UtshovChapter 35
35.1
युधिष्ठिर उवाच
असंशयं भारत सत्यमेत;द्यन्मा तुदन्वाक्यशल्यैः क्षिणोषि
न त्वा विगर्हे प्रतिकूलमेत;न्ममानयाद्धि व्यसनं व आगात्
Yudhishthira uvacha
Asanshayam bharata satyameta;dyanma tudanvakyashalyaih kshinoshi
Na tva vigarhe pratikulameta;nmamanayaddhi vyasanam va agat
35.2
अहं ह्यक्षानन्वपद्यं जिहीर्ष;न्राज्यं सराष्ट्रं धृतराष्ट्रस्य पुत्रात्
तन्मा शठः कितवः प्रत्यदेवी;त्सुयोधनार्थं सुबलस्य पुत्रः
Aham hyakshananvapadyam jihirsha;nrajyam sarashtram dhritarashtrasya putrat
Tanma shathah kitavah pratyadevi;tsuyodhanartham subalasya putrah
35.3
महामायः शकुनिः पार्वतीयः; सदा सभायां प्रवपन्नक्षपूगान्
अमायिनं मायया प्रत्यदेवी;त्ततोऽपश्यं वृजिनं भीमसेन
Mahamayah shakunih parvatiyah; sada sabhayam pravapannakshapugan
Amayinam mayaya pratyadevi;ttatopashyam vrijinam bhimasena
35.4
अक्षान्हि दृष्ट्वा शकुनेर्यथाव;त्कामानुलोमानयुजो युजश्च
शक्यं नियन्तुमभविष्यदात्मा; मन्युस्तु हन्ति पुरुषस्य धैर्यम्
Akshanhi drishtva shakuneryathava;tkamanulomanayujo yujashcha
Shakyam niyantumabhavishyadatma; manyustu hanti purushasya dhairyam
35.5
यन्तुं नात्मा शक्यते पौरुषेण; मानेन वीर्येण च तात नद्धः
न ते वाचं भीमसेनाभ्यसूये; मन्ये तथा तद्भवितव्यमासीत्
Yantum natma shakyate paurushena; manena viryena cha tata naddhah
Na te vacham bhimasenabhyasuye; manye tatha tadbhavitavyamasit
35.6
स नो राजा धृतराष्ट्रस्य पुत्रो; न्यपातयद्व्यसने राज्यमिच्छन्
दास्यं च नोऽगमयद्भीमसेन; यत्राभवच्छरणं द्रौपदी नः
Sa no raja dhritarashtrasya putro; nyapatayadvyasane rajyamichchhan
Dasyam cha nogamayadbhimasena; yatrabhavachchharanam draupadi nah
35.7
त्वं चापि तद्वेत्थ धनंजयश्च; पुनर्द्यूतायागतानां सभां नः
यन्माब्रवीद्धृतराष्ट्रस्य पुत्र; एकग्लहार्थं भरतानां समक्षम्
Tvam chapi tadvettha dhananjayashcha; punardyutayagatanam sabham nah
Yanmabraviddhritarashtrasya putra; ekaglahartham bharatanam samaksham
35.8
वने समा द्वादश राजपुत्र; यथाकामं विदितमजातशत्रो
अथापरं चाविदितं चरेथाः; सर्वैः सह भ्रातृभिश्छद्मगूढः
Vane sama dvadasha rajaputra; yathakamam viditamajatashatro
Athaparam chaviditam charethah; sarvaih saha bhratribhishchhadmagudhah
35.9
त्वां चेच्छ्रुत्वा तात तथा चरन्त;मवभोत्स्यन्ते भारतानां चराः स्म
अन्यांश्चरेथास्तावतोऽब्दांस्ततस्त्वं; निश्चित्य तत्प्रतिजानीहि पार्थ
Tvam chechchhrutva tata tatha charanta;mavabhotsyante bharatanam charah sma
Anyanshcharethastavatobdanstatastvam; nishchitya tatpratijanihi partha
35.10
चरैश्चेन्नोऽविदितः कालमेतं; युक्तो राजन्मोहयित्वा मदीयान्
ब्रवीमि सत्यं कुरुसंसदीह; तवैव ता भारत पञ्च नद्यः
Charaishchennoviditah kalametam; yukto rajanmohayitva madiyan
Bravimi satyam kurusansadiha; tavaiva ta bharata pancha nadyah
35.11
वयं चैवं भ्रातरः सर्व एव; त्वया जिताः कालमपास्य भोगान्
वसेम इत्याह पुरा स राजा; मध्ये कुरूणां स मयोक्तस्तथेति
