UtshovChapter 32
32.1
वैशंपायन उवाच
स तैः सह नरव्याघ्रैर्भ्रातृभिर्भरतर्षभ
राजा रुचिरपद्माक्षैरासां चक्रे तदाश्रमे
Vaishampayana uvacha
Sa taih saha naravyaghrairbhratribhirbharatarshabha
Raja ruchirapadmakshairasam chakre tadashrame
32.2
तापसैश्च महाभागैर्नानादेशसमागतैः
द्रष्टुं कुरुपतेः पुत्रान्पाण्डवान्पृथुवक्षसः
Tapasaishcha mahabhagairnanadeshasamagataih
Drashtum kurupateh putranpandavanprithuvakshasah
32.3
तेऽब्रुवञ्ज्ञातुमिच्छामः कतमोऽत्र युधिष्ठिरः
भीमार्जुनयमाश्चैव द्रौपदी च यशस्विनी
Tebruvangyatumichchhamah katamotra yudhishthirah
Bhimarjunayamashchaiva draupadi cha yashasvini
32.4
तानाचख्यौ तदा सूतः सर्वान्नामाभिनामतः
संजयो द्रौपदीं चैव सर्वाश्चान्याः कुरुस्त्रियः
Tanachakhyau tada sutah sarvannamabhinamatah
Sanjayo draupadim chaiva sarvashchanyah kurustriyah
32.5
य एष जाम्बूनदशुद्धगौर;तनुर्महासिंह इव प्रवृद्धः
प्रचण्डघोणः पृथुदीर्घनेत्र;स्ताम्रायतास्यः कुरुराज एषः
Ya esha jambunadashuddhagaura;tanurmahasinha iva pravriddhah
Prachandaghonah prithudirghanetra;stamrayatasyah kururaja eshah
32.6
अयं पुनर्मत्तगजेन्द्रगामी; प्रतप्तचामीकरशुद्धगौरः
पृथ्वायतांसः पृथुदीर्घबाहु;र्वृकोदरः पश्यत पश्यतैनम्
Ayam punarmattagajendragami; prataptachamikarashuddhagaurah
Prithvayatansah prithudirghabahu;rvrikodarah pashyata pashyatainam
32.7
यस्त्वेष पार्श्वेऽस्य महाधनुष्मा;ञ्श्यामो युवा वारणयूथपाभः
सिंहोन्नतांसो गजखेलगामी; पद्मायताक्षोऽर्जुन एष वीरः
Yastvesha parshvesya mahadhanushma;nshyamo yuva varanayuthapabhah
Sinhonnatanso gajakhelagami; padmayatakshorjuna esha virah
32.8
कुन्तीसमीपे पुरुषोत्तमौ तु; यमाविमौ विष्णुमहेन्द्रकल्पौ
मनुष्यलोके सकले समोऽस्ति; ययोर्न रूपे न बले न शीले
Kuntisamipe purushottamau tu; yamavimau vishnumahendrakalpau
Manushyaloke sakale samosti; yayorna rupe na bale na shile
32.9
इयं पुनः पद्मदलायताक्षी; मध्यं वयः किंचिदिव स्पृशन्ती
नीलोत्पलाभा पुरदेवतेव; कृष्णा स्थिता मूर्तिमतीव लक्ष्मीः
Iyam punah padmadalayatakshi; madhyam vayah kinchidiva sprishanti
Nilotpalabha puradevateva; krishna sthita murtimativa lakshmih
32.10
अस्यास्तु पार्श्वे कनकोत्तमाभा; यैषा प्रभा मूर्तिमतीव गौरी
मध्ये स्थितैषा भगिनी द्विजाग्र्या; चक्रायुधस्याप्रतिमस्य तस्य
Asyastu parshve kanakottamabha; yaisha prabha murtimativa gauri
Madhye sthitaisha bhagini dvijagrya; chakrayudhasyapratimasya tasya
32.11
इयं स्वसा राजचमूपतेस्तु; प्रवृद्धनीलोत्पलदामवर्णा
पस्पर्ध कृष्णेन नृपः सदा यो; वृकोदरस्यैष परिग्रहोऽग्र्यः
Iyam svasa rajachamupatestu; pravriddhanilotpaladamavarna
Paspardha krishnena nripah sada yo; vrikodarasyaisha parigrahogryah
32.12
इयं च राज्ञो मगधाधिपस्य; सुता जरासंध इति श्रुतस्य
यवीयसो माद्रवतीसुतस्य; भार्या मता चम्पकदामगौरी
Iyam cha ragyo magadhadhipasya; suta jarasandha iti shrutasya
Yaviyaso madravatisutasya; bharya mata champakadamagauri
32.13
इन्दीवरश्यामतनुः स्थिता तु; यैषापरासन्नमहीतले च
भार्या मता माद्रवतीसुतस्य; ज्येष्ठस्य सेयं कमलायताक्षी
Indivarashyamatanuh sthita tu; yaishaparasannamahitale cha
Bharya mata madravatisutasya; jyeshthasya seyam kamalayatakshi
32.14
इयं तु निष्टप्तसुवर्णगौरी; राज्ञो विराटस्य सुता सपुत्रा
भार्याभिमन्योर्निहतो रणे यो; द्रोणादिभिस्तैर्विरथो रथस्थैः
Iyam tu nishtaptasuvarnagauri; ragyo viratasya suta saputra
Bharyabhimanyornihato rane yo; dronadibhistairviratho rathasthaih
32.15
एतास्तु सीमन्तशिरोरुहा याः; शुक्लोत्तरीया नरराजपत्न्यः
राज्ञोऽस्य वृद्धस्य परंशताख्याः; स्नुषा विवीरा हतपुत्रनाथाः
Etastu simantashiroruha yah; shuklottariya nararajapatnyah
Ragyosya vriddhasya paranshatakhyah; snusha vivira hataputranathah
32.16
एता यथामुख्यमुदाहृता वो; ब्राह्मण्यभावादृजुबुद्धिसत्त्वाः
सर्वा भवद्भिः परिपृच्छ्यमाना; नरेन्द्रपत्न्यः सुविशुद्धसत्त्वाः
Eta yathamukhyamudahrita vo; brahmanyabhavadrijubuddhisattvah
Sarva bhavadbhih pariprichchhyamana; narendrapatnyah suvishuddhasattvah
32.17
एवं स राजा कुरुवृद्धवर्यः; समागतस्तैर्नरदेवपुत्रैः
पप्रच्छ सर्वान्कुशलं तदानीं; गतेषु सर्वेष्वथ तापसेषु
Evam sa raja kuruvriddhavaryah; samagatastairnaradevaputraih
Paprachchha sarvankushalam tadanim; gateshu sarveshvatha tapaseshu
32.18
योधेषु चाप्याश्रममण्डलं तं; मुक्त्वा निविष्टेषु विमुच्य पत्रम्
स्त्रीवृद्धबाले च सुसंनिविष्टे; यथार्हतः कुशलं पर्यपृच्छत्
Yodheshu chapyashramamandalam tam; muktva nivishteshu vimuchya patram
Strivriddhabale cha susannivishte; yatharhatah kushalam paryaprichchhat