UtshovChapter 87
87.1
अष्टक उवाच
कतरस्त्वेतयोः पूर्वं देवानामेति सात्म्यताम्
उभयोर्धावतो राजन्सूर्याचन्द्रमसोरिव
Ashtaka uvacha
Katarastvetayoh purvam devanameti satmyatam
Ubhayordhavato rajansuryachandramasoriva
87.2
ययातिरुवाच
अनिकेतो गृहस्थेषु कामवृत्तेषु संयतः
ग्राम एव वसन्भिक्षुस्तयोः पूर्वतरं गतः
Yayatiruvacha
Aniketo grihastheshu kamavritteshu sanyatah
Grama eva vasanbhikshustayoh purvataram gatah
87.3
अप्राप्य दीर्घमायुस्तु यः प्राप्तो विकृतिं चरेत्
तप्येत यदि तत्कृत्वा चरेत्सोऽन्यत्ततस्तपः
Aprapya dirghamayustu yah prapto vikritim charet
Tapyeta yadi tatkritva charetsonyattatastapah
87.4
यद्वै नृशंसं तदपथ्यमाहु;र्यः सेवते धर्ममनर्थबुद्धिः
अस्वोऽप्यनीशश्च तथैव राजं;स्तदार्जवं स समाधिस्तदार्यम्
Yadvai nrishansam tadapathyamahu;ryah sevate dharmamanarthabuddhih
Asvopyanishashcha tathaiva rajam;stadarjavam sa samadhistadaryam
87.5
अष्टक उवाच
केनासि दूतः प्रहितोऽद्य राज;न्युवा स्रग्वी दर्शनीयः सुवर्चाः
कुत आगतः कतरस्यां दिशि त्व;मुताहोस्वित्पार्थिवं स्थानमस्ति
Ashtaka uvacha
Kenasi dutah prahitodya raja;nyuva sragvi darshaniyah suvarchah
Kuta agatah katarasyam dishi tva;mutahosvitparthivam sthanamasti
87.6
ययातिरुवाच
इमं भौमं नरकं क्षीणपुण्यः; प्रवेष्टुमुर्वीं गगनाद्विप्रकीर्णः
उक्त्वाहं वः प्रपतिष्याम्यनन्तरं; त्वरन्ति मां ब्राह्मणा लोकपालाः
Yayatiruvacha
Imam bhaumam narakam kshinapunyah; praveshtumurvim gaganadviprakirnah
Uktvaham vah prapatishyamyanantaram; tvaranti mam brahmana lokapalah
87.7
सतां सकाशे तु वृतः प्रपात;स्ते संगता गुणवन्तश्च सर्वे
शक्राच्च लब्धो हि वरो मयैष; पतिष्यता भूमितले नरेन्द्र
Satam sakashe tu vritah prapata;ste sangata gunavantashcha sarve
Shakrachcha labdho hi varo mayaisha; patishyata bhumitale narendra
87.8
अष्टक उवाच
पृच्छामि त्वां मा प्रपत प्रपातं; यदि लोकाः पार्थिव सन्ति मेऽत्र
यद्यन्तरिक्षे यदि वा दिवि श्रिताः; क्षेत्रज्ञं त्वां तस्य धर्मस्य मन्ये
Ashtaka uvacha
Prichchhami tvam ma prapata prapatam; yadi lokah parthiva santi metra
Yadyantarikshe yadi va divi shritah; kshetragyam tvam tasya dharmasya manye
87.9
ययातिरुवाच
यावत्पृथिव्यां विहितं गवाश्वं; सहारण्यैः पशुभिः पर्वतैश्च
तावल्लोका दिवि ते संस्थिता वै; तथा विजानीहि नरेन्द्रसिंह
Yayatiruvacha
Yavatprithivyam vihitam gavashvam; saharanyaih pashubhih parvataishcha
Tavalloka divi te sansthita vai; tatha vijanihi narendrasinha
87.10
अष्टक उवाच
तांस्ते ददामि मा प्रपत प्रपातं; ये मे लोका दिवि राजेन्द्र सन्ति