Vayam chaivam bhratarah sarva eva; tvaya jitah kalamapasya bhogan
Vasema ityaha pura sa raja; madhye kurunam sa mayoktastatheti
35.12
तत्र द्यूतमभवन्नो जघन्यं; तस्मिञ्जिताः प्रव्रजिताश्च सर्वे
इत्थं च देशाननुसंचरामो; वनानि कृच्छ्राणि च कृच्छ्ररूपाः
Tatra dyutamabhavanno jaghanyam; tasminjitah pravrajitashcha sarve
Ittham cha deshananusancharamo; vanani krichchhrani cha krichchhrarupah
35.13
सुयोधनश्चापि न शान्तिमिच्छ;न्भूयः स मन्योर्वशमन्वगच्छत्
उद्योजयामास कुरूंश्च सर्वा;न्ये चास्य केचिद्वशमन्वगच्छन्
Suyodhanashchapi na shantimichchha;nbhuyah sa manyorvashamanvagachchhat
Udyojayamasa kurunshcha sarva;nye chasya kechidvashamanvagachchhan
35.14
तं संधिमास्थाय सतां सकाशे; को नाम जह्यादिह राज्यहेतोः
आर्यस्य मन्ये मरणाद्गरीयो; यद्धर्ममुत्क्रम्य महीं प्रशिष्यात्
Tam sandhimasthaya satam sakashe; ko nama jahyadiha rajyahetoh
Aryasya manye maranadgariyo; yaddharmamutkramya mahim prashishyat
35.15
तदैव चेद्वीरकर्माकरिष्यो; यदा द्यूते परिघं पर्यमृक्षः
बाहू दिधक्षन्वारितः फल्गुनेन; किं दुष्कृतं भीम तदाभविष्यत्
Tadaiva chedvirakarmakarishyo; yada dyute parigham paryamrikshah
Bahu didhakshanvaritah phalgunena; kim dushkritam bhima tadabhavishyat
35.16
प्रागेव चैवं समयक्रियायाः; किं नाब्रवीः पौरुषमाविदानः
प्राप्तं तु कालं त्वभिपद्य पश्चा;त्किं मामिदानीमतिवेलमात्थ
Prageva chaivam samayakriyayah; kim nabravih paurushamavidanah
Praptam tu kalam tvabhipadya pashcha;tkim mamidanimativelamattha
35.17
भूयोऽपि दुःखं मम भीमसेन; दूये विषस्येव रसं विदित्वा
यद्याज्ञसेनीं परिकृष्यमाणां; संदृश्य तत्क्षान्तमिति स्म भीम
Bhuyopi duhkham mama bhimasena; duye vishasyeva rasam viditva
Yadyagyasenim parikrishyamanam; sandrishya tatkshantamiti sma bhima
35.18
न त्वद्य शक्यं भरतप्रवीर; कृत्वा यदुक्तं कुरुवीरमध्ये
कालं प्रतीक्षस्व सुखोदयस्य; पक्तिं फलानामिव बीजवापः
Na tvadya shakyam bharatapravira; kritva yaduktam kuruviramadhye
Kalam pratikshasva sukhodayasya; paktim phalanamiva bijavapah
35.19
यदा हि पूर्वं निकृतो निकृत्या; वैरं सपुष्पं सफलं विदित्वा
महागुणं हरति हि पौरुषेण; तदा वीरो जीवति जीवलोके
Yada hi purvam nikrito nikritya; vairam sapushpam saphalam viditva
Mahagunam harati hi paurushena; tada viro jivati jivaloke
35.20
श्रियं च लोके लभते समग्रां; मन्ये चास्मै शत्रवः संनमन्ते
मित्राणि चैनमतिरागाद्भजन्ते; देवा इवेन्द्रमनुजीवन्ति चैनम्
Shriyam cha loke labhate samagram; manye chasmai shatravah sannamante
Mitrani chainamatiragadbhajante; deva ivendramanujivanti chainam
35.21
मम प्रतिज्ञां च निबोध सत्यां; वृणे धर्मममृताज्जीविताच्च
राज्यं च पुत्राश्च यशो धनं च; सर्वं न सत्यस्य कलामुपैति
Mama pratigyam cha nibodha satyam; vrine dharmamamritajjivitachcha
Rajyam cha putrashcha yasho dhanam cha; sarvam na satyasya kalamupaiti