UtshovChapter 123
123.1
युधिष्ठिर उवाच
तात धर्मार्थकामानां श्रोतुमिच्छामि निश्चयम्
लोकयात्रा हि कार्त्स्न्येन त्रिष्वेतेषु प्रतिष्ठिता
Yudhishthira uvacha
Tata dharmarthakamanam shrotumichchhami nishchayam
Lokayatra hi kartsnyena trishveteshu pratishthita
123.2
धर्मार्थकामाः किंमूलास्त्रयाणां प्रभवश्च कः
अन्योन्यं चानुषज्जन्ते वर्तन्ते च पृथक्पृथक्
Dharmarthakamah kimmulastrayanam prabhavashcha kah
Anyonyam chanushajjante vartante cha prithakprithak
123.3
भीष्म उवाच
यदा ते स्युः सुमनसो लोकसंस्थार्थनिश्चये
कालप्रभवसंस्थासु सज्जन्ते च त्रयस्तदा
Bhishma uvacha
Yada te syuh sumanaso lokasanstharthanishchaye
Kalaprabhavasansthasu sajjante cha trayastada
123.4
धर्ममूलस्तु देहोऽर्थः कामोऽर्थफलमुच्यते
संकल्पमूलास्ते सर्वे संकल्पो विषयात्मकः
Dharmamulastu dehorthah kamorthaphalamuchyate
Sankalpamulaste sarve sankalpo vishayatmakah
123.5
विषयाश्चैव कार्त्स्न्येन सर्व आहारसिद्धये
मूलमेतत्त्रिवर्गस्य निवृत्तिर्मोक्ष उच्यते
Vishayashchaiva kartsnyena sarva aharasiddhaye
Mulametattrivargasya nivrittirmoksha uchyate
123.6
धर्मः शरीरसंगुप्तिर्धर्मार्थं चार्थ इष्यते
कामो रतिफलश्चात्र सर्वे चैते रजस्वलाः
Dharmah sharirasanguptirdharmartham chartha ishyate
Kamo ratiphalashchatra sarve chaite rajasvalah
123.7
संनिकृष्टांश्चरेदेनान्न चैनान्मनसा त्यजेत्
विमुक्तस्तमसा सर्वान्धर्मादीन्कामनैष्ठिकान्
Sannikrishtanshcharedenanna chainanmanasa tyajet
Vimuktastamasa sarvandharmadinkamanaishthikan
123.8
श्रेष्ठबुद्धिस्त्रिवर्गस्य यदयं प्राप्नुयात्क्षणात्
बुद्ध्या बुध्येदिहार्थे न तदह्ना तु निकृष्टया
Shreshthabuddhistrivargasya yadayam prapnuyatkshanat
Buddhya budhyediharthe na tadahna tu nikrishtaya
123.9
अपध्यानमलो धर्मो मलोऽर्थस्य निगूहनम्
संप्रमोदमलः कामो भूयः स्वगुणवर्तितः
Apadhyanamalo dharmo malorthasya niguhanam
Sampramodamalah kamo bhuyah svagunavartitah
123.10
अत्राप्युदाहरन्तीममितिहासं पुरातनम्
कामन्दस्य च संवादमङ्गारिष्ठस्य चोभयोः
Atrapyudaharantimamitihasam puratanam
Kamandasya cha sanvadamangarishthasya chobhayoh
123.11
कामन्दमृषिमासीनमभिवाद्य नराधिपः
अङ्गारिष्ठोऽथ पप्रच्छ कृत्वा समयपर्ययम्
Kamandamrishimasinamabhivadya naradhipah
Angarishthotha paprachchha kritva samayaparyayam
123.12
यः पापं कुरुते राजा काममोहबलात्कृतः
प्रत्यासन्नस्य तस्यर्षे किं स्यात्पापप्रणाशनम्
Yah papam kurute raja kamamohabalatkritah
Pratyasannasya tasyarshe kim syatpapapranashanam
123.13
अधर्मो धर्म इति ह योऽज्ञानादाचरेदिह
तं चापि प्रथितं लोके कथं राजा निवर्तयेत्
Adharmo dharma iti ha yogyanadacharediha
Tam chapi prathitam loke katham raja nivartayet
123.14
कामन्द उवाच
यो धर्मार्थौ समुत्सृज्य काममेवानुवर्तते
स धर्मार्थपरित्यागात्प्रज्ञानाशमिहार्छति
Kamanda uvacha
Yo dharmarthau samutsrijya kamamevanuvartate
Sa dharmarthaparityagatpragyanashamiharchhati
123.15
प्रज्ञाप्रणाशको मोहस्तथा धर्मार्थनाशकः
तस्मान्नास्तिकता चैव दुराचारश्च जायते
Pragyapranashako mohastatha dharmarthanashakah
Tasmannastikata chaiva duracharashcha jayate
123.16
दुराचारान्यदा राजा प्रदुष्टान्न नियच्छति
तस्मादुद्विजते लोकः सर्पाद्वेश्मगतादिव
Duracharanyada raja pradushtanna niyachchhati
Tasmadudvijate lokah sarpadveshmagatadiva
123.17
तं प्रजा नानुवर्तन्ते ब्राह्मणा न च साधवः
ततः संक्षयमाप्नोति तथा वध्यत्वमेति च
Tam praja nanuvartante brahmana na cha sadhavah
Tatah sankshayamapnoti tatha vadhyatvameti cha
123.18
अपध्वस्तस्त्ववमतो दुःखं जीवति जीवितम्
जीवेच्च यदपध्वस्तस्तच्छुद्धं मरणं भवेत्
Apadhvastastvavamato duhkham jivati jivitam
Jivechcha yadapadhvastastachchhuddham maranam bhavet
123.19
अत्रैतदाहुराचार्याः पापस्य च निबर्हणम्
सेवितव्या त्रयी विद्या सत्कारो ब्राह्मणेषु च
Atraitadahuracharyah papasya cha nibarhanam
Sevitavya trayi vidya satkaro brahmaneshu cha
123.20
महामना भवेद्धर्मे विवहेच्च महाकुले
ब्राह्मणांश्चापि सेवेत क्षमायुक्तान्मनस्विनः
Mahamana bhaveddharme vivahechcha mahakule
Brahmananshchapi seveta kshamayuktanmanasvinah
123.21
जपेदुदकशीलः स्यात्सुमुखो नान्यदास्थितः
धर्मान्वितान्संप्रविशेद्बहिः कृत्वैव दुष्कृतीन्
Japedudakashilah syatsumukho nanyadasthitah
Dharmanvitansampravishedbahih kritvaiva dushkritin
123.22
प्रसादयेन्मधुरया वाचाप्यथ च कर्मणा
इत्यस्मीति वदेन्नित्यं परेषां कीर्तयन्गुणान्
Prasadayenmadhuraya vachapyatha cha karmana
Ityasmiti vadennityam paresham kirtayangunan
123.23
अपापो ह्येवमाचारः क्षिप्रं बहुमतो भवेत्
पापान्यपि च कृच्छ्राणि शमयेन्नात्र संशयः
Apapo hyevamacharah kshipram bahumato bhavet
Papanyapi cha krichchhrani shamayennatra sanshayah
123.24
गुरवोऽपि परं धर्मं यद्ब्रूयुस्तत्तथा कुरु
गुरूणां हि प्रसादाद्धि श्रेयः परमवाप्स्यसि
Guravopi param dharmam yadbruyustattatha kuru
Gurunam hi prasadaddhi shreyah paramavapsyasi