UtshovChapter 8
8.1
नारद उवाच
कथयिष्ये सभां दिव्यां युधिष्ठिर निबोध ताम्
वैवस्वतस्य यामर्थे विश्वकर्मा चकार ह
Narada uvacha
Kathayishye sabham divyam yudhishthira nibodha tam
Vaivasvatasya yamarthe vishvakarma chakara ha
8.2
तैजसी सा सभा राजन्बभूव शतयोजना
विस्तारायामसंपन्ना भूयसी चापि पाण्डव
Taijasi sa sabha rajanbabhuva shatayojana
Vistarayamasampanna bhuyasi chapi pandava
8.3
अर्कप्रकाशा भ्राजिष्णुः सर्वतः कामचारिणी
नैवातिशीता नात्युष्णा मनसश्च प्रहर्षिणी
Arkaprakasha bhrajishnuh sarvatah kamacharini
Naivatishita natyushna manasashcha praharshini
8.4
न शोको न जरा तस्यां क्षुत्पिपासे न चाप्रियम्
न च दैन्यं क्लमो वापि प्रतिकूलं न चाप्युत
Na shoko na jara tasyam kshutpipase na chapriyam
Na cha dainyam klamo vapi pratikulam na chapyuta
8.5
सर्वे कामाः स्थितास्तस्यां ये दिव्या ये च मानुषाः
रसवच्च प्रभूतं च भक्ष्यभोज्यमरिंदम
Sarve kamah sthitastasyam ye divya ye cha manushah
Rasavachcha prabhutam cha bhakshyabhojyamarindama
8.6
पुण्यगन्धाः स्रजस्तत्र नित्यपुष्पफलद्रुमाः
रसवन्ति च तोयानि शीतान्युष्णानि चैव ह
Punyagandhah srajastatra nityapushpaphaladrumah
Rasavanti cha toyani shitanyushnani chaiva ha
8.7
तस्यां राजर्षयः पुण्यास्तथा ब्रह्मर्षयोऽमलाः
यमं वैवस्वतं तात प्रहृष्टाः पर्युपासते
Tasyam rajarshayah punyastatha brahmarshayomalah
Yamam vaivasvatam tata prahrishtah paryupasate
8.8
ययातिर्नहुषः पूरुर्मान्धाता सोमको नृगः
त्रसदस्युश्च तुरयः कृतवीर्यः श्रुतश्रवाः
Yayatirnahushah pururmandhata somako nrigah
Trasadasyushcha turayah kritaviryah shrutashravah
8.9
अरिप्रणुत्सुसिंहश्च कृतवेगः कृतिर्निमिः
प्रतर्दनः शिबिर्मत्स्यः पृथ्वक्षोऽथ बृहद्रथः
Aripranutsusinhashcha kritavegah kritirnimih
Pratardanah shibirmatsyah prithvakshotha brihadrathah
8.10
ऐडो मरुत्तः कुशिकः सांकाश्यः सांकृतिर्भवः
चतुरश्वः सदश्वोर्मिः कार्तवीर्यश्च पार्थिवः
Aido maruttah kushikah sankashyah sankritirbhavah
Chaturashvah sadashvormih kartaviryashcha parthivah
8.11
भरतस्तथा सुरथः सुनीथो नैषधो नलः
दिवोदासोऽथ सुमना अम्बरीषो भगीरथः
Bharatastatha surathah sunitho naishadho nalah
Divodasotha sumana ambarisho bhagirathah
8.12
व्यश्वः सदश्वो वध्र्यश्वः पञ्चहस्तः पृथुश्रवाः
रुषद्गुर्वृषसेनश्च क्षुपश्च सुमहाबलः
Vyashvah sadashvo vadhryashvah panchahastah prithushravah
Rushadgurvrishasenashcha kshupashcha sumahabalah
8.13
रुषदश्वो वसुमनाः पुरुकुत्सो ध्वजी रथी
आर्ष्टिषेणो दिलीपश्च महात्मा चाप्युशीनरः
