Sukta 9

9.1

(1-4) 1-2 nodha, 34 medhyatithih, indrah, 1-2 trishtup, 34 pragathah, (brihati+satobrihati)

तं वो॑ द॒स्ममृ॑ती॒षहं॒ वसो॑र्मन्दा॒नमन्ध॑सः ।
अ॒भि व॒त्सं न स्वस॑रेषु धे॒नव॒ इन्द्रं॑ गी॒र्भिर्न॑वामहे ॥१॥

Tam vo dasmamritishaham vasormandanamandhasah
Abhi vatsam na svasareshu dhenava indram girbhirnavamahe

द्यु॒क्षं सु॒दानुं॒ तवि॑षीभि॒रावृ॑तं गि॒रिं न पु॑रु॒भोज॑सम्।
क्षु॒मन्तं॒ वाजं॑ श॒तिनं॑ सह॒स्रिणं॑ म॒क्षू गोम॑न्तमीमहे ॥२॥

Dyuksham sudanum tavishibhiravritam girim na purubhojasam
Kshumantam vajam shatinam sahasrinam makshu gomantamimahe

तत् त्वा॑ यामि सु॒वीर्यं॒ तद् ब्रह्म॑ पू॒र्वचि॑त्तये ।
येना॒ यति॑भ्यो॒ भृग॑वे॒ धने॑ हि॒ते येन॒ प्रस्क॑ण्व॒मावि॑थ ॥३॥

Tat tva yami suviryam tad brahma purvachittaye
Yena yatibhyo bhrigave dhane hite yena praskanvamavitha

येना॑ समु॒द्रमसृ॑जो म॒हीर॒पस्तदि॑न्द्र॒ वृष्णि॑ ते॒ शवः॑ ।
स॒द्यः सो अ॑स्य महि॒मा न सं॒नशे॒ यं क्षो॒णीर॑नुचक्र॒दे ॥४॥

Yena samudramasrijo mahirapastadindra vrishni te shavah
Sadyah so asya mahima na sannashe yam kshoniranuchakrade