UtshovChapter 78
78.1
वसिष्ठ उवाच
शतं वर्षसहस्राणां तपस्तप्तं सुदुश्चरम्
गोभिः पूर्वविसृष्टाभिर्गच्छेम श्रेष्ठतामिति
Vasishtha uvacha
Shatam varshasahasranam tapastaptam sudushcharam
Gobhih purvavisrishtabhirgachchhema shreshthatamiti
78.2
लोकेऽस्मिन्दक्षिणानां च सर्वासां वयमुत्तमाः
भवेम न च लिप्येम दोषेणेति परंतप
Lokesmindakshinanam cha sarvasam vayamuttamah
Bhavema na cha lipyema dosheneti parantapa
78.3
स एव चेतसा तेन हतो लिप्येत सर्वदा
शकृता च पवित्रार्थं कुर्वीरन्देवमानुषाः
Sa eva chetasa tena hato lipyeta sarvada
Shakrita cha pavitrartham kurvirandevamanushah
78.4
तथा सर्वाणि भूतानि स्थावराणि चराणि च
प्रदातारश्च गोलोकान्गच्छेयुरिति मानद
Tatha sarvani bhutani sthavarani charani cha
Pradatarashcha golokangachchheyuriti manada
78.5
ताभ्यो वरं ददौ ब्रह्मा तपसोऽन्ते स्वयं प्रभुः
एवं भवत्विति विभुर्लोकांस्तारयतेति च
Tabhyo varam dadau brahma tapasonte svayam prabhuh
Evam bhavatviti vibhurlokanstarayateti cha
78.6
उत्तस्थुः सिद्धिकामास्ता भूतभव्यस्य मातरः
तपसोऽन्ते महाराज गावो लोकपरायणाः
Uttasthuh siddhikamasta bhutabhavyasya matarah
Tapasonte maharaja gavo lokaparayanah
78.7
तस्माद्गावो महाभागाः पवित्रं परमुच्यते
तथैव सर्वभूतानां गावस्तिष्ठन्ति मूर्धनि
Tasmadgavo mahabhagah pavitram paramuchyate
Tathaiva sarvabhutanam gavastishthanti murdhani
78.8
समानवत्सां कपिलां धेनुं दत्त्वा पयस्विनीम्
सुव्रतां वस्त्रसंवीतां ब्रह्मलोके महीयते
Samanavatsam kapilam dhenum dattva payasvinim
Suvratam vastrasanvitam brahmaloke mahiyate
78.9
रोहिणीं तुल्यवत्सां तु धेनुं दत्त्वा पयस्विनीम्
सुव्रतां वस्त्रसंवीतां सूर्यलोके महीयते
Rohinim tulyavatsam tu dhenum dattva payasvinim
Suvratam vastrasanvitam suryaloke mahiyate
78.10
समानवत्सां शबलां धेनुं दत्त्वा पयस्विनीम्
सुव्रतां वस्त्रसंवीतां सोमलोके महीयते
Samanavatsam shabalam dhenum dattva payasvinim
Suvratam vastrasanvitam somaloke mahiyate
78.11
समानवत्सां श्वेतां तु धेनुं दत्त्वा पयस्विनीम्
सुव्रतां वस्त्रसंवीतामिन्द्रलोके महीयते
Samanavatsam shvetam tu dhenum dattva payasvinim
Suvratam vastrasanvitamindraloke mahiyate
78.12
समानवत्सां कृष्णां तु धेनुं दत्त्वा पयस्विनीम्
सुव्रतां वस्त्रसंवीतामग्निलोके महीयते
Samanavatsam krishnam tu dhenum dattva payasvinim
Suvratam vastrasanvitamagniloke mahiyate
78.13
समानवत्सां धूम्रां तु धेनुं दत्त्वा पयस्विनीम्
सुव्रतां वस्त्रसंवीतां याम्यलोके महीयते
Samanavatsam dhumram tu dhenum dattva payasvinim
Suvratam vastrasanvitam yamyaloke mahiyate
78.14
अपां फेनसवर्णां तु सवत्सां कांस्यदोहनाम्
प्रदाय वस्त्रसंवीतां वारुणं लोकमश्नुते
