Sukta 8

8.1

Yatudhananashanam, 1-4 chatanah, 1-2 brihaspatih, agnishomau cha, 3-4 agnih (jatavedah), 1-3 anushtup, 4 barhatagarbha trishtup

इ॒दं ह॒विर्या॑तु॒धाना॑न् न॒दी फेन॑मि॒वा व॑हत्।
य इ॒दं स्त्री पुमा॒नक॑रि॒ह स स्तु॑वतां॒ जनः॑ ॥१॥

Idam haviryatudhanan nadi phenamiva vahat
Ya idam stri pumanakariha sa stuvatam janah

8.2

अ॒यं स्तु॑वा॒न आग॑मदि॒मं स्म॒ प्रति॑ हर्यत ।
बृह॑स्पते॒ वशे॑ ल॒ब्ध्वाग्नी॑षोमा॒ वि वि॑ध्यतम् ॥२॥

Ayam stuvana agamadimam sma prati haryata
Brihaspate vashe labdhvagnishoma vi vidhyatam

8.3

या॒तु॒धान॑स्य सोमप ज॒हि प्र॒जां नय॑स्व च ।
नि स्तु॑वा॒नस्य॑ पातय॒ पर॒मक्ष्यु॒ताव॑रम् ॥३॥

Yatudhanasya somapa jahi prajam nayasva cha
Ni stuvanasya pataya paramakshyutavaram

8.4

यत्रै॑षामग्ने॒ जनि॑मानि॒ वेत्थ॒ गुहा॑ स॒ताम॒त्त्रिणां॑ जातवेदः ।
तांस्त्वं ब्रह्म॑णा वावृधा॒नो ज॒ह्येऽषां शत॒तर्ह॑मग्ने ॥४॥

Yatraishamagne janimani vettha guha satamattrinam jatavedah
Tanstvam brahmana vavridhano jahyesham shatatarhamagne