সূক্ত 138

138.1

ক্লবত্বম্। ১-৫ অথর্বা। বনস্পতিঃ। অনুষ্টুপ্, ৩ পথ্যাপঙ্ক্তিঃ।

ত্বং বীরুধাং শ্রেষ্ঠতমাভিশ্রুতাস্যোষধে ।
ইমং মে অদ্য পুরুষং ক্লীবমোপশিনং কৃধি ॥১॥

138.2

ক্লীবং কৃধ্যোপশিনমথো কুরীরিণং কৃধি ।
অথাস্যেন্দ্রো গ্রাবভ্যামুভে ভিনত্ত্বাণ্ড্যৌঽ ॥২॥

138.3

ক্লীব ক্লীবং ত্বাকরং বধ্রে বধ্রিং ত্বাকরমরসারসং ত্বাকরম্।
কুরীরমস্য শীর্ষণি কুম্বং চাধিনিদধ্মসি ॥৩॥

138.4

যে তে নাড্যৌঽদেবকৃতে যয়োস্তিষ্ঠতি বৃষ্ণ্যম্।
তে তে ভিনদ্মি শম্যয়ামুষ্যা অধি মুষ্কয়োঃ ॥৪॥

138.5

যথা নডং কশিপুনে স্ত্রিয়ো ভিন্দন্ত্যশ্মনা ।
এবা ভিনদ্মি তে শেপোঽমুষ্যা অধি মুষ্কয়োঃ ॥৫॥