Apam phenasavarnam tu savatsam kansyadohanam
Pradaya vastrasanvitam varunam lokamashnute
78.15
वातरेणुसवर्णां तु सवत्सां कांस्यदोहनाम्
प्रदाय वस्त्रसंवीतां वायुलोके महीयते
Vatarenusavarnam tu savatsam kansyadohanam
Pradaya vastrasanvitam vayuloke mahiyate
78.16
हिरण्यवर्णां पिङ्गाक्षीं सवत्सां कांस्यदोहनाम्
प्रदाय वस्त्रसंवीतां कौबेरं लोकमश्नुते
Hiranyavarnam pingakshim savatsam kansyadohanam
Pradaya vastrasanvitam kauberam lokamashnute
78.17
पलालधूम्रवर्णां तु सवत्सां कांस्यदोहनाम्
प्रदाय वस्त्रसंवीतां पितृलोके महीयते
Palaladhumravarnam tu savatsam kansyadohanam
Pradaya vastrasanvitam pitriloke mahiyate
78.18
सवत्सां पीवरीं दत्त्वा शितिकण्ठामलंकृताम्
वैश्वदेवमसंबाधं स्थानं श्रेष्ठं प्रपद्यते
Savatsam pivarim dattva shitikanthamalankritam
Vaishvadevamasambadham sthanam shreshtham prapadyate
78.19
समानवत्सां गौरीं तु धेनुं दत्त्वा पयस्विनीम्
सुव्रतां वस्त्रसंवीतां वसूनां लोकमश्नुते
Samanavatsam gaurim tu dhenum dattva payasvinim
Suvratam vastrasanvitam vasunam lokamashnute
78.20
पाण्डुकम्बलवर्णां तु सवत्सां कांस्यदोहनाम्
प्रदाय वस्त्रसंवीतां साध्यानां लोकमश्नुते
Pandukambalavarnam tu savatsam kansyadohanam
Pradaya vastrasanvitam sadhyanam lokamashnute
78.21
वैराटपृष्ठमुक्षाणं सर्वरत्नैरलंकृतम्
प्रदाय मरुतां लोकानजरान्प्रतिपद्यते
Vairataprishthamukshanam sarvaratnairalankritam
Pradaya marutam lokanajaranpratipadyate
78.22
वत्सोपपन्नां नीलाङ्गां सर्वरत्नसमन्विताम्
गन्धर्वाप्सरसां लोकान्दत्त्वा प्राप्नोति मानवः
Vatsopapannam nilangam sarvaratnasamanvitam
Gandharvapsarasam lokandattva prapnoti manavah
78.23
शितिकण्ठमनड्वाहं सर्वरत्नैरलंकृतम्
दत्त्वा प्रजापतेर्लोकान्विशोकः प्रतिपद्यते
Shitikanthamanadvaham sarvaratnairalankritam
Dattva prajapaterlokanvishokah pratipadyate
78.24
गोप्रदानरतो याति भित्त्वा जलदसंचयान्
विमानेनार्कवर्णेन दिवि राजन्विराजता
Gopradanarato yati bhittva jaladasanchayan
Vimanenarkavarnena divi rajanvirajata
78.25
तं चारुवेषाः सुश्रोण्यः सहस्रं वरयोषितः
रमयन्ति नरश्रेष्ठ गोप्रदानरतं नरम्
Tam charuveshah sushronyah sahasram varayoshitah
Ramayanti narashreshtha gopradanaratam naram
78.26
वीणानां वल्लकीनां च नूपुराणां च शिञ्जितैः
हासैश्च हरिणाक्षीणां प्रसुप्तः प्रतिबोध्यते
Vinanam vallakinam cha nupuranam cha shinjitaih
Hasaishcha harinakshinam prasuptah pratibodhyate
78.27
यावन्ति लोमानि भवन्ति धेन्वा;स्तावन्ति वर्षाणि महीयते सः
स्वर्गाच्च्युतश्चापि ततो नृलोके; कुले समुत्पत्स्यति गोमिनां सः
Yavanti lomani bhavanti dhenva;stavanti varshani mahiyate sah
Svargachchyutashchapi tato nriloke; kule samutpatsyati gominam sah