaya
18.11
नात्र मन्युस्त्वया कार्यो यत्क्लिष्टोऽसि महावने
द्रौपद्या सह राजेन्द्र भ्रातृभिश्च महात्मभिः
Natra manyustvaya karyo yatklishtosi mahavane
Draupadya saha rajendra bhratribhishcha mahatmabhih
18.12
एवं त्वमपि राजेन्द्र राज्यं प्राप्स्यसि भारत
वृत्रं हत्वा यथा प्राप्तः शक्रः कौरवनन्दन
Evam tvamapi rajendra rajyam prapsyasi bharata
Vritram hatva yatha praptah shakrah kauravanandana
18.13
दुराचारश्च नहुषो ब्रह्मद्विट्पापचेतनः
अगस्त्यशापाभिहतो विनष्टः शाश्वतीः समाः
Duracharashcha nahusho brahmadvitpapachetanah
Agastyashapabhihato vinashtah shashvatih samah
18.14
एवं तव दुरात्मानः शत्रवः शत्रुसूदन
क्षिप्रं नाशं गमिष्यन्ति कर्णदुर्योधनादयः
Evam tava duratmanah shatravah shatrusudana
Kshipram nasham gamishyanti karnaduryodhanadayah
18.15
ततः सागरपर्यन्तां भोक्ष्यसे मेदिनीमिमाम्
भ्रातृभिः सहितो वीर द्रौपद्या च सहाभिभो
Tatah sagaraparyantam bhokshyase medinimimam
Bhratribhih sahito vira draupadya cha sahabhibho
18.16
उपाख्यानमिदं शक्रविजयं वेदसंमितम्
राज्ञा व्यूढेष्वनीकेषु श्रोतव्यं जयमिच्छता
Upakhyanamidam shakravijayam vedasammitam
Ragya vyudheshvanikeshu shrotavyam jayamichchhata
18.17
तस्मात्संश्रावयामि त्वां विजयं जयतां वर
संस्तूयमाना वर्धन्ते महात्मानो युधिष्ठिर
Tasmatsanshravayami tvam vijayam jayatam vara
Sanstuyamana vardhante mahatmano yudhishthira
18.18
क्षत्रियाणामभावोऽयं युधिष्ठिर महात्मनाम्
दुर्योधनापराधेन भीमार्जुनबलेन च
Kshatriyanamabhavoyam yudhishthira mahatmanam
Duryodhanaparadhena bhimarjunabalena cha
18.19
आख्यानमिन्द्रविजयं य इदं नियतः पठेत्
धूतपाप्मा जितस्वर्गः स प्रेत्येह च मोदते
Akhyanamindravijayam ya idam niyatah pathet
Dhutapapma jitasvargah sa pretyeha cha modate
18.20
न चारिजं भयं तस्य न चापुत्रो भवेन्नरः
नापदं प्राप्नुयात्कांचिद्दीर्घमायुश्च विन्दति
सर्वत्र जयमाप्नोति न कदाचित्पराजयम्
Na charijam bhayam tasya na chaputro bhavennarah
Napadam prapnuyatkanchiddirghamayushcha vindati
Sarvatra jayamapnoti na kadachitparajayam
18.21
वैशंपायन उवाच
एवमाश्वासितो राजा शल्येन भरतर्षभ
पूजयामास विधिवच्छल्यं धर्मभृतां वरः
Vaishampayana uvacha
Evamashvasito raja shalyena bharatarshabha
Pujayamasa vidhivachchhalyam dharmabhritam varah
18.22
श्रुत्वा शल्यस्य वचनं कुन्तीपुत्रो युधिष्ठिरः
प्रत्युवाच महाबाहुर्मद्रराजमिदं वचः
Shrutva shalyasya vachanam kuntiputro yudhishthirah
Pratyuvacha mahabahurmadrarajamidam vachah
18.23
भवान्कर्णस्य सारथ्यं करिष्यति न संशयः
तत्र तेजोवधः कार्यः कर्णस्य मम संस्तवैः
Bhavankarnasya sarathyam karishyati na sanshayah
Tatra tejovadhah karyah karnasya mama sanstavaih
18.24
शल्य उवाच
एवमेतत्करिष्यामि यथा मां संप्रभाषसे
यच्चान्यदपि शक्ष्यामि तत्करिष्याम्यहं तव
Shalya uvacha
Evametatkarishyami yatha mam samprabhashase
Yachchanyadapi shakshyami tatkarishyamyaham tava
18.25
वैशंपायन उवाच
तत आमन्त्र्य कौन्तेयाञ्शल्यो मद्राधिपस्तदा
जगाम सबलः श्रीमान्दुर्योधनमरिंदमः
Vaishampayana uvacha
Tata amantrya kaunteyanshalyo madradhipastada
Jagama sabalah shrimanduryodhanamarindamah