Sukta 26

26.1

योगे॑योगे त॒वस्त॑रं॒ वाजे॑वाजे हवामहे । सखा॑य॒ इन्द्र॑मू॒तये॑ ॥१॥

Yogeyoge tavastaram vajevaje havamahe, sakhaya indramutaye

आ घा॑ गम॒द् यदि॒ श्रव॑त् सह॒स्रिणी॑भिरू॒तिभिः॑ । वाजे॑भि॒रुप॑ नो॒ हव॑म् ॥२॥

A gha gamad yadi shravat sahasrinibhirutibhih, vajebhirupa no havam

अनु॑ प्र॒त्नस्यौक॑सो हु॒वे तु॑विप्र॒तिं नर॑म्। यं ते॒ पूर्वं॑ पि॒ता हु॒वे ॥३॥

Anu pratnasyaukaso huve tuvipratim naram, yam te purvam pita huve

यु॒ञ्जन्ति॑ ब्र॒ध्नम॑रु॒षं चर॑न्तं॒ परि॑ त॒स्थुषः॑ । रोच॑न्ते रोच॒ना दि॒वि ॥४॥

Yunjanti bradhnamarusham charantam pari tasthushah, rochante rochana divi

यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे॑ । शोणा॑ धृ॒ष्णू नृ॒वाह॑सा ॥५॥

Yunjantyasya kamya hari vipakshasa rathe, shona dhrishnu nrivahasa

के॒तुं कृ॒ण्वन्न॑के॒तवे॒ पेशो॑ मर्या अपे॒शसे॑ । समु॒षद्भि॑रजायथाः ॥६॥

Ketum krinvannaketave pesho marya apeshase, samushadbhirajayathah