সূক্ত 13

13.1

বিদ্যুৎ। ১-৪ ভৃগ্বঙ্গিরাঃ। বিদ্যুৎ। অনুষ্টুপ্, ৩ চতুষ্পাদ্বিরাড্ জগতী, ৪ ত্রিষ্টুপ্পরা বৃহতীগর্ভা পঙ্ক্তিঃ।

নমস্তে অস্তু বিদ্যুতে নমস্তে স্তনয়িত্নবে ।
নমস্তে অস্ত্বশ্মনে যেনা দূডাশে অস্যসি ॥১॥

নমস্তে প্রবতো নপাদ্যতস্তপঃ সমূহসি ।
মৃডয়া নস্তনূভ্যো ময়স্তোকেভ্যস্কৃধি ॥২॥

প্রবতো নপান্নম এবাস্তু তুভ্যং নমস্তে হেতয়ে তপুষে চ কৃণ্মঃ ।
বিদ্ম তে ধাম পরমং গুহা যৎ সমুদ্রে অন্তর্নিহিতাসি নাভিঃ ॥৩॥

যাং ত্বা দেবা অসৃজন্ত বিশ্ব ইষুং কৃণ্বানা অসনায় ধৃষ্ণুম্।
সা নো মৃড বিদথে গৃণানা তস্যৈ তে নমো অস্তু দেবি ॥৪॥