UtshovChapter 34
34.1
ब्राह्मण्युवाच
नेदमल्पात्मना शक्यं वेदितुं नाकृतात्मना
बहु चाल्पं च संक्षिप्तं विप्लुतं च मतं मम
Brahmanyuvacha
Nedamalpatmana shakyam veditum nakritatmana
Bahu chalpam cha sankshiptam viplutam cha matam mama
34.2
उपायं तु मम ब्रूहि येनैषा लभ्यते मतिः
तन्मन्ये कारणतमं यत एषा प्रवर्तते
Upayam tu mama bruhi yenaisha labhyate matih
Tanmanye karanatamam yata esha pravartate
34.3
ब्राह्मण उवाच
अरणीं ब्राह्मणीं विद्धि गुरुरस्योत्तरारणिः
तपःश्रुतेऽभिमथ्नीतो ज्ञानाग्निर्जायते ततः
Brahmana uvacha
Aranim brahmanim viddhi gururasyottararanih
Tapahshrutebhimathnito gyanagnirjayate tatah
34.4
ब्राह्मण्युवाच
यदिदं ब्रह्मणो लिङ्गं क्षेत्रज्ञमिति संज्ञितम्
ग्रहीतुं येन तच्छक्यं लक्षणं तस्य तत्क्व नु
Brahmanyuvacha
Yadidam brahmano lingam kshetragyamiti sangyitam
Grahitum yena tachchhakyam lakshanam tasya tatkva nu
34.5
ब्राह्मण उवाच
अलिङ्गो निर्गुणश्चैव कारणं नास्य विद्यते
उपायमेव वक्ष्यामि येन गृह्येत वा न वा
Brahmana uvacha
Alingo nirgunashchaiva karanam nasya vidyate
Upayameva vakshyami yena grihyeta va na va
34.6
सम्यगप्युपदिष्टश्च भ्रमरैरिव लक्ष्यते
कर्मबुद्धिरबुद्धित्वाज्ज्ञानलिङ्गैरिवाश्रितम्
Samyagapyupadishtashcha bhramarairiva lakshyate
Karmabuddhirabuddhitvajgyanalingairivashritam
34.7
इदं कार्यमिदं नेति न मोक्षेषूपदिश्यते
पश्यतः शृण्वतो बुद्धिरात्मनो येषु जायते
Idam karyamidam neti na moksheshupadishyate
Pashyatah shrinvato buddhiratmano yeshu jayate
34.8
यावन्त इह शक्येरंस्तावतोंऽशान्प्रकल्पयेत्
व्यक्तानव्यक्तरूपांश्च शतशोऽथ सहस्रशः
Yavanta iha shakyeranstavatonshanprakalpayet
Vyaktanavyaktarupanshcha shatashotha sahasrashah
34.9
सर्वान्नानात्वयुक्तांश्च सर्वान्प्रत्यक्षहेतुकान्
यतः परं न विद्येत ततोऽभ्यासे भविष्यति
Sarvannanatvayuktanshcha sarvanpratyakshahetukan
Yatah param na vidyeta tatobhyase bhavishyati
34.10
वासुदेव उवाच
ततस्तु तस्या ब्राह्मण्या मतिः क्षेत्रज्ञसंक्षये
क्षेत्रज्ञादेव परतः क्षेत्रज्ञोऽन्यः प्रवर्तते
Vasudeva uvacha
Tatastu tasya brahmanya matih kshetragyasankshaye
Kshetragyadeva paratah kshetragyonyah pravartate
34.11
अर्जुन उवाच
क्व नु सा ब्राह्मणी कृष्ण क्व चासौ ब्राह्मणर्षभः
याभ्यां सिद्धिरियं प्राप्ता तावुभौ वद मेऽच्युत
Arjuna uvacha
Kva nu sa brahmani krishna kva chasau brahmanarshabhah
Yabhyam siddhiriyam prapta tavubhau vada mechyuta
34.12
वासुदेव उवाच
मनो मे ब्राह्मणं विद्धि बुद्धिं मे विद्धि ब्राह्मणीम्
क्षेत्रज्ञ इति यश्चोक्तः सोऽहमेव धनंजय
Vasudeva uvacha
Mano me brahmanam viddhi buddhim me viddhi brahmanim
Kshetragya iti yashchoktah sohameva dhananjaya