UtshovChapter 39
39.1
शिशुपाल उवाच
स मे बहुमतो राजा जरासंधो महाबलः
योऽनेन युद्धं नेयेष दासोऽयमिति संयुगे
Shishupala uvacha
Sa me bahumato raja jarasandho mahabalah
Yonena yuddham neyesha dasoyamiti sanyuge
39.2
केशवेन कृतं यत्तु जरासंधवधे तदा
भीमसेनार्जुनाभ्यां च कस्तत्साध्विति मन्यते
Keshavena kritam yattu jarasandhavadhe tada
Bhimasenarjunabhyam cha kastatsadhviti manyate
39.3
अद्वारेण प्रविष्टेन छद्मना ब्रह्मवादिना
दृष्टः प्रभावः कृष्णेन जरासंधस्य धीमतः
Advarena pravishtena chhadmana brahmavadina
Drishtah prabhavah krishnena jarasandhasya dhimatah
39.4
येन धर्मात्मनात्मानं ब्रह्मण्यमभिजानता
नैषितं पाद्यमस्मै तद्दातुमग्रे दुरात्मने
Yena dharmatmanatmanam brahmanyamabhijanata
Naishitam padyamasmai taddatumagre duratmane
39.5
भुज्यतामिति तेनोक्ताः कृष्णभीमधनंजयाः
जरासंधेन कौरव्य कृष्णेन विकृतं कृतम्
Bhujyatamiti tenoktah krishnabhimadhananjayah
Jarasandhena kauravya krishnena vikritam kritam
39.6
यद्ययं जगतः कर्ता यथैनं मूर्ख मन्यसे
कस्मान्न ब्राह्मणं सम्यगात्मानमवगच्छति
Yadyayam jagatah karta yathainam murkha manyase
Kasmanna brahmanam samyagatmanamavagachchhati
39.7
इदं त्वाश्चर्यभूतं मे यदिमे पाण्डवास्त्वया
अपकृष्टाः सतां मार्गान्मन्यन्ते तच्च साध्विति
Idam tvashcharyabhutam me yadime pandavastvaya
Apakrishtah satam marganmanyante tachcha sadhviti
39.8
अथ वा नैतदाश्चर्यं येषां त्वमसि भारत
स्त्रीसधर्मा च वृद्धश्च सर्वार्थानां प्रदर्शकः
Atha va naitadashcharyam yesham tvamasi bharata
Strisadharma cha vriddhashcha sarvarthanam pradarshakah
39.9
वैशंपायन उवाच
तस्य तद्वचनं श्रुत्वा रूक्षं रूक्षाक्षरं बहु
चुकोप बलिनां श्रेष्ठो भीमसेनः प्रतापवान्
Vaishampayana uvacha
Tasya tadvachanam shrutva ruksham rukshaksharam bahu
Chukopa balinam shreshtho bhimasenah pratapavan
39.10
तस्य पद्मप्रतीकाशे स्वभावायतविस्तृते
भूयः क्रोधाभिताम्रान्ते रक्ते नेत्रे बभूवतुः
Tasya padmapratikashe svabhavayatavistrite
Bhuyah krodhabhitamrante rakte netre babhuvatuh
39.11
त्रिशिखां भ्रुकुटीं चास्य ददृशुः सर्वपार्थिवाः
ललाटस्थां त्रिकूटस्थां गङ्गां त्रिपथगामिव
Trishikham bhrukutim chasya dadrishuh sarvaparthivah
Lalatastham trikutastham gangam tripathagamiva
39.12
दन्तान्संदशतस्तस्य कोपाद्ददृशुराननम्
युगान्ते सर्वभूतानि कालस्येव दिधक्षतः
Dantansandashatastasya kopaddadrishurananam
Yugante sarvabhutani kalasyeva didhakshatah
39.13
उत्पतन्तं तु वेगेन जग्राहैनं मनस्विनम्
भीष्म एव महाबाहुर्महासेनमिवेश्वरः
Utpatantam tu vegena jagrahainam manasvinam
Bhishma eva mahabahurmahasenamiveshvarah
39.14
तस्य भीमस्य भीष्मेण वार्यमाणस्य भारत
गुरुणा विविधैर्वाक्यैः क्रोधः प्रशममागतः
Tasya bhimasya bhishmena varyamanasya bharata
Guruna vividhairvakyaih krodhah prashamamagatah
39.15
नातिचक्राम भीष्मस्य स हि वाक्यमरिंदमः
समुद्धूतो घनापाये वेलामिव महोदधिः
Natichakrama bhishmasya sa hi vakyamarindamah
Samuddhuto ghanapaye velamiva mahodadhih
39.16
शिशुपालस्तु संक्रुद्धे भीमसेने नराधिप
नाकम्पत तदा वीरः पौरुषे स्वे व्यवस्थितः
Shishupalastu sankruddhe bhimasene naradhipa
Nakampata tada virah paurushe sve vyavasthitah
39.17
उत्पतन्तं तु वेगेन पुनः पुनररिंदमः
न स तं चिन्तयामास सिंहः क्षुद्रमृगं यथा
Utpatantam tu vegena punah punararindamah
Na sa tam chintayamasa sinhah kshudramrigam yatha
39.18
प्रहसंश्चाब्रवीद्वाक्यं चेदिराजः प्रतापवान्
भीमसेनमतिक्रुद्धं दृष्ट्वा भीमपराक्रमम्
Prahasanshchabravidvakyam chedirajah pratapavan
Bhimasenamatikruddham drishtva bhimaparakramam
39.19
मुञ्चैनं भीष्म पश्यन्तु यावदेनं नराधिपाः
मत्प्रतापाग्निनिर्दग्धं पतंगमिव वह्निना
Munchainam bhishma pashyantu yavadenam naradhipah
Matpratapagninirdagdham patangamiva vahnina
39.20
ततश्चेदिपतेर्वाक्यं तच्छ्रुत्वा कुरुसत्तमः
भीमसेनमुवाचेदं भीष्मो मतिमतां वरः
Tatashchedipatervakyam tachchhrutva kurusattamah
Bhimasenamuvachedam bhishmo matimatam varah