Sukta 38

38.1

Vajinivan rishabhah, 1-7 badarayanih, 1-4 apsarasah, 5-7 rishabhah, anushtup, 3 shat pada tryavasana jagati, 5 bhurigatyashtih, …. trishtup, 7 tryavasana panchapadanushtubgarbha purauparishtajjyotishmati jagati

उ॒द्भि॒न्द॒तीं सं॒जय॑न्तीमप्स॒रां सा॑धुदे॒विनी॑म्।
ग्लहे॑ कृ॒तानि॑ कृण्वा॒नाम॑प्स॒रां तामि॒ह हु॑वे ॥१॥

Udbhindatim sanjayantimapsaram sadhudevinim
Glahe kritani krinvanamapsaram tamiha huve

38.2

वि॒चि॒न्व॒तीमा॑कि॒रन्ती॑मप्स॒रां सा॑धुदे॒विनी॑म्।
ग्लहे॑ कृ॒तानि॑ गृह्णा॒नाम॑प्स॒रां तामि॒ह हु॑वे ॥२॥

Vichinvatimakirantimapsaram sadhudevinim
Glahe kritani grihnanamapsaram tamiha huve

38.3

यायैः॑ परि॒नृत्य॑त्या॒ददा॑ना कृ॒तं ग्लहा॑त्।
सा नः॑ कृ॒तानि॑ सीष॒ती प्र॒हामा॑प्नोतु मा॒यया॑ ।
सा नः॒ पय॑स्व॒त्यैतु॒ मा नो॑ जैषुरि॒दं धन॑म् ॥३॥

Yayaih parinrityatyadadana kritam glahat
Sa nah kritani sishati prahamapnotu mayaya
Sa nah payasvatyaitu ma no jaishuridam dhanam

38.4

या अ॒क्षेषु॑ प्र॒मोद॑न्ते॒ शुचं॒ क्रोधं॑ च॒ बिभ्र॑ती ।
आ॒न॒न्दिनीं॑ प्रमो॒दिनी॑मप्स॒रां तामि॒ह हु॑वे ॥४॥

Ya aksheshu pramodante shucham krodham cha bibhrati
Anandinim pramodinimapsaram tamiha huve

38.5

सूर्य॑स्य र॒श्मीननु॒ याः स॒ञ्चर॑न्ति॒ मरी॑चीर्वा॒ या अ॑नुस॒ञ्चर॑न्ति ।
यासा॑मृष॒भो दू॑र॒तो वा॒जिनी॑वान्त्स॒द्यः सर्वाँन् लो॒कान् प॒र्यैति॒ रक्ष॑न्।
स न॒ ऐतु॒ होम॑मि॒मं जु॑षा॒णो॒३ऽन्तरि॑क्षेण स॒ह वा॒जिनी॑वान् ॥५॥

Suryasya rashminanu yah sancharanti marichirva ya anusancharanti
Yasamrishabho durato vajinivantsadyah sarvann lokan paryaiti rakshan
Sa na aitu homamimam jushano3ntarikshena saha vajinivan

38.6

अ॒न्तरि॑क्षेन स॒ह वा॑जिनीवन् क॒र्कीं व॒त्सामि॒ह र॑क्ष वाजिन्।
इ॒मे ते॑ स्तो॒का ब॑हु॒ला एह्य॒र्वाङि॒यं ते॑ क॒र्कीह ते॒ मनो॑ऽस्तु ॥६॥

Antarikshena saha vajinivan karkim vatsamiha raksha vajin
Ime te stoka bahula ehyarvangiyam te karkiha te manostu

38.7

अ॒न्तरि॑क्षेण स॒ह वा॑जिनीवन् क॒र्कीं व॒त्सामि॒ह र॑क्ष वाजिन्।
अ॒यं घा॒सो अ॒यं व्र॒ज इ॒ह व॒त्सां नि ब॑ध्नीमः ।
य॒था॒ना॒म व॑ ईश्महे॒ स्वाहा॑ ॥७॥

Antarikshena saha vajinivan karkim vatsamiha raksha vajin
Ayam ghaso ayam vraja iha vatsam ni badhnimah
Yathanama va ishmahe svaha