UtshovChapter 302
302.1
याज्ञवल्क्य उवाच
एते प्रधानस्य गुणास्त्रयः पुरुषसत्तम
कृत्स्नस्य चैव जगतस्तिष्ठन्त्यनपगाः सदा
Yagyavalkya uvacha
Ete pradhanasya gunastrayah purushasattama
Kritsnasya chaiva jagatastishthantyanapagah sada
302.2
शतधा सहस्रधा चैव तथा शतसहस्रधा
कोटिशश्च करोत्येष प्रत्यगात्मानमात्मना
Shatadha sahasradha chaiva tatha shatasahasradha
Kotishashcha karotyesha pratyagatmanamatmana
302.3
सात्त्विकस्योत्तमं स्थानं राजसस्येह मध्यमम्
तामसस्याधमं स्थानं प्राहुरध्यात्मचिन्तकाः
Sattvikasyottamam sthanam rajasasyeha madhyamam
Tamasasyadhamam sthanam prahuradhyatmachintakah
302.4
केवलेनेह पुण्येन गतिमूर्ध्वामवाप्नुयात्
पुण्यपापेन मानुष्यमधर्मेणाप्यधोगतिम्
Kevaleneha punyena gatimurdhvamavapnuyat
Punyapapena manushyamadharmenapyadhogatim
302.5
द्वंद्वमेषां त्रयाणां तु संनिपातं च तत्त्वतः
सत्त्वस्य रजसश्चैव तमसश्च शृणुष्व मे
Dvandvamesham trayanam tu sannipatam cha tattvatah
Sattvasya rajasashchaiva tamasashcha shrinushva me
302.6
सत्त्वस्य तु रजो दृष्टं रजसश्च तमस्तथा
तमसश्च तथा सत्त्वं सत्त्वस्याव्यक्तमेव च
Sattvasya tu rajo drishtam rajasashcha tamastatha
Tamasashcha tatha sattvam sattvasyavyaktameva cha
302.7
अव्यक्तसत्त्वसंयुक्तो देवलोकमवाप्नुयात्
रजःसत्त्वसमायुक्तो मनुष्येषूपपद्यते
Avyaktasattvasanyukto devalokamavapnuyat
Rajahsattvasamayukto manushyeshupapadyate
302.8
रजस्तमोभ्यां संयुक्तस्तिर्यग्योनिषु जायते
रजस्तामससत्त्वैश्च युक्तो मानुष्यमाप्नुयात्
Rajastamobhyam sanyuktastiryagyonishu jayate
Rajastamasasattvaishcha yukto manushyamapnuyat
302.9
पुण्यपापवियुक्तानां स्थानमाहुर्मनीषिणाम्
शाश्वतं चाव्ययं चैव अक्षरं चाभयं च यत्
Punyapapaviyuktanam sthanamahurmanishinam
Shashvatam chavyayam chaiva aksharam chabhayam cha yat
302.10
ज्ञानिनां संभवं श्रेष्ठं स्थानमव्रणमच्युतम्
अतीन्द्रियमबीजं च जन्ममृत्युतमोनुदम्
Gyaninam sambhavam shreshtham sthanamavranamachyutam
Atindriyamabijam cha janmamrityutamonudam
302.11
अव्यक्तस्थं परं यत्तत्पृष्टस्तेऽहं नराधिप
स एष प्रकृतिष्ठो हि तस्थुरित्यभिधीयते
Avyaktastham param yattatprishtasteham naradhipa
Sa esha prakritishtho hi tasthurityabhidhiyate
302.12
अचेतनश्चैष मतः प्रकृतिस्थश्च पार्थिव
एतेनाधिष्ठितश्चैव सृजते संहरत्यपि
Achetanashchaisha matah prakritisthashcha parthiva
Etenadhishthitashchaiva srijate sanharatyapi
302.13
जनक उवाच
अनादिनिधनावेतावुभावेव महामुने
अमूर्तिमन्तावचलावप्रकम्प्यौ च निर्व्रणौ
Janaka uvacha
Anadinidhanavetavubhaveva mahamune
Amurtimantavachalavaprakampyau cha nirvranau
302.14
अग्राह्यावृषिशार्दूल कथमेको ह्यचेतनः
चेतनावांस्तथा चैकः क्षेत्रज्ञ इति भाषितः
Agrahyavrishishardula kathameko hyachetanah
Chetanavanstatha chaikah kshetragya iti bhashitah
302.15
त्वं हि विप्रेन्द्र कार्त्स्न्येन मोक्षधर्ममुपाससे
साकल्यं मोक्षधर्मस्य श्रोतुमिच्छामि तत्त्वतः
Tvam hi viprendra kartsnyena mokshadharmamupasase
Sakalyam mokshadharmasya shrotumichchhami tattvatah
302.16
अस्तित्वं केवलत्वं च विनाभावं तथैव च
तथैवोत्क्रमणस्थानं देहिनोऽपि वियुज्यतः
Astitvam kevalatvam cha vinabhavam tathaiva cha
Tathaivotkramanasthanam dehinopi viyujyatah
302.17
कालेन यद्धि प्राप्नोति स्थानं तद्ब्रूहि मे द्विज
सांख्यज्ञानं च तत्त्वेन पृथग्योगं तथैव च
Kalena yaddhi prapnoti sthanam tadbruhi me dvija
Sankhyagyanam cha tattvena prithagyogam tathaiva cha
302.18
अरिष्टानि च तत्त्वेन वक्तुमर्हसि सत्तम
विदितं सर्वमेतत्ते पाणावामलकं यथा
Arishtani cha tattvena vaktumarhasi sattama
Viditam sarvametatte panavamalakam yatha