Utshovঅধ্যায় 2
2.1
কৃষ্ণোঽস্যাখরেষ্ঠোঽগ্নয়ে ত্বা জুষ্টং প্রোক্ষামি বেদিরসি বর্হিষে ত্বা জুষ্টাং প্রোক্ষামি বর্হিরসি স্রুগ্ভ্যস্ত্বা জুষ্টং প্রোক্ষামি ॥১॥
2.2
অদিত্যৈ ব্যুন্দনমসি বিষ্ণো স্তুপোঽস্যূর্ণম্ম্রদসং ত্বা স্তৃণামি স্বাসস্থাং দেবেভ্যো ভুবপতয়ে স্বাহা
ভুবনপতয়ে স্বাহা ভূতানাং পতয়ে স্বাহা ॥২॥
2.3
গন্ধর্বস্ত্বা বিশ্বাবসুঃ পরিদধাতু বিশ্বস্যারিষ্টয়ৈ যজমানস্য পরিধিরস্যগ্নিরিড ঈডিতঃ । ইন্দ্রস্য বাহুরসি দক্ষিণো বিশ্বস্যারিষ্টয়ৈ যজমানস্য পরিধিরস্যগ্নিরিড ঈডিতঃ। মিত্রাবরুণৌ ত্বোত্তরতঃ পরিধত্তাং ধ্রুবেণ ধর্মণা বিশ্বস্যারিষ্টয়ৈ যজমানস্য পরিধিরস্যগ্নিরিড ঈডিতঃ ॥৩॥
2.4
বীতিহোত্রং ত্বা কবে দ্যুমন্তং সমিধীমহি । অগ্নে বৃহন্তমধ্বরে ॥৪॥
2.5
সমিদসি সূর্যস্ত্বা পুরস্তাৎ পাতু কস্যাশ্চিদভিশস্ত্যৈ । সবিতুর্বাহূ স্থ ঊর্ণম্ম্রদসং ত্বা স্তৃণামি স্বাসস্থং দেবেভ্য আ ত্বা বসবো রুদ্রা আদিত্যাঃ সদন্তু ॥৫॥
2.6
ঘৃতাচ্যসি জুহূর্নাম্না সেদং প্রিয়েণ ধাম্না প্রিয়ং সদ আসীদ ঘৃতাচ্যস্যুপভৃন্নাম্না সেদং প্রিয়েণ ধাম্না প্রিয়ং সদ আসীদ ঘৃতাচ্যসি ধ্রুবা নাম্না সেদং প্রিয়েণ ধাম্না প্রিয়ং সদ আসীদ প্রিয়েণ ধাম্না প্রিয়ং সদ আসীদ । ধ্রুবা অসদন্নৃতস্য যোনৌ তা বিষ্ণো পাহি পাহি যজ্ঞং পাহি যজ্ঞপতিং পাহি মাং যজ্ঞন্যম্ ॥৬॥
2.7
অগ্নে বাজজিদ্বাজং ত্বা সরিষ্যন্তং বাজজিতং সম্মার্জ্মি । নমো দেবেভ্যঃ স্বধা পিতৃভ্যঃ সুয়মে মে ভূয়াস্তম্ ॥৭॥
2.8
অস্কন্নমদ্য দেবেভ্য আজ্যং সংভ্রিয়াসমঙি্ঘ্রণা বিষ্ণো মা ত্বাবক্রমিষং বসুমতীমগ্নে তে ছায়ামুপস্থেষং বিষ্ণো স্থানমসীত ইন্দ্রো বীর্যমকৃণোদূর্ধ্বোঽধ্বর আস্থাৎ ॥৮॥
2.9
অগ্নে বের্হোত্রং বের্দূত্যমবতাং ত্বাং দ্যাবাপৃথিবী অব ত্বং দ্যাবাপৃথিবী স্বিষ্টকৃদ্দেবেভ্য ইন্দ্র আজ্যেন হবিষা ভূত্স্বাহা সং জ্যোতিষা জ্যোতিঃ ॥৯॥
2.10
ময়ীদমিন্দ্র ইন্দ্রিয়ং দধাত্বস্মান্ রায়ো মঘবানঃ সচন্তাম্ । অস্মাকং সন্ত্বাশিষঃ সত্যা নঃ সন্ত্বাশিষ উপহূতা পৃথিবী মাতোপ মাং পৃথিবী মাতা হ্বয়তামগ্নিরাগ্নীধ্রাত্স্বাহা ॥১০॥
2.11