यद्यन्तरिक्षे यदि वा दिवि श्रिता;स्तानाक्रम क्षिप्रममित्रसाह
Ashtaka uvacha
Tanste dadami ma prapata prapatam; ye me loka divi rajendra santi
Yadyantarikshe yadi va divi shrita;stanakrama kshipramamitrasaha
87.11
ययातिरुवाच
नास्मद्विधोऽब्राह्मणो ब्रह्मविच्च; प्रतिग्रहे वर्तते राजमुख्य
यथा प्रदेयं सततं द्विजेभ्य;स्तथाददं पूर्वमहं नरेन्द्र
Yayatiruvacha
Nasmadvidhobrahmano brahmavichcha; pratigrahe vartate rajamukhya
Yatha pradeyam satatam dvijebhya;stathadadam purvamaham narendra
87.12
नाब्राह्मणः कृपणो जातु जीवे;द्या चापि स्याद्ब्राह्मणी वीरपत्नी
सोऽहं यदैवाकृतपूर्वं चरेयं; विवित्समानः किमु तत्र साधु
Nabrahmanah kripano jatu jive;dya chapi syadbrahmani virapatni
Soham yadaivakritapurvam chareyam; vivitsamanah kimu tatra sadhu
87.13
प्रतर्दन उवाच
पृच्छामि त्वां स्पृहणीयरूप; प्रतर्दनोऽहं यदि मे सन्ति लोकाः
यद्यन्तरिक्षे यदि वा दिवि श्रिताः; क्षेत्रज्ञं त्वां तस्य धर्मस्य मन्ये
Pratardana uvacha
Prichchhami tvam sprihaniyarupa; pratardanoham yadi me santi lokah
Yadyantarikshe yadi va divi shritah; kshetragyam tvam tasya dharmasya manye
87.14
ययातिरुवाच
सन्ति लोका बहवस्ते नरेन्द्र; अप्येकैकः सप्त सप्ताप्यहानि
मधुच्युतो घृतपृक्ता विशोका;स्ते नान्तवन्तः प्रतिपालयन्ति
Yayatiruvacha
Santi loka bahavaste narendra; apyekaikah sapta saptapyahani
Madhuchyuto ghritaprikta vishoka;ste nantavantah pratipalayanti
87.15
प्रतर्दन उवाच
तांस्ते ददामि मा प्रपत प्रपातं; ये मे लोकास्तव ते वै भवन्तु
यद्यन्तरिक्षे यदि वा दिवि श्रिता;स्तानाक्रम क्षिप्रमपेतमोहः
Pratardana uvacha
Tanste dadami ma prapata prapatam; ye me lokastava te vai bhavantu
Yadyantarikshe yadi va divi shrita;stanakrama kshipramapetamohah
87.16
ययातिरुवाच
न तुल्यतेजाः सुकृतं कामयेत; योगक्षेमं पार्थिव पार्थिवः सन्
दैवादेशादापदं प्राप्य विद्वां;श्चरेन्नृशंसं न हि जातु राजा
Yayatiruvacha
Na tulyatejah sukritam kamayeta; yogakshemam parthiva parthivah san
Daivadeshadapadam prapya vidvam;shcharennrishansam na hi jatu raja
87.17
धर्म्यं मार्गं चेतयानो यशस्यं; कुर्यान्नृपो धर्ममवेक्षमाणः
न मद्विधो धर्मबुद्धिः प्रजान;न्कुर्यादेवं कृपणं मां यथात्थ
Dharmyam margam chetayano yashasyam; kuryannripo dharmamavekshamanah
Na madvidho dharmabuddhih prajana;nkuryadevam kripanam mam yathattha
87.18
कुर्यामपूर्वं न कृतं यदन्यै;र्विवित्समानः किमु तत्र साधु
ब्रुवाणमेवं नृपतिं ययातिं; नृपोत्तमो वसुमनाब्रवीत्तम्
Kuryamapurvam na kritam yadanyai;rvivitsamanah kimu tatra sadhu
Bruvanamevam nripatim yayatim; nripottamo vasumanabravittam