UtshovChapter 84
84.1
वैशंपायन उवाच
भ्रातॄणां मतमाज्ञाय नारदस्य च धीमतः
पितामहसमं धौम्यं प्राह राजा युधिष्ठिरः
Vaishampayana uvacha
Bhratrinam matamagyaya naradasya cha dhimatah
Pitamahasamam dhaumyam praha raja yudhishthirah
84.2
मया स पुरुषव्याघ्रो जिष्णुः सत्यपराक्रमः
अस्त्रहेतोर्महाबाहुरमितात्मा विवासितः
Maya sa purushavyaghro jishnuh satyaparakramah
Astrahetormahabahuramitatma vivasitah
84.3
स हि वीरोऽनुरक्तश्च समर्थश्च तपोधन
कृती च भृशमप्यस्त्रे वासुदेव इव प्रभुः
Sa hi vironuraktashcha samarthashcha tapodhana
Kriti cha bhrishamapyastre vasudeva iva prabhuh
84.4
अहं ह्येतावुभौ ब्रह्मन्कृष्णावरिनिघातिनौ
अभिजानामि विक्रान्तौ तथा व्यासः प्रतापवान्
त्रियुगौ पुण्डरीकाक्षौ वासुदेवधनंजयौ
Aham hyetavubhau brahmankrishnavarinighatinau
Abhijanami vikrantau tatha vyasah pratapavan
Triyugau pundarikakshau vasudevadhananjayau
84.5
नारदोऽपि तथा वेद सोऽप्यशंसत्सदा मम
तथाहमपि जानामि नरनारायणावृषी
Naradopi tatha veda sopyashansatsada mama
Tathahamapi janami naranarayanavrishi
84.6
शक्तोऽयमित्यतो मत्वा मया संप्रेषितोऽर्जुनः
इन्द्रादनवरः शक्तः सुरसूनुः सुराधिपम्
द्रष्टुमस्त्राणि चादातुमिन्द्रादिति विवासितः
Shaktoyamityato matva maya sampreshitorjunah
Indradanavarah shaktah surasunuh suradhipam
Drashtumastrani chadatumindraditi vivasitah
84.7
भीष्मद्रोणावतिरथौ कृपो द्रौणिश्च दुर्जयः
धृतराष्ट्रस्य पुत्रेण वृता युधि महाबलाः
सर्वे वेदविदः शूराः सर्वेऽस्त्रकुशलास्तथा
Bhishmadronavatirathau kripo draunishcha durjayah
Dhritarashtrasya putrena vrita yudhi mahabalah
Sarve vedavidah shurah sarvestrakushalastatha
84.8
योद्धुकामश्च पार्थेन सततं यो महाबलः
स च दिव्यास्त्रवित्कर्णः सूतपुत्रो महारथः
Yoddhukamashcha parthena satatam yo mahabalah
Sa cha divyastravitkarnah sutaputro maharathah
84.9
सोऽश्ववेगानिलबलः शरार्चिस्तलनिस्वनः
रजोधूमोऽस्त्रसंतापो धार्तराष्ट्रानिलोद्धतः
Soshvaveganilabalah shararchistalanisvanah
Rajodhumostrasantapo dhartarashtraniloddhatah
84.10
निसृष्ट इव कालेन युगान्तज्वलनो यथा
मम सैन्यमयं कक्षं प्रधक्ष्यति न संशयः
Nisrishta iva kalena yugantajvalano yatha
Mama sainyamayam kaksham pradhakshyati na sanshayah
84.11
तं स कृष्णानिलोद्धूतो दिव्यास्त्रजलदो महान्
श्वेतवाजिबलाकाभृद्गाण्डीवेन्द्रायुधोज्ज्वलः
Tam sa krishnaniloddhuto divyastrajalado mahan
Shvetavajibalakabhridgandivendrayudhojjvalah
84.12
सततं शरधाराभिः प्रदीप्तं कर्णपावकम्
उदीर्णोऽर्जुनमेघोऽयं शमयिष्यति संयुगे
Satatam sharadharabhih pradiptam karnapavakam
Udirnorjunameghoyam shamayishyati sanyuge
84.13
स साक्षादेव सर्वाणि शक्रात्परपुरंजयः
दिव्यान्यस्त्राणि बीभत्सुस्तत्त्वतः प्रतिपत्स्यते
Sa sakshadeva sarvani shakratparapuranjayah
Divyanyastrani bibhatsustattvatah pratipatsyate
84.14
अलं स तेषां सर्वेषामिति मे धीयते मतिः
नास्ति त्वतिक्रिया तस्य रणेऽरीणां प्रतिक्रिया
Alam sa tesham sarveshamiti me dhiyate matih
Nasti tvatikriya tasya ranerinam pratikriya
84.15
तं वयं पाण्डवं सर्वे गृहीतास्त्रं धनंजयम्
द्रष्टारो न हि बीभत्सुर्भारमुद्यम्य सीदति
Tam vayam pandavam sarve grihitastram dhananjayam
Drashtaro na hi bibhatsurbharamudyamya sidati
84.16
वयं तु तमृते वीरं वनेऽस्मिन्द्विपदां वर
अवधानं न गच्छामः काम्यके सह कृष्णया
Vayam tu tamrite viram vanesmindvipadam vara
Avadhanam na gachchhamah kamyake saha krishnaya
84.17
भवानन्यद्वनं साधु बह्वन्नं फलवच्छुचि
आख्यातु रमणीयं च सेवितं पुण्यकर्मभिः
Bhavananyadvanam sadhu bahvannam phalavachchhuchi
Akhyatu ramaniyam cha sevitam punyakarmabhih
84.18
यत्र कंचिद्वयं कालं वसन्तः सत्यविक्रमम्
प्रतीक्षामोऽर्जुनं वीरं वर्षकामा इवाम्बुदम्
Yatra kanchidvayam kalam vasantah satyavikramam
Pratikshamorjunam viram varshakama ivambudam
84.19
विविधानाश्रमान्कांश्चिद्द्विजातिभ्यः परिश्रुतान्
सरांसि सरितश्चैव रमणीयांश्च पर्वतान्
Vividhanashramankanshchiddvijatibhyah parishrutan
Saransi saritashchaiva ramaniyanshcha parvatan
84.20
आचक्ष्व न हि नो ब्रह्मन्रोचते तमृतेऽर्जुनम्
वनेऽस्मिन्काम्यके वासो गच्छामोऽन्यां दिशं प्रति
Achakshva na hi no brahmanrochate tamriterjunam
Vanesminkamyake vaso gachchhamonyam disham prati