Rushadashvo vasumanah purukutso dhvaji rathi
Arshtisheno dilipashcha mahatma chapyushinarah
8.14
औशीनरः पुण्डरीकः शर्यातिः शरभः शुचिः
अङ्गोऽरिष्टश्च वेनश्च दुःषन्तः संजयो जयः
Aushinarah pundarikah sharyatih sharabhah shuchih
Angorishtashcha venashcha duhshantah sanjayo jayah
8.15
भाङ्गास्वरिः सुनीथश्च निषधोऽथ त्विषीरथः
करंधमो बाह्लिकश्च सुद्युम्नो बलवान्मधुः
Bhangasvarih sunithashcha nishadhotha tvishirathah
Karandhamo bahlikashcha sudyumno balavanmadhuh
8.16
कपोतरोमा तृणकः सहदेवार्जुनौ तथा
रामो दाशरथिश्चैव लक्ष्मणोऽथ प्रतर्दनः
Kapotaroma trinakah sahadevarjunau tatha
Ramo dasharathishchaiva lakshmanotha pratardanah
8.17
अलर्कः कक्षसेनश्च गयो गौराश्व एव च
जामदग्न्योऽथ रामोऽत्र नाभागसगरौ तथा
Alarkah kakshasenashcha gayo gaurashva eva cha
Jamadagnyotha ramotra nabhagasagarau tatha
8.18
भूरिद्युम्नो महाश्वश्च पृथ्वश्वो जनकस्तथा
वैन्यो राजा वारिषेणः पुरुजो जनमेजयः
Bhuridyumno mahashvashcha prithvashvo janakastatha
Vainyo raja varishenah purujo janamejayah
8.19
ब्रह्मदत्तस्त्रिगर्तश्च राजोपरिचरस्तथा
इन्द्रद्युम्नो भीमजानुर्गयः पृष्ठो नयोऽनघः
Brahmadattastrigartashcha rajoparicharastatha
Indradyumno bhimajanurgayah prishtho nayonaghah
8.20
पद्मोऽथ मुचुकुन्दश्च भूरिद्युम्नः प्रसेनजित्
अरिष्टनेमिः प्रद्युम्नः पृथगश्वोऽजकस्तथा
Padmotha muchukundashcha bhuridyumnah prasenajit
Arishtanemih pradyumnah prithagashvojakastatha
8.21
शतं मत्स्या नृपतयः शतं नीपाः शतं हयाः
धृतराष्ट्राश्चैकशतमशीतिर्जनमेजयाः
Shatam matsya nripatayah shatam nipah shatam hayah
Dhritarashtrashchaikashatamashitirjanamejayah
8.22
शतं च ब्रह्मदत्तानामीरिणां वैरिणां शतम्
शंतनुश्चैव राजर्षिः पाण्डुश्चैव पिता तव
Shatam cha brahmadattanamirinam vairinam shatam
Shantanushchaiva rajarshih pandushchaiva pita tava
8.23
उशद्गवः शतरथो देवराजो जयद्रथः
वृषादर्भिश्च राजर्षिर्धाम्ना सह समन्त्रिणा
Ushadgavah shataratho devarajo jayadrathah
Vrishadarbhishcha rajarshirdhamna saha samantrina
8.24
अथापरे सहस्राणि ये गताः शशबिन्दवः
इष्ट्वाश्वमेधैर्बहुभिर्महद्भिर्भूरिदक्षिणैः
Athapare sahasrani ye gatah shashabindavah
Ishtvashvamedhairbahubhirmahadbhirbhuridakshinaih
8.25
एते राजर्षयः पुण्याः कीर्तिमन्तो बहुश्रुताः
तस्यां सभायां राजर्षे वैवस्वतमुपासते
Ete rajarshayah punyah kirtimanto bahushrutah
Tasyam sabhayam rajarshe vaivasvatamupasate
8.26
अगस्त्योऽथ मतङ्गश्च कालो मृत्युस्तथैव च
यज्वानश्चैव सिद्धाश्च ये च योगशरीरिणः
