Sukta 8

8.1

(1-3) 1 bharadvajah, 2 kutsah, 3 vishvamitrah, indrah, trishtup

ए॒वा पा॑हि प्र॒त्नथा॒ मन्द॑तु त्वा श्रु॒धि ब्रह्म॑ वावृ॒धस्वो॒त गी॒र्भिः ।
आ॒विः सूर्यं॑ कृणु॒हि पी॑पि॒हीषो॑ ज॒हि शत्रूं॑र॒भि गा इ॑न्द्र तृन्धि ॥१॥

Eva pahi pratnatha mandatu tva shrudhi brahma vavridhasvota girbhih
Avih suryam krinuhi pipihisho jahi shatrunrabhi ga indra trindhi

अ॒र्वाङेहि॒ सोम॑कामं त्वाहुर॒यं सु॒तस्तस्य॑ पिबा॒ मदा॑य ।
उ॒रु॒व्यचा॑ ज॒ठर॒ आ वृ॑षस्व पि॒तेव॑ नः शृणुहि हू॒यमा॑नः ॥२॥

Arvangehi somakamam tvahurayam sutastasya piba madaya
Uruvyacha jathara a vrishasva piteva nah shrinuhi huyamanah

आपू॑र्णो अस्य क॒लशः॒ स्वाहा॒ सेक्ते॑व॒ कोशं॑ सिसिचे॒ पिब॑ध्यै ।
समु॑ प्रि॒या आव॑वृत्र॒न् मदा॑य प्रदक्षि॒णिद॒भि सोमा॑स॒ इन्द्र॑म् ॥३॥

Apurno asya kalashah svaha sekteva kosham sisiche pibadhyai
Samu priya avavritran madaya pradakshinidabhi somasa indram