Sukta 13

13.1

Vidyut, 1-4 bhrigvangirah, vidyut, anushtup, 3 chatushpadvirad jagati, 4 trishtuppara brihatigarbha panktih

नम॑स्ते अस्तु वि॒द्युते॒ नम॑स्ते स्तनयि॒त्नवे ।
नम॑स्ते अ॒स्त्वश्म॑ने॒ येना॑ दू॒डाशे॒ अस्य॑सि ॥१॥

Namaste astu vidyute namaste stanayitnave
Namaste astvashmane yena dudashe asyasi

नम॑स्ते प्रवतो नपा॒द्यत॒स्तपः॑ स॒मूह॑सि ।
मृ॒डया॑ नस्त॒नूभ्यो॒ मय॑स्तो॒केभ्य॑स्कृधि ॥२॥

Namaste pravato napadyatastapah samuhasi
Mridaya nastanubhyo mayastokebhyaskridhi

प्रव॑तो नपा॒न्नम॑ ए॒वास्तु॒ तुभ्यं॒ नम॑स्ते हे॒तये॒ तपु॑षे च कृण्मः ।
वि॒द्म ते॒ धाम॑ पर॒मं गुहा॒ यत् स॑मु॒द्रे अ॒न्तर्नि॑हि॑तासि॒ नाभिः॑ ॥३॥

Pravato napannama evastu tubhyam namaste hetaye tapushe cha krinmah
Vidma te dhama paramam guha yat samudre antarnihitasi nabhih

यां त्वा॑ दे॒वा असृ॑जन्त॒ विश्व॒ इषुं॑ कृण्वा॒ना अस॑नाय धृ॒ष्णुम्।
सा नो॑ मृड वि॒दथे॑ गृणा॒ना तस्यै॑ ते॒ नमो॑ अस्तु देवि ॥४॥

Yam tva deva asrijanta vishva ishum krinvana asanaya dhrishnum
Sa no mrida vidathe grinana tasyai te namo astu devi