সূক্ত 79

79.1

অমাবাস্যা। ১-৪ অথর্বা। অমাবাস্যা। ত্রিষ্টুপ্, ১ জগতী।

যৎ তে দেবা অকৃণ্বন্ ভাগধেয়মমাবাস্যে সংবসন্তো মহিত্বা।
তেনা নো যজ্ঞং পিপৃহি বিশ্ববারে রয়িং নো ধেহি সুভগে সুবীরম্ ॥১॥

79.2

অহমেবাস্ম্যমাবাস্যা৩ মামা বসন্তি সুকৃতো ময়ীমে।
ময়ি দেবা উভয়ে সাধ্যাশ্চেন্দ্রজ্যেষ্ঠাঃ সমগচ্ছন্ত সর্বে ॥২॥

79.3

আগন্ রাত্রী সংগমনী বসূনামূর্জং পুষ্টং বস্বাবেশয়ন্তী ।
অমাবাস্যাঽয়ৈ হবিষা বিধেমোর্জং দুহানা পয়সা ন আগন্ ॥৩॥

79.4

অমাবাস্যে ন ত্বদেতান্যন্যো বিশ্বা রূপাণি পরিভূর্জজান ।
যৎ কামাস্তে জুহুমস্তন্নো অস্তু বয়ং স্যাম পতয়ো রয়িণাম্ ॥৪॥