UtshovChapter 88
88.1
युधिष्ठिर उवाच
राष्ट्रगुप्तिं च मे राजन्राष्ट्रस्यैव च संग्रहम्
सम्यग्जिज्ञासमानाय प्रब्रूहि भरतर्षभ
Yudhishthira uvacha
Rashtraguptim cha me rajanrashtrasyaiva cha sangraham
Samyagjigyasamanaya prabruhi bharatarshabha
88.2
भीष्म उवाच
राष्ट्रगुप्तिं च ते सम्यग्राष्ट्रस्यैव च संग्रहम्
हन्त सर्वं प्रवक्ष्यामि तत्त्वमेकमनाः शृणु
Bhishma uvacha
Rashtraguptim cha te samyagrashtrasyaiva cha sangraham
Hanta sarvam pravakshyami tattvamekamanah shrinu
88.3
ग्रामस्याधिपतिः कार्यो दशग्राम्यस्तथापरः
द्विगुणायाः शतस्यैवं सहस्रस्य च कारयेत्
Gramasyadhipatih karyo dashagramyastathaparah
Dvigunayah shatasyaivam sahasrasya cha karayet
88.4
ग्रामे यान्ग्रामदोषांश्च ग्रामिकः परिपालयेत्
तान्ब्रूयाद्दशपायासौ स तु विंशतिपाय वै
Grame yangramadoshanshcha gramikah paripalayet
Tanbruyaddashapayasau sa tu vinshatipaya vai
88.5
सोऽपि विंशत्यधिपतिर्वृत्तं जानपदे जने
ग्रामाणां शतपालाय सर्वमेव निवेदयेत्
Sopi vinshatyadhipatirvrittam janapade jane
Gramanam shatapalaya sarvameva nivedayet
88.6
यानि ग्रामीणभोज्यानि ग्रामिकस्तान्युपाश्नुयात्
दशपस्तेन भर्तव्यस्तेनापि द्विगुणाधिपः
Yani graminabhojyani gramikastanyupashnuyat
Dashapastena bhartavyastenapi dvigunadhipah
88.7
ग्रामं ग्रामशताध्यक्षो भोक्तुमर्हति सत्कृतः
महान्तं भरतश्रेष्ठ सुस्फीतजनसंकुलम्
तत्र ह्यनेकमायत्तं राज्ञो भवति भारत
Gramam gramashatadhyaksho bhoktumarhati satkritah
Mahantam bharatashreshtha susphitajanasankulam
Tatra hyanekamayattam ragyo bhavati bharata
88.8
शाखानगरमर्हस्तु सहस्रपतिरुत्तमम्
धान्यहैरण्यभोगेन भोक्तुं राष्ट्रिय उद्यतः
Shakhanagaramarhastu sahasrapatiruttamam
Dhanyahairanyabhogena bhoktum rashtriya udyatah
88.9
तथा यद्ग्रामकृत्यं स्याद्ग्रामिकृत्यं च ते स्वयम्
धर्मज्ञः सचिवः कश्चित्तत्प्रपश्येदतन्द्रितः
Tatha yadgramakrityam syadgramikrityam cha te svayam
Dharmagyah sachivah kashchittatprapashyedatandritah
88.10
नगरे नगरे च स्यादेकः सर्वार्थचिन्तकः
उच्चैःस्थाने घोररूपो नक्षत्राणामिव ग्रहः
भवेत्स तान्परिक्रामेत्सर्वानेव सदा स्वयम्
Nagare nagare cha syadekah sarvarthachintakah
Uchchaihsthane ghorarupo nakshatranamiva grahah
Bhavetsa tanparikrametsarvaneva sada svayam
88.11
विक्रयं क्रयमध्वानं भक्तं च सपरिव्ययम्
योगक्षेमं च संप्रेक्ष्य वणिजः कारयेत्करान्
Vikrayam krayamadhvanam bhaktam cha saparivyayam
Yogakshemam cha samprekshya vanijah karayetkaran
88.12
उत्पत्तिं दानवृत्तिं च शिल्पं संप्रेक्ष्य चासकृत्
शिल्पप्रतिकरानेव शिल्पिनः प्रति कारयेत्
