Sukta 138

138.1

Klabatvam, 1-5 atharva, vanaspatih, anushtup, 3 pathyapanktih

त्वं वी॒रुधां॒ श्रेष्ठ॑तमाभिश्रु॒तास्यो॑षधे ।
इ॒मं मे॑ अ॒द्य पुरु॑षं क्ली॒बमो॑प॒शिनं॑ कृधि ॥१॥

Tvam virudham shreshthatamabhishrutasyoshadhe
Imam me adya purusham klibamopashinam kridhi

138.2

क्ली॒बं कृ॑ध्योप॒शिन॒मथो॑ कुरी॒रिणं॑ कृधि ।
अथा॒स्येन्द्रो॒ ग्राव॑भ्यामु॒भे भि॑नत्त्वा॒ण्ड्यौऽ ॥२॥

Klibam kridhyopashinamatho kuririnam kridhi
Athasyendro gravabhyamubhe bhinattvandyau

138.3

क्लीब॑ क्ली॒बं त्वा॑करं॒ वध्रे॒ वध्रिं॑ त्वाकर॒मर॑सार॒सं त्वा॑करम्।
कु॒रीर॑मस्य शी॒र्षणि॒ कुम्बं॑ चाधि॒निद॑ध्मसि ॥३॥

Kliba klibam tvakaram vadhre vadhrim tvakaramarasarasam tvakaram
Kuriramasya shirshani kumbam chadhinidadhmasi

138.4

ये ते॑ ना॒ड्यौऽदे॒वकृ॑ते॒ ययो॒स्तिष्ठ॑ति॒ वृष्ण्य॑म्।
ते ते॑ भिनद्मि॒ शम्य॑या॒मुष्या॒ अधि॑ मु॒ष्कयोः॑ ॥४॥

Ye te nadyaudevakrite yayostishthati vrishnyam
Te te bhinadmi shamyayamushya adhi mushkayoh

138.5

यथा॑ न॒डं क॒शिपु॑ने॒ स्त्रियो॑ भि॒न्दन्त्यश्म॑ना ।
ए॒वा भि॑नद्मि ते॒ शेपो॒ऽमुष्या॒ अधि॑ मु॒ष्कयोः॑ ॥५॥

Yatha nadam kashipune striyo bhindantyashmana
Eva bhinadmi te shepomushya adhi mushkayoh