UtshovChapter 19
19.1
वैशंपायन उवाच
एवमुक्तस्तु राज्ञा स विदुरो बुद्धिसत्तमः
धृतराष्ट्रमुपेत्येदं वाक्यमाह महार्थवत्
Vaishampayana uvacha
Evamuktastu ragya sa viduro buddhisattamah
Dhritarashtramupetyedam vakyamaha maharthavat
19.2
उक्तो युधिष्ठिरो राजा भवद्वचनमादितः
स च संश्रुत्य वाक्यं ते प्रशशंस महाद्युतिः
Ukto yudhishthiro raja bhavadvachanamaditah
Sa cha sanshrutya vakyam te prashashansa mahadyutih
19.3
बीभत्सुश्च महातेजा निवेदयति ते गृहान्
वसु तस्य गृहे यच्च प्राणानपि च केवलान्
Bibhatsushcha mahateja nivedayati te grihan
Vasu tasya grihe yachcha prananapi cha kevalan
19.4
धर्मराजश्च पुत्रस्ते राज्यं प्राणान्धनानि च
अनुजानाति राजर्षे यच्चान्यदपि किंचन
Dharmarajashcha putraste rajyam pranandhanani cha
Anujanati rajarshe yachchanyadapi kinchana
19.5
भीमस्तु सर्वदुःखानि संस्मृत्य बहुलान्युत
कृच्छ्रादिव महाबाहुरनुमन्ये विनिःश्वसन्
Bhimastu sarvaduhkhani sansmritya bahulanyuta
Krichchhradiva mahabahuranumanye vinihshvasan
19.6
स राज्ञा धर्मशीलेन भ्रात्रा बीभत्सुना तथा
अनुनीतो महाबाहुः सौहृदे स्थापितोऽपि च
Sa ragya dharmashilena bhratra bibhatsuna tatha
Anunito mahabahuh sauhride sthapitopi cha
19.7
न च मन्युस्त्वया कार्य इति त्वां प्राह धर्मराट्
संस्मृत्य भीमस्तद्वैरं यदन्यायवदाचरेत्
Na cha manyustvaya karya iti tvam praha dharmarat
Sansmritya bhimastadvairam yadanyayavadacharet
19.8
एवंप्रायो हि धर्मोऽयं क्षत्रियाणां नराधिप
युद्धे क्षत्रियधर्मे च निरतोऽयं वृकोदरः
Evamprayo hi dharmoyam kshatriyanam naradhipa
Yuddhe kshatriyadharme cha niratoyam vrikodarah
19.9
वृकोदरकृते चाहमर्जुनश्च पुनः पुनः
प्रसादयाव नृपते भवान्प्रभुरिहास्ति यत्
Vrikodarakrite chahamarjunashcha punah punah
Prasadayava nripate bhavanprabhurihasti yat
19.10
प्रददातु भवान्वित्तं यावदिच्छसि पार्थिव
त्वमीश्वरो नो राज्यस्य प्राणानां चेति भारत
Pradadatu bhavanvittam yavadichchhasi parthiva
Tvamishvaro no rajyasya prananam cheti bharata
19.11
ब्रह्मदेयाग्रहारांश्च पुत्राणां चौर्ध्वदेहिकम्
इतो रत्नानि गाश्चैव दासीदासमजाविकम्
Brahmadeyagraharanshcha putranam chaurdhvadehikam
Ito ratnani gashchaiva dasidasamajavikam
19.12
आनयित्वा कुरुश्रेष्ठो ब्राह्मणेभ्यः प्रयच्छतु
दीनान्धकृपणेभ्यश्च तत्र तत्र नृपाज्ञया
Anayitva kurushreshtho brahmanebhyah prayachchhatu
Dinandhakripanebhyashcha tatra tatra nripagyaya
19.13
बह्वन्नरसपानाढ्याः सभा विदुर कारय
गवां निपानान्यन्यच्च विविधं पुण्यकर्म यत्
Bahvannarasapanadhyah sabha vidura karaya
Gavam nipananyanyachcha vividham punyakarma yat
19.14
इति मामब्रवीद्राजा पार्थश्चैव धनंजयः
यदत्रानन्तरं कार्यं तद्भवान्वक्तुमर्हति
Iti mamabravidraja parthashchaiva dhananjayah
Yadatranantaram karyam tadbhavanvaktumarhati
19.15
इत्युक्तो विदुरेणाथ धृतराष्ट्रोऽभिनन्द्य तत्
मनश्चक्रे महादाने कार्त्तिक्यां जनमेजय
Ityukto vidurenatha dhritarashtrobhinandya tat
Manashchakre mahadane karttikyam janamejaya