Utpattim danavrittim cha shilpam samprekshya chasakrit
Shilpapratikaraneva shilpinah prati karayet
88.13
उच्चावचकरा न्याय्याः पूर्वराज्ञां युधिष्ठिर
यथा यथा न हीयेरंस्तथा कुर्यान्महीपतिः
Uchchavachakara nyayyah purvaragyam yudhishthira
Yatha yatha na hiyeranstatha kuryanmahipatih
88.14
फलं कर्म च संप्रेक्ष्य ततः सर्वं प्रकल्पयेत्
फलं कर्म च निर्हेतु न कश्चित्संप्रवर्तयेत्
Phalam karma cha samprekshya tatah sarvam prakalpayet
Phalam karma cha nirhetu na kashchitsampravartayet
88.15
यथा राजा च कर्ता च स्यातां कर्मणि भागिनौ
समवेक्ष्य तथा राज्ञा प्रणेयाः सततं कराः
Yatha raja cha karta cha syatam karmani bhaginau
Samavekshya tatha ragya praneyah satatam karah
88.16
नोच्छिन्द्यादात्मनो मूलं परेषां वापि तृष्णया
ईहाद्वाराणि संरुध्य राजा संप्रीतिदर्शनः
Nochchhindyadatmano mulam paresham vapi trishnaya
Ihadvarani sanrudhya raja sampritidarshanah
88.17
प्रद्विषन्ति परिख्यातं राजानमतिखादिनम्
प्रद्विष्टस्य कुतः श्रेयः संप्रियो लभते प्रियम्
Pradvishanti parikhyatam rajanamatikhadinam
Pradvishtasya kutah shreyah sampriyo labhate priyam
88.18
वत्सौपम्येन दोग्धव्यं राष्ट्रमक्षीणबुद्धिना
भृतो वत्सो जातबलः पीडां सहति भारत
Vatsaupamyena dogdhavyam rashtramakshinabuddhina
Bhrito vatso jatabalah pidam sahati bharata
88.19
न कर्म कुरुते वत्सो भृशं दुग्धो युधिष्ठिर
राष्ट्रमप्यतिदुग्धं हि न कर्म कुरुते महत्
Na karma kurute vatso bhrisham dugdho yudhishthira
Rashtramapyatidugdham hi na karma kurute mahat
88.20
यो राष्ट्रमनुगृह्णाति परिगृह्य स्वयं नृपः
संजातमुपजीवन्स लभते सुमहत्फलम्
Yo rashtramanugrihnati parigrihya svayam nripah
Sanjatamupajivansa labhate sumahatphalam
88.21
आपदर्थं हि निचयान्राजान इह चिन्वते
राष्ट्रं च कोशभूतं स्यात्कोशो वेश्मगतस्तथा
Apadartham hi nichayanrajana iha chinvate
Rashtram cha koshabhutam syatkosho veshmagatastatha
88.22
पौरजानपदान्सर्वान्संश्रितोपाश्रितांस्तथा
यथाशक्त्यनुकम्पेत सर्वानभ्यन्तरानपि
Paurajanapadansarvansanshritopashritanstatha
Yathashaktyanukampeta sarvanabhyantaranapi
88.23
बाह्यं जनं भेदयित्वा भोक्तव्यो मध्यमः सुखम्
एवं न संप्रकुप्यन्ते जनाः सुखितदुःखिताः
Bahyam janam bhedayitva bhoktavyo madhyamah sukham
Evam na samprakupyante janah sukhitaduhkhitah
88.24
प्रागेव तु करादानमनुभाष्य पुनः पुनः
संनिपत्य स्वविषये भयं राष्ट्रे प्रदर्शयेत्
Prageva tu karadanamanubhashya punah punah
Sannipatya svavishaye bhayam rashtre pradarshayet
88.25
इयमापत्समुत्पन्ना परचक्रभयं महत्
अपि नान्ताय कल्पेत वेणोरिव फलागमः
Iyamapatsamutpanna parachakrabhayam mahat
