UtshovChapter 8
8.1
सूत उवाच
स चापि च्यवनो ब्रह्मन्भार्गवोऽजनयत्सुतम्
सुकन्यायां महात्मानं प्रमतिं दीप्ततेजसम्
Suta uvacha
Sa chapi chyavano brahmanbhargavojanayatsutam
Sukanyayam mahatmanam pramatim diptatejasam
8.2
प्रमतिस्तु रुरुं नाम घृताच्यां समजीजनत्
रुरुः प्रमद्वरायां तु शुनकं समजीजनत्
Pramatistu rurum nama ghritachyam samajijanat
Ruruh pramadvarayam tu shunakam samajijanat
8.3
तस्य ब्रह्मन्रुरोः सर्वं चरितं भूरितेजसः
विस्तरेण प्रवक्ष्यामि तच्छृणु त्वमशेषतः
Tasya brahmanruroh sarvam charitam bhuritejasah
Vistarena pravakshyami tachchhrinu tvamasheshatah
8.4
ऋषिरासीन्महान्पूर्वं तपोविद्यासमन्वितः
स्थूलकेश इति ख्यातः सर्वभूतहिते रतः
Rishirasinmahanpurvam tapovidyasamanvitah
Sthulakesha iti khyatah sarvabhutahite ratah
8.5
एतस्मिन्नेव काले तु मेनकायां प्रजज्ञिवान्
गन्धर्वराजो विप्रर्षे विश्वावसुरिति श्रुतः
Etasminneva kale tu menakayam prajagyivan
Gandharvarajo viprarshe vishvavasuriti shrutah
8.6
अथाप्सरा मेनका सा तं गर्भं भृगुनन्दन
उत्ससर्ज यथाकालं स्थूलकेशाश्रमं प्रति
Athapsara menaka sa tam garbham bhrigunandana
Utsasarja yathakalam sthulakeshashramam prati
8.7
उत्सृज्य चैव तं गर्भं नद्यास्तीरे जगाम ह
कन्याममरगर्भाभां ज्वलन्तीमिव च श्रिया
Utsrijya chaiva tam garbham nadyastire jagama ha
Kanyamamaragarbhabham jvalantimiva cha shriya
8.8
तां ददर्श समुत्सृष्टां नदीतीरे महानृषिः
स्थूलकेशः स तेजस्वी विजने बन्धुवर्जिताम्
Tam dadarsha samutsrishtam naditire mahanrishih
Sthulakeshah sa tejasvi vijane bandhuvarjitam
8.9
स तां दृष्ट्वा तदा कन्यां स्थूलकेशो द्विजोत्तमः
जग्राहाथ मुनिश्रेष्ठः कृपाविष्टः पुपोष च
ववृधे सा वरारोहा तस्याश्रमपदे शुभा
Sa tam drishtva tada kanyam sthulakesho dvijottamah
Jagrahatha munishreshthah kripavishtah puposha cha
Vavridhe sa vararoha tasyashramapade shubha
8.10
प्रमदाभ्यो वरा सा तु सर्वरूपगुणान्विता
ततः प्रमद्वरेत्यस्या नाम चक्रे महानृषिः
Pramadabhyo vara sa tu sarvarupagunanvita
Tatah pramadvaretyasya nama chakre mahanrishih
8.11
तामाश्रमपदे तस्य रुरुर्दृष्ट्वा प्रमद्वराम्
बभूव किल धर्मात्मा मदनानुगतात्मवान्
Tamashramapade tasya rururdrishtva pramadvaram
Babhuva kila dharmatma madananugatatmavan
8.12
पितरं सखिभिः सोऽथ वाचयामास भार्गवः
प्रमतिश्चाभ्ययाच्छ्रुत्वा स्थूलकेशं यशस्विनम्
Pitaram sakhibhih sotha vachayamasa bhargavah
Pramatishchabhyayachchhrutva sthulakesham yashasvinam
8.13
ततः प्रादात्पिता कन्यां रुरवे तां प्रमद्वराम्
विवाहं स्थापयित्वाग्रे नक्षत्रे भगदैवते
Tatah pradatpita kanyam rurave tam pramadvaram
Vivaham sthapayitvagre nakshatre bhagadaivate
8.14
ततः कतिपयाहस्य विवाहे समुपस्थिते
सखीभिः क्रीडती सार्धं सा कन्या वरवर्णिनी
Tatah katipayahasya vivahe samupasthite
Sakhibhih kridati sardham sa kanya varavarnini
8.15
नापश्यत प्रसुप्तं वै भुजगं तिर्यगायतम्
पदा चैनं समाक्रामन्मुमूर्षुः कालचोदिता
Napashyata prasuptam vai bhujagam tiryagayatam
Pada chainam samakramanmumurshuh kalachodita
8.16
स तस्याः संप्रमत्तायाश्चोदितः कालधर्मणा
विषोपलिप्तान्दशनान्भृशमङ्गे न्यपातयत्
Sa tasyah sampramattayashchoditah kaladharmana
Vishopaliptandashananbhrishamange nyapatayat
8.17
सा दष्टा सहसा भूमौ पतिता गतचेतना
व्यसुरप्रेक्षणीयापि प्रेक्षणीयतमाकृतिः
Sa dashta sahasa bhumau patita gatachetana
Vyasuraprekshaniyapi prekshaniyatamakritih
8.18
प्रसुप्तेवाभवच्चापि भुवि सर्पविषार्दिता
भूयो मनोहरतरा बभूव तनुमध्यमा
Prasuptevabhavachchapi bhuvi sarpavishardita
Bhuyo manoharatara babhuva tanumadhyama
8.19
ददर्श तां पिता चैव ते चैवान्ये तपस्विनः
विचेष्टमानां पतितां भूतले पद्मवर्चसम्
Dadarsha tam pita chaiva te chaivanye tapasvinah
Vicheshtamanam patitam bhutale padmavarchasam
8.20
ततः सर्वे द्विजवराः समाजग्मुः कृपान्विताः
स्वस्त्यात्रेयो महाजानुः कुशिकः शङ्खमेखलः
Tatah sarve dvijavarah samajagmuh kripanvitah
Svastyatreyo mahajanuh kushikah shankhamekhalah
8.21
भारद्वाजः कौणकुत्स आर्ष्टिषेणोऽथ गौतमः
प्रमतिः सह पुत्रेण तथान्ये वनवासिनः
Bharadvajah kaunakutsa arshtishenotha gautamah
Pramatih saha putrena tathanye vanavasinah
8.22
तां ते कन्यां व्यसुं दृष्ट्वा भुजगस्य विषार्दिताम्
रुरुदुः कृपयाविष्टा रुरुस्त्वार्तो बहिर्ययौ
Tam te kanyam vyasum drishtva bhujagasya visharditam
Ruruduh kripayavishta rurustvarto bahiryayau