সূক্ত 8

8.1

(১-৩) ১ ভরদ্বাজঃ, ২ কুত্সঃ, ৩ বিশ্বামিত্রঃ। ইন্দ্রঃ। ত্রিষ্টুপ্।

এবা পাহি প্রত্নথা মন্দতু ত্বা শ্রুধি ব্রহ্ম বাবৃধস্বোত গীর্ভিঃ ।
আবিঃ সূর্যং কৃণুহি পীপিহীষো জহি শত্রূংরভি গা ইন্দ্র তৃন্ধি ॥১॥

8.2

অর্বাঙেহি সোমকামং ত্বাহুরয়ং সুতস্তস্য পিবা মদায় ।
উরুব্যচা জঠর আ বৃষস্ব পিতেব নঃ শৃণুহি হূয়মানঃ ॥২॥

8.3

আপূর্ণো অস্য কলশঃ স্বাহা সেক্তেব কোশং সিসিচে পিবধ্যৈ ।
সমু প্রিয়া আববৃত্রন্ মদায় প্রদক্ষিণিদভি সোমাস ইন্দ্রম্ ॥৩॥