Api nantaya kalpeta venoriva phalagamah
88.26
अरयो मे समुत्थाय बहुभिर्दस्युभिः सह
इदमात्मवधायैव राष्ट्रमिच्छन्ति बाधितुम्
Arayo me samutthaya bahubhirdasyubhih saha
Idamatmavadhayaiva rashtramichchhanti badhitum
88.27
अस्यामापदि घोरायां संप्राप्ते दारुणे भये
परित्राणाय भवतां प्रार्थयिष्ये धनानि वः
Asyamapadi ghorayam samprapte darune bhaye
Paritranaya bhavatam prarthayishye dhanani vah
88.28
प्रतिदास्ये च भवतां सर्वं चाहं भयक्षये
नारयः प्रतिदास्यन्ति यद्धरेयुर्बलादितः
Pratidasye cha bhavatam sarvam chaham bhayakshaye
Narayah pratidasyanti yaddhareyurbaladitah
88.29
कलत्रमादितः कृत्वा नश्येत्स्वं स्वयमेव हि
अपि चेत्पुत्रदारार्थमर्थसंचय इष्यते
Kalatramaditah kritva nashyetsvam svayameva hi
Api chetputradararthamarthasanchaya ishyate
88.30
नन्दामि वः प्रभावेन पुत्राणामिव चोदये
यथाशक्त्यनुगृह्णामि राष्ट्रस्यापीडया च वः
Nandami vah prabhavena putranamiva chodaye
Yathashaktyanugrihnami rashtrasyapidaya cha vah
88.31
आपत्स्वेव च वोढव्यं भवद्भिः सद्गवैरिव
न वः प्रियतरं कार्यं धनं कस्यांचिदापदि
Apatsveva cha vodhavyam bhavadbhih sadgavairiva
Na vah priyataram karyam dhanam kasyanchidapadi
88.32
इति वाचा मधुरया श्लक्ष्णया सोपचारया
स्वरश्मीनभ्यवसृजेद्युगमादाय कालवित्
Iti vacha madhuraya shlakshnaya sopacharaya
Svarashminabhyavasrijedyugamadaya kalavit
88.33
प्रचारं भृत्यभरणं व्ययं गोग्रामतो भयम्
योगक्षेमं च संप्रेक्ष्य गोमिनः कारयेत्करान्
Pracharam bhrityabharanam vyayam gogramato bhayam
Yogakshemam cha samprekshya gominah karayetkaran
88.34
उपेक्षिता हि नश्येयुर्गोमिनोऽरण्यवासिनः
तस्मात्तेषु विशेषेण मृदुपूर्वं समाचरेत्
Upekshita hi nashyeyurgominoranyavasinah
Tasmatteshu visheshena mridupurvam samacharet
88.35
सान्त्वनं रक्षणं दानमवस्था चाप्यभीक्ष्णशः
गोमिनां पार्थ कर्तव्यं संविभागाः प्रियाणि च
Santvanam rakshanam danamavastha chapyabhikshnashah
Gominam partha kartavyam sanvibhagah priyani cha
88.36
अजस्रमुपयोक्तव्यं फलं गोमिषु सर्वतः
प्रभावयति राष्ट्रं च व्यवहारं कृषिं तथा
Ajasramupayoktavyam phalam gomishu sarvatah
Prabhavayati rashtram cha vyavaharam krishim tatha
88.37
तस्माद्गोमिषु यत्नेन प्रीतिं कुर्याद्विचक्षणः
दयावानप्रमत्तश्च करान्संप्रणयन्मृदून्
Tasmadgomishu yatnena pritim kuryadvichakshanah
Dayavanapramattashcha karansampranayanmridun
88.38
सर्वत्र क्षेमचरणं सुलभं तात गोमिभिः
न ह्यतः सदृशं किंचिद्धनमस्ति युधिष्ठिर
Sarvatra kshemacharanam sulabham tata gomibhih
Na hyatah sadrisham kinchiddhanamasti yudhishthira