Chapter 208

208.1

मार्कण्डेय उवाच
ब्रह्मणो यस्तृतीयस्तु पुत्रः कुरुकुलोद्वह
तस्यापवसुता भार्या प्रजास्तस्यापि मे शृणु

Markandeya uvacha
Brahmano yastritiyastu putrah kurukulodvaha
Tasyapavasuta bharya prajastasyapi me shrinu

बृहज्ज्योतिर्बृहत्कीर्तिर्बृहद्ब्रह्मा बृहन्मनाः
बृहन्मन्त्रो बृहद्भासस्तथा राजन्बृहस्पतिः

Brihajjyotirbrihatkirtirbrihadbrahma brihanmanah
Brihanmantro brihadbhasastatha rajanbrihaspatih

प्रजासु तासु सर्वासु रूपेणाप्रतिमाभवत्
देवी भानुमती नाम प्रथमाङ्गिरसः सुता

Prajasu tasu sarvasu rupenapratimabhavat
Devi bhanumati nama prathamangirasah suta

भूतानामेव सर्वेषां यस्यां रागस्तदाभवत्
रागाद्रागेति यामाहुर्द्वितीयाङ्गिरसः सुता

Bhutanameva sarvesham yasyam ragastadabhavat
Ragadrageti yamahurdvitiyangirasah suta

यां कपर्दिसुतामाहुर्दृश्यादृश्येति देहिनः
तनुत्वात्सा सिनीवाली तृतीयाङ्गिरसः सुता

Yam kapardisutamahurdrishyadrishyeti dehinah
Tanutvatsa sinivali tritiyangirasah suta

पश्यत्यर्चिष्मती भाभिर्हविर्भिश्च हविष्मती
षष्ठीमङ्गिरसः कन्यां पुण्यामाहुर्हविष्मतीम्

Pashyatyarchishmati bhabhirhavirbhishcha havishmati
Shashthimangirasah kanyam punyamahurhavishmatim

महामखेष्वाङ्गिरसी दीप्तिमत्सु महामती
महामतीति विख्याता सप्तमी कथ्यते सुता

Mahamakheshvangirasi diptimatsu mahamati
Mahamatiti vikhyata saptami kathyate suta

यां तु दृष्ट्वा भगवतीं जनः कुहुकुहायते
एकानंशेति यामाहुः कुहूमङ्गिरसः सुताम्

Yam tu drishtva bhagavatim janah kuhukuhayate
Ekanansheti yamahuh kuhumangirasah sutam