Sukta 79

79.1

Amavasya, 1-4 atharva, amavasya, trishtup, 1 jagati

यत् ते॑ दे॒वा अकृ॑ण्वन् भाग॒धेय॒ममा॑वास्ये सं॒वस॑न्तो महि॒त्वा।
तेना॑ नो य॒ज्ञं पि॑पृहि विश्ववारे र॒यिं नो॑ धेहि सुभगे सु॒वीर॑म् ॥१॥

Yat te deva akrinvan bhagadheyamamavasye sanvasanto mahitva
Tena no yagyam piprihi vishvavare rayim no dhehi subhage suviram

अ॒हमे॒वास्म्य॑मावा॒स्या॒३ मामा व॑सन्ति सु॒कृतो॒ मयी॒मे।
मयि॑ दे॒वा उ॒भये॑ सा॒ध्याश्चेन्द्र॑ज्येष्ठाः॒ सम॑गच्छन्त॒ सर्वे॑ ॥२॥

Ahamevasmyamavasya3 mama vasanti sukrito mayime
Mayi deva ubhaye sadhyashchendrajyeshthah samagachchhanta sarve

आग॒न् रात्री॑ सं॒गम॑नी॒ वसू॑ना॒मूर्जं॑ पु॒ष्टं वस्वा॑वे॒शय॑न्ती ।
अ॒मा॒वा॒स्याऽयै ह॒विषा॑ विधे॒मोर्जं॒ दुहा॑ना॒ पय॑सा न॒ आग॑न् ॥३॥

Agan ratri sangamani vasunamurjam pushtam vasvaveshayanti
Amavasyayai havisha vidhemorjam duhana payasa na agan

अमा॑वास्ये न त्वदे॒तान्य॒न्यो विश्वा॑ रू॒पाणि॑ परि॒भूर्ज॑जान ।
यत् का॑मास्ते जुहु॒मस्तन्नो॑ अस्तु व॒यं स्या॑म॒ पत॑यो रयि॒णाम् ॥४॥

Amavasye na tvadetanyanyo vishva rupani paribhurjajana
Yat kamaste juhumastanno astu vayam syama patayo rayinam