UtshovChapter 9
9.1
व्यास उवाच
धृतराष्ट्र महाप्राज्ञ निबोध वचनं मम
वक्ष्यामि त्वा कौरवाणां सर्वेषां हितमुत्तमम्
Vyasa uvacha
Dhritarashtra mahapragya nibodha vachanam mama
Vakshyami tva kauravanam sarvesham hitamuttamam
9.2
न मे प्रियं महाबाहो यद्गताः पाण्डवा वनम्
निकृत्या निर्जिताश्चैव दुर्योधनवशानुगैः
Na me priyam mahabaho yadgatah pandava vanam
Nikritya nirjitashchaiva duryodhanavashanugaih
9.3
ते स्मरन्तः परिक्लेशान्वर्षे पूर्णे त्रयोदशे
विमोक्ष्यन्ति विषं क्रुद्धाः कौरवेयेषु भारत
Te smarantah parikleshanvarshe purne trayodashe
Vimokshyanti visham kruddhah kauraveyeshu bharata
9.4
तदयं किं नु पापात्मा तव पुत्रः सुमन्दधीः
पाण्डवान्नित्यसंक्रुद्धो राज्यहेतोर्जिघांसति
Tadayam kim nu papatma tava putrah sumandadhih
Pandavannityasankruddho rajyahetorjighansati
9.5
वार्यतां साध्वयं मूढः शमं गच्छतु ते सुतः
वनस्थांस्तानयं हन्तुमिच्छन्प्राणैर्विमोक्ष्यते
Varyatam sadhvayam mudhah shamam gachchhatu te sutah
Vanasthanstanayam hantumichchhanpranairvimokshyate
9.6
यथाह विदुरः प्राज्ञो यथा भीष्मो यथा वयम्
यथा कृपश्च द्रोणश्च तथा साधु विधीयताम्
Yathaha vidurah pragyo yatha bhishmo yatha vayam
Yatha kripashcha dronashcha tatha sadhu vidhiyatam
9.7
विग्रहो हि महाप्राज्ञ स्वजनेन विगर्हितः
अधर्म्यमयशस्यं च मा राजन्प्रतिपद्यथाः
Vigraho hi mahapragya svajanena vigarhitah
Adharmyamayashasyam cha ma rajanpratipadyathah
9.8
समीक्षा यादृशी ह्यस्य पाण्डवान्प्रति भारत
उपेक्ष्यमाणा सा राजन्महान्तमनयं स्पृशेत्
Samiksha yadrishi hyasya pandavanprati bharata
Upekshyamana sa rajanmahantamanayam sprishet
9.9
अथ वायं सुमन्दात्मा वनं गच्छतु ते सुतः
पाण्डवैः सहितो राजन्नेक एवासहायवान्
Atha vayam sumandatma vanam gachchhatu te sutah
Pandavaih sahito rajanneka evasahayavan
9.10
ततः संसर्गजः स्नेहः पुत्रस्य तव पाण्डवैः
यदि स्यात्कृतकार्योऽद्य भवेस्त्वं मनुजेश्वर
Tatah sansargajah snehah putrasya tava pandavaih
Yadi syatkritakaryodya bhavestvam manujeshvara
9.11
अथ वा जायमानस्य यच्छीलमनुजायते
श्रूयते तन्महाराज नामृतस्यापसर्पति
Atha va jayamanasya yachchhilamanujayate
Shruyate tanmaharaja namritasyapasarpati
9.12
कथं वा मन्यते भीष्मो द्रोणो वा विदुरोऽपि वा
भवान्वात्र क्षमं कार्यं पुरा चार्थोऽतिवर्तते
Katham va manyate bhishmo drono va viduropi va
Bhavanvatra kshamam karyam pura charthotivartate