UtshovChapter 15
15.1
युधिष्ठिर उवाच
असांनिध्यं कथं कृष्ण तवासीद्वृष्णिनन्दन
क्व चासीद्विप्रवासस्ते किं वाकार्षीः प्रवासकः
Yudhishthira uvacha
Asannidhyam katham krishna tavasidvrishninandana
Kva chasidvipravasaste kim vakarshih pravasakah
15.2
कृष्ण उवाच
शाल्वस्य नगरं सौभं गतोऽहं भरतर्षभ
विनिहन्तुं नरश्रेष्ठ तत्र मे शृणु कारणम्
Krishna uvacha
Shalvasya nagaram saubham gatoham bharatarshabha
Vinihantum narashreshtha tatra me shrinu karanam
15.3
महातेजा महाबाहुर्यः स राजा महायशाः
दमघोषात्मजो वीरः शिशुपालो मया हतः
Mahateja mahabahuryah sa raja mahayashah
Damaghoshatmajo virah shishupalo maya hatah
15.4
यज्ञे ते भरतश्रेष्ठ राजसूयेऽर्हणां प्रति
स रोषवशसंप्राप्तो नामृष्यत दुरात्मवान्
Yagye te bharatashreshtha rajasuyerhanam prati
Sa roshavashasamprapto namrishyata duratmavan
15.5
श्रुत्वा तं निहतं शाल्वस्तीव्ररोषसमन्वितः
उपायाद्द्वारकां शून्यामिहस्थे मयि भारत
Shrutva tam nihatam shalvastivraroshasamanvitah
Upayaddvarakam shunyamihasthe mayi bharata
15.6
स तत्र योधितो राजन्बालकैर्वृष्णिपुंगवैः
आगतः कामगं सौभमारुह्यैव नृशंसकृत्
Sa tatra yodhito rajanbalakairvrishnipungavaih
Agatah kamagam saubhamaruhyaiva nrishansakrit
15.7
ततो वृष्णिप्रवीरांस्तान्बालान्हत्वा बहूंस्तदा
पुरोद्यानानि सर्वाणि भेदयामास दुर्मतिः
Tato vrishnipraviranstanbalanhatva bahunstada
Purodyanani sarvani bhedayamasa durmatih
15.8
उक्तवांश्च महाबाहो क्वासौ वृष्णिकुलाधमः
वासुदेवः सुमन्दात्मा वसुदेवसुतो गतः
Uktavanshcha mahabaho kvasau vrishnikuladhamah
Vasudevah sumandatma vasudevasuto gatah
15.9
तस्य युद्धार्थिनो दर्पं युद्धे नाशयितास्म्यहम्
आनर्ताः सत्यमाख्यात तत्र गन्तास्मि यत्र सः
Tasya yuddharthino darpam yuddhe nashayitasmyaham
Anartah satyamakhyata tatra gantasmi yatra sah
15.10
तं हत्वा विनिवर्तिष्ये कंसकेशिनिषूदनम्
अहत्वा न निवर्तिष्ये सत्येनायुधमालभे
Tam hatva vinivartishye kansakeshinishudanam
Ahatva na nivartishye satyenayudhamalabhe
15.11
क्वासौ क्वासाविति पुनस्तत्र तत्र विधावति
मया किल रणे युद्धं काङ्क्षमाणः स सौभराट्
Kvasau kvasaviti punastatra tatra vidhavati
Maya kila rane yuddham kankshamanah sa saubharat
15.12
अद्य तं पापकर्माणं क्षुद्रं विश्वासघातिनम्
शिशुपालवधामर्षाद्गमयिष्ये यमक्षयम्
Adya tam papakarmanam kshudram vishvasaghatinam
Shishupalavadhamarshadgamayishye yamakshayam
15.13
मम पापस्वभावेन भ्राता येन निपातितः
शिशुपालो महीपालस्तं वधिष्ये महीतले
Mama papasvabhavena bhrata yena nipatitah
Shishupalo mahipalastam vadhishye mahitale
15.14
भ्राता बालश्च राजा च न च संग्राममूर्धनि
प्रमत्तश्च हतो वीरस्तं हनिष्ये जनार्दनम्
Bhrata balashcha raja cha na cha sangramamurdhani
Pramattashcha hato virastam hanishye janardanam
15.15
एवमादि महाराज विलप्य दिवमास्थितः
कामगेन स सौभेन क्षिप्त्वा मां कुरुनन्दन
Evamadi maharaja vilapya divamasthitah
Kamagena sa saubhena kshiptva mam kurunandana
15.16
तमश्रौषमहं गत्वा यथा वृत्तः सुदुर्मतिः
मयि कौरव्य दुष्टात्मा मार्त्तिकावतको नृपः
Tamashraushamaham gatva yatha vrittah sudurmatih
Mayi kauravya dushtatma marttikavatako nripah
15.17
ततोऽहमपि कौरव्य रोषव्याकुललोचनः
निश्चित्य मनसा राजन्वधायास्य मनो दधे
Tatohamapi kauravya roshavyakulalochanah
Nishchitya manasa rajanvadhayasya mano dadhe
15.18
आनर्तेषु विमर्दं च क्षेपं चात्मनि कौरव
प्रवृद्धमवलेपं च तस्य दुष्कृतकर्मणः
Anarteshu vimardam cha kshepam chatmani kaurava
Pravriddhamavalepam cha tasya dushkritakarmanah
15.19
ततः सौभवधायाहं प्रतस्थे पृथिवीपते
स मया सागरावर्ते दृष्ट आसीत्परीप्सता
Tatah saubhavadhayaham pratasthe prithivipate
Sa maya sagaravarte drishta asitparipsata
15.20
ततः प्रध्माप्य जलजं पाञ्चजन्यमहं नृप
आहूय शाल्वं समरे युद्धाय समवस्थितः
Tatah pradhmapya jalajam panchajanyamaham nripa
Ahuya shalvam samare yuddhaya samavasthitah
15.21
सुमुहूर्तमभूद्युद्धं तत्र मे दानवैः सह
वशीभूताश्च मे सर्वे भूतले च निपातिताः
Sumuhurtamabhudyuddham tatra me danavaih saha
Vashibhutashcha me sarve bhutale cha nipatitah
15.22
एतत्कार्यं महाबाहो येनाहं नागमं तदा
श्रुत्वैव हास्तिनपुरं द्यूतं चाविनयोत्थितम्
Etatkaryam mahabaho yenaham nagamam tada
Shrutvaiva hastinapuram dyutam chavinayotthitam