UtshovChapter 177
177.1
धृष्टद्युम्न उवाच
दुर्योधनो दुर्विषहो दुर्मुखो दुष्प्रधर्षणः
विविंशतिर्विकर्णश्च सहो दुःशासनः समः
Dhrishtadyumna uvacha
Duryodhano durvishaho durmukho dushpradharshanah
Vivinshatirvikarnashcha saho duhshasanah samah
177.2
युयुत्सुर्वातवेगश्च भीमवेगधरस्तथा
उग्रायुधो बलाकी च कनकायुर्विरोचनः
Yuyutsurvatavegashcha bhimavegadharastatha
Ugrayudho balaki cha kanakayurvirochanah
177.3
सुकुण्डलश्चित्रसेनः सुवर्चाः कनकध्वजः
नन्दको बाहुशाली च कुण्डजो विकटस्तथा
Sukundalashchitrasenah suvarchah kanakadhvajah
Nandako bahushali cha kundajo vikatastatha
177.4
एते चान्ये च बहवो धार्तराष्ट्रा महाबलाः
कर्णेन सहिता वीरास्त्वदर्थं समुपागताः
शतसंख्या महात्मानः प्रथिताः क्षत्रियर्षभाः
Ete chanye cha bahavo dhartarashtra mahabalah
Karnena sahita virastvadartham samupagatah
Shatasankhya mahatmanah prathitah kshatriyarshabhah
177.5
शकुनिश्च बलश्चैव वृषकोऽथ बृहद्बलः
एते गान्धारराजस्य सुताः सर्वे समागताः
Shakunishcha balashchaiva vrishakotha brihadbalah
Ete gandhararajasya sutah sarve samagatah
177.6
अश्वत्थामा च भोजश्च सर्वशस्त्रभृतां वरौ
समवेतौ महात्मानौ त्वदर्थे समलंकृतौ
Ashvatthama cha bhojashcha sarvashastrabhritam varau
Samavetau mahatmanau tvadarthe samalankritau
177.7
बृहन्तो मणिमांश्चैव दण्डधारश्च वीर्यवान्
सहदेवो जयत्सेनो मेघसंधिश्च मागधः
Brihanto manimanshchaiva dandadharashcha viryavan
Sahadevo jayatseno meghasandhishcha magadhah
177.8
विराटः सह पुत्राभ्यां शङ्खेनैवोत्तरेण च
वार्धक्षेमिः सुवर्चाश्च सेनाबिन्दुश्च पार्थिवः
Viratah saha putrabhyam shankhenaivottarena cha
Vardhakshemih suvarchashcha senabindushcha parthivah
177.9
अभिभूः सह पुत्रेण सुदाम्ना च सुवर्चसा
सुमित्रः सुकुमारश्च वृकः सत्यधृतिस्तथा
Abhibhuh saha putrena sudamna cha suvarchasa
Sumitrah sukumarashcha vrikah satyadhritistatha
177.10
सूर्यध्वजो रोचमानो नीलश्चित्रायुधस्तथा
अंशुमांश्चेकितानश्च श्रेणिमांश्च महाबलः
Suryadhvajo rochamano nilashchitrayudhastatha
Anshumanshchekitanashcha shrenimanshcha mahabalah
177.11
समुद्रसेनपुत्रश्च चन्द्रसेनः प्रतापवान्
जलसंधः पितापुत्रौ सुदण्डो दण्ड एव च
Samudrasenaputrashcha chandrasenah pratapavan
Jalasandhah pitaputrau sudando danda eva cha
177.12
पौण्ड्रको वासुदेवश्च भगदत्तश्च वीर्यवान्
कलिङ्गस्ताम्रलिप्तश्च पत्तनाधिपतिस्तथा
Paundrako vasudevashcha bhagadattashcha viryavan
Kalingastamraliptashcha pattanadhipatistatha
177.13
मद्रराजस्तथा शल्यः सहपुत्रो महारथः
रुक्माङ्गदेन वीरेण तथा रुक्मरथेन च
Madrarajastatha shalyah sahaputro maharathah
Rukmangadena virena tatha rukmarathena cha
177.14
कौरव्यः सोमदत्तश्च पुत्राश्चास्य महारथाः
समवेतास्त्रयः शूरा भूरिर्भूरिश्रवाः शलः
Kauravyah somadattashcha putrashchasya maharathah
Samavetastrayah shura bhurirbhurishravah shalah
177.15
सुदक्षिणश्च काम्बोजो दृढधन्वा च कौरवः
बृहद्बलः सुषेणश्च शिबिरौशीनरस्तथा
Sudakshinashcha kambojo dridhadhanva cha kauravah
Brihadbalah sushenashcha shibiraushinarastatha
177.16
संकर्षणो वासुदेवो रौक्मिणेयश्च वीर्यवान्
साम्बश्च चारुदेष्णश्च सारणोऽथ गदस्तथा
Sankarshano vasudevo raukmineyashcha viryavan
Sambashcha charudeshnashcha saranotha gadastatha
177.17
अक्रूरः सात्यकिश्चैव उद्धवश्च महाबलः
कृतवर्मा च हार्दिक्यः पृथुर्विपृथुरेव च
Akrurah satyakishchaiva uddhavashcha mahabalah
Kritavarma cha hardikyah prithurviprithureva cha
177.18
विडूरथश्च कङ्कश्च समीकः सारमेजयः
वीरो वातपतिश्चैव झिल्ली पिण्डारकस्तथा
उशीनरश्च विक्रान्तो वृष्णयस्ते प्रकीर्तिताः
Vidurathashcha kankashcha samikah saramejayah
Viro vatapatishchaiva jhilli pindarakastatha
Ushinarashcha vikranto vrishnayaste prakirtitah
177.19
भगीरथो बृहत्क्षत्रः सैन्धवश्च जयद्रथः
बृहद्रथो बाह्लिकश्च श्रुतायुश्च महारथः
Bhagiratho brihatkshatrah saindhavashcha jayadrathah
Brihadratho bahlikashcha shrutayushcha maharathah
177.20
उलूकः कैतवो राजा चित्राङ्गदशुभाङ्गदौ
वत्सराजश्च धृतिमान्कोसलाधिपतिस्तथा
Ulukah kaitavo raja chitrangadashubhangadau
Vatsarajashcha dhritimankosaladhipatistatha
177.21
एते चान्ये च बहवो नानाजनपदेश्वराः
त्वदर्थमागता भद्रे क्षत्रियाः प्रथिता भुवि
Ete chanye cha bahavo nanajanapadeshvarah
Tvadarthamagata bhadre kshatriyah prathita bhuvi
177.22
एते वेत्स्यन्ति विक्रान्तास्त्वदर्थं लक्ष्यमुत्तमम्
विध्येत य इमं लक्ष्यं वरयेथाः शुभेऽद्य तम्
Ete vetsyanti vikrantastvadartham lakshyamuttamam
Vidhyeta ya imam lakshyam varayethah shubhedya tam