Sukta 27

27.1

यदि॑न्द्रा॒हं यथा॒ त्वमीशी॑य॒ वस्व॒ एक॒ इत्। स्तो॒ता मे॒ गोष॑खा स्यात् ॥१॥

Yadindraham yatha tvamishiya vasva eka it, stota me goshakha syat

शिक्षे॑यमस्मै॒ दित्से॑यं॒ शची॑पते मनी॒षिणे॑ । यद॒हं गोप॑तिः॒ स्याम् ॥२॥

Shiksheyamasmai ditseyam shachipate manishine, yadaham gopatih syam

धे॒नुष्ट॑ इन्द्र सू॒नृता॒ यज॑मानाय सुन्व॒ते। गामश्वं॑ पि॒प्युषी॑ दुहे ॥३॥

Dhenushta indra sunrita yajamanaya sunvate, gamashvam pipyushi duhe

न ते॑ व॒र्तास्ति॒ राध॑स॒ इन्द्र॑ दे॒वो न मर्त्यः॑ ।यद् दित्स॑सि स्तु॒तो म॒घम् ॥४॥

Na te vartasti radhasa indra devo na martyah, yad ditsasi stuto magham

य॒ज्ञ इन्द्र॑मवर्धय॒द् यद् भूमिं॒ व्यव॑र्तयत्। च॒क्रा॒ण ओ॑प॒शं दि॒वि ॥५॥

Yagya indramavardhayad yad bhumim vyavartayat, chakrana opasham divi

वा॒वृ॒धा॒नस्य॑ ते व॒यं विश्वा॒ धना॑नि जि॒ग्युषः॑ । ऊ॒तिमि॒न्द्रा वृ॑णीमहे ॥६॥

Vavridhanasya te vayam vishva dhanani jigyushah, utimindra vrinimahe