Agastyotha matangashcha kalo mrityustathaiva cha
Yajvanashchaiva siddhashcha ye cha yogasharirinah
8.27
अग्निष्वात्ताश्च पितरः फेनपाश्चोष्मपाश्च ये
स्वधावन्तो बर्हिषदो मूर्तिमन्तस्तथापरे
Agnishvattashcha pitarah phenapashchoshmapashcha ye
Svadhavanto barhishado murtimantastathapare
8.28
कालचक्रं च साक्षाच्च भगवान्हव्यवाहनः
नरा दुष्कृतकर्माणो दक्षिणायनमृत्यवः
Kalachakram cha sakshachcha bhagavanhavyavahanah
Nara dushkritakarmano dakshinayanamrityavah
8.29
कालस्य नयने युक्ता यमस्य पुरुषाश्च ये
तस्यां शिंशपपालाशास्तथा काशकुशादयः
उपासते धर्मराजं मूर्तिमन्तो निरामयाः
Kalasya nayane yukta yamasya purushashcha ye
Tasyam shinshapapalashastatha kashakushadayah
Upasate dharmarajam murtimanto niramayah
8.30
एते चान्ये च बहवः पितृराजसभासदः
अशक्याः परिसंख्यातुं नामभिः कर्मभिस्तथा
Ete chanye cha bahavah pitrirajasabhasadah
Ashakyah parisankhyatum namabhih karmabhistatha
8.31
असंबाधा हि सा पार्थ रम्या कामगमा सभा
दीर्घकालं तपस्तप्त्वा निर्मिता विश्वकर्मणा
Asambadha hi sa partha ramya kamagama sabha
Dirghakalam tapastaptva nirmita vishvakarmana
8.32
प्रभासन्ती ज्वलन्तीव तेजसा स्वेन भारत
तामुग्रतपसो यान्ति सुव्रताः सत्यवादिनः
Prabhasanti jvalantiva tejasa svena bharata
Tamugratapaso yanti suvratah satyavadinah
8.33
शान्ताः संन्यासिनः सिद्धाः पूताः पुण्येन कर्मणा
सर्वे भास्वरदेहाश्च सर्वे च विरजोम्बराः
Shantah sannyasinah siddhah putah punyena karmana
Sarve bhasvaradehashcha sarve cha virajombarah
8.34
चित्राङ्गदाश्चित्रमाल्याः सर्वे ज्वलितकुण्डलाः
सुकृतैः कर्मभिः पुण्यैः परिबर्हैर्विभूषिताः
Chitrangadashchitramalyah sarve jvalitakundalah
Sukritaih karmabhih punyaih paribarhairvibhushitah
8.35
गन्धर्वाश्च महात्मानः शतशश्चाप्सरोगणाः
वादित्रं नृत्तगीतं च हास्यं लास्यं च सर्वशः
Gandharvashcha mahatmanah shatashashchapsaroganah
Vaditram nrittagitam cha hasyam lasyam cha sarvashah
8.36
पुण्याश्च गन्धाः शब्दाश्च तस्यां पार्थ समन्ततः
दिव्यानि माल्यानि च तामुपतिष्ठन्ति सर्वशः
Punyashcha gandhah shabdashcha tasyam partha samantatah
Divyani malyani cha tamupatishthanti sarvashah
8.37
शतं शतसहस्राणि धर्मिणां तं प्रजेश्वरम्
उपासते महात्मानं रूपयुक्ता मनस्विनः
Shatam shatasahasrani dharminam tam prajeshvaram
Upasate mahatmanam rupayukta manasvinah
8.38
ईदृशी सा सभा राजन्पितृराज्ञो महात्मनः
वरुणस्यापि वक्ष्यामि सभां पुष्करमालिनीम्
Idrishi sa sabha rajanpitriragyo mahatmanah
Varunasyapi vakshyami sabham pushkaramalinim