উপহূতো দ্যৌষ্পিতোপ মাং দ্যৌষ্পিতা হ্বয়তামগ্নিরাগ্নীধ্রাত্স্বাহা । দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ । প্রতিগৃহ্ণাম্যগ্নেষ্ট্বাস্যেন প্রাশ্নামি ॥১১॥
2.12
এতং তে দেব সবিতর্যজ্ঞং প্রাহুর্বৃহস্পতয়ে ব্রহ্মণে । তেন যজ্ঞমব তেন যজ্ঞপতিং তেন মামব ॥১২॥
2.13
মনো জূতির্জুষতামাজ্যস্য বৃহস্পতির্যজ্ঞমিমং তনোত্বরিষ্টং যজ্ঞং সমিমং দধাতু । বিশ্বে দেবাস ইহ মাদয়ন্তামো৩ম্প্রতিষ্ঠ ॥১৩॥
2.14
এষা তে অগ্নে সমিত্তয়া বর্ধস্ব চা চ প্যায়স্ব । বর্ধিষীমহি চ বয়মা চ প্যাসিষীমহি ।
অগ্নে বাজজিদ্বাজং ত্বা সসৃবাংসং বাজজিতং সম্মার্জ্মি ॥১৪॥
2.15
অগ্নীষোময়োরুজ্জিতিমনূজ্জেষং বাজস্য মা প্রসবেন প্রোহামি ।
অগ্নীষোমৌ তমপনুদতাং যোঽস্মান্দ্বেষ্টি যং চ বয়ং দ্বিষ্মো বাজস্যৈনং প্রসবেনাপোহামি ।
ইন্দ্রাগ্ন্যোরুজ্জিতিমনূজ্জেষং বাজস্য মা প্রসবেন প্রোহামি ।
ইন্দ্রাগ্নী তমপনুদতাং যোঽস্মান্দ্বেষ্টি যং চ বয়ং দ্বিষ্মো বাজস্যৈনং প্রসবেনাপোহামি ॥১৫॥
2.16
বসুভ্যস্ত্বা রুদ্রেভ্যস্ত্বা ঽঽদিত্যেভ্যস্ত্বা সংজানাথাং দ্যাবাপৃথিবী মিত্রাবরুণৌ ত্বা বৃষ্ট্যাবতাম্ ।
ব্যন্তু বয়োক্তং রিহাণা মরুতাং পৃষতীর্গচ্ছ বশা পৃশ্নির্ভূত্বা দিবং গচ্ছ ততো নো বৃষ্টিমাবহ ।
চক্ষুষ্পা অগ্নেঽসি চক্ষুর্মে পাহি ॥১৬॥
2.17
যং পরিধিং পর্যধত্থা অগ্নে দেব পণিভির্গুহ্যমানঃ ।
তং ত এতমনু জোষং ভরাম্যেষ নেত্ত্বদপচেতয়াতা অগ্নেঃ প্রিয়ং পাথোঽপীতম্ ॥১৭॥
2.18
সk স্রবভাগা স্থেষা বৃহন্তঃ প্রস্তরেষ্ঠাঃ পরিধেয়াশ্চ দেবাঃ ।
ইমাং বাচমভি বিশ্বে গৃণন্ত আসদ্যাস্মিন্ বর্হিষি মাদয়ধ্ব ং স্বাহা বাট্ ॥১৮॥
2.19
ঘৃতাচী স্থো ধুর্যৌ পাতং সুম্নে স্থঃ সুম্নে মা ধত্তম্ ।
যজ্ঞ নমশ্চ ত উপ চ যজ্ঞস্য শিবে সংতিষ্ঠস্ব স্বিষ্টে মে সংতিষ্ঠস্ব ॥১৯॥
2.20
অগ্নেঽদব্ধায়োঽশীতম পাহি মা দিদ্যোঃ পাহি প্রসিত্যৈ পাহি দুরিষ্টয়ৈ পাহি দুরদ্মন্যা অবিষং নঃ পিতুং কৃণু
সুষদা যোনৌ স্বাহা বাডগ্নয়ে সংবেশপতয়ে স্বাহা সরস্বত্যৈ যশোভগিন্যৈ স্বাহা ॥২০॥
2.21
বেদোঽসি যেন ত্বং দেব বেদ দেবেভ্যো বেদোঽভবস্তেন মহ্যং বেদো ভূয়াঃ ।
দেবা গাতুবিদো গাতুং বিত্ত্বা গাতুমিত ।
মনসস্পত ইমং দেব যজ্ঞং স্বাহা বাতে ধাঃ ॥২১॥
2.22
সংবর্হিরঙ্ক্তাং হবিষা ঘৃতেন সমাদিত্যৈর্বসুভিঃ সম্মরুদ্ভিঃ ।
সমিন্দ্রো বিশ্বদেবেভিরঙ্ক্তাং দিব্যং নভো গচ্ছতু যৎ স্বাহা ॥২২॥
2.23
কস্ত্বা বিমুঞ্চতি স ত্বা বিমুঞ্চতি কস্মৈ ত্বা বিমুঞ্চতি তস্মৈ ত্বা বিমুঞ্চতি ।
পোষায় রক্ষসাং ভাগোঽসি ॥২৩॥
2.24
সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা সুদত্রো বিদধাতু রায়োঽনুমার্ষ্টু তন্বো যদ্বিলিষ্টম্ ॥২৪॥
2.25
দিবি বিষ্ণুর্ব্যক্রংস্ত জাগতেন ছন্দসা ততো নির্ভক্তো যোঽস্মান্দ্বেষ্টি যং চ বয়ং দ্বিষ্মোঽন্তরিক্ষে বিষ্ণুর্ব্যক্রংস্ত ত্রৈষ্টুভেন ছন্দসা ততো নির্ভক্তো যোঽস্মান্দ্বেষ্টি যং চ বয়ং দ্বিষ্মঃ পৃথিব্যাং বিষ্ণুর্ব্যক্রংস্ত গায়ত্রেণ ছন্দসা ততো নির্ভক্তো যোঽস্মান্দ্বেষ্টি যং চ বয়ং দ্বিষ্মোঽস্মাদন্না দস্যৈ প্রতিষ্ঠায়া অগন্ম স্বঃ সং জ্যোতিষাভূম ॥২৫॥
2.26
স্বয়ংভূরসি শ্রেষ্ঠো রশ্মির্বর্চোদা অসি বর্চো মে দেহি । সূর্যস্যাবৃতমন্বাবর্তে ॥২৬॥
2.27
অগ্নে গৃহপতে সুগৃহপতিস্ত্বয়াগ্নেঽহং গৃহপতিনা ভূয়াসং সুগৃহপতিস্ত্বং ময়াঽগ্নে গৃহপতিনা ভূয়াঃ ।
অস্থূরি ণৌ গার্হপত্যানি সন্তু শতং হিমাঃ সূর্যস্যাবৃতমন্বাবর্তে ॥২৭॥
2.28
অগ্নে ব্রতপতে ব্রতমচারিষং তদশকং তন্মেঽরাধীদমহং য এবাস্মি সোঽস্মি ॥২৮॥
2.29
অগ্নয়ে কব্যবাহনায় স্বাহা সোমায় পিতৃমতে স্বাহা । অপহতা অসুরা রক্ষাঁসি বেদিষদঃ ॥২৯॥
2.30
যে রূপাণি প্রতিমুঞ্চমানা অসুরাঃ সন্তঃ স্বধয়া চরন্তি ।
পরাপুরো নিপুরো যে ভরন্ত্যগ্নিষ্টাল্লোকাত্প্রণুদাত্যস্মাৎ ॥৩০॥
2.31
অত্র পিতরো মাদয়ধ্বং যথাভাগমাবৃষায়ধ্বম্ । অমীমদন্ত পিতরো যথাভাগমাবৃষায়িষত ॥৩১॥
2.32
নমো বঃ পিতরো রসায় নমো বঃ পিতরঃ শোষায় নমো বঃ পিতরো জীবায় নমো বঃ পিতরঃ স্বধায়ৈ নমো বঃ পিতরো ঘোরায় নমো বঃ পিতরো মন্যবে নমো বঃ পিতরঃ পিতরো নমো বো গৃহান্নঃ পিতরো দত্ত সতো বঃ পিতরো দেষ্মৈতদ্বঃ পিতরো বাস আধত্ত ॥৩২॥
2.33
আধত্ত পিতরো গর্ভং কুমারং পুষ্করস্রজম্ । যথেহ পুরুষোঽসৎ ॥৩৩॥
2.34
ঊর্জং বহন্তীরমৃতং ঘৃতং পয়ঃ কীলালং পরিস্রুতম্ । স্বধা স্থ তর্পয়ত মে পিতৄন্ ॥